مطلوب امرأه للزواج .... و يا ريت و الله تكون في امريكا, حاجه غريبه بجد
معقوله ؟؟
يعني ممكن حد يصحى من النوم (( سواء ست او راجل )) و يقول انا عندي معاد في مكتب عشان عايز اتجوز
هروح املأ ورقه ببياناتي عشان يدورولي على بنت الحلال او ابن الحلال
في مكاتب يا جماعه عامله اعلانات في جريده الوسيط هي عباره عن مكاتب بتوفق راسين في الحلال
يعني مكاتب جواز
الست او الراجل من دول
يدخل : السلام عليكم
يرد عليه الراجل اللي قاعد عالمكتب : و عليكم السلام و رحمه الله و بركاته .. اي خدمه ؟؟
الراجل او الست اللي عايزين يستقرو : اه لو سمحت انا كنت عايز اتجوز .. و عايز مواصفات معينه
الراجل بتاع المكتب : طب املى الورقه دي و لو سمحت ادفع خمسين جنيه رسوم و هنبقى نكلمك انشالله
اللي عايز يستقر : و امتى انشالله هتردو ؟؟
بتاع المكتب : لما ربنا يريد انشالله سيب بس بياناتك
بغض النظر عن المحادثه دي اللي اكيد من تأليفي و اخراجي (( بس حكايه الخمسين جنيه دي بجد ))
الناس يا حرام من لاقيه تاكل
ايه اللي يضطر الناس انهم يروحو المكاتب دي ؟؟
اغلبها بيكون نصب و احتيال
انا شفت برنامج على قناه المحور بيتكلم عن الموضوع دا
بصراحه استغربت
اوك انا عارفه ان في مكاتب كده
بس اول مره اعرف ان في اقبال كده عليها
و برضه اول مره اعرف حكايه الخمسين جنيه و انت طالع دي
و بعدين سمعت كمان ان بيقوللك ازا انت عايز عروسه للسفر للخارج
او الست دي تكون عايشه اساسا في الخارج و معاها الجنسيه ... الخ
اوك في عنوسه كتيــــر بس برضه دا مش سبب يخلي الناس تروح اماكن زي دي
الدنيا موقفتش
و ايه الناس الملهوفه عالجواز اوي كده
طـــيب
انا طولـــت
دا رأيي
عايزه اعرف رأيكم في الموضوع
و هل انت/ ي ترضى على نفسك لو وقف بيك الطريق انك تروح المكاتب دي ؟؟
لو اه ليه ؟
و لو لأ برضــه ليه ؟؟
اشكرك هوبي لموضوعك اما للرد
فلا ارى انه كويس بهذه الطريقة
ايه يعني خد خمسين جنيه واديني عروسة
الحياة اخد وعطاء والزواج الناجح يجب ان يتم
بموافقة الطرفين ومن السنة اخذ موافقة العروس
ومن رائي ان الشاب بنفسه يحاول يتعرف ببنت الحلال
ولزواج ناجح ودائم فعلى البنت ان تعرف الشاب هو ايه
ودون ان ادخل بالتفاصيل والحديث الطويل المهم والي اعرفه
انهم لازم يتعرفو ببعض لتكن الموافقة من الطرفين مش من
مكتب الزواج والخمسين جنيه
اتمنى صورتي تكون واضحة لك واتمنى لك الحياة المليئة بالسعادة
والهناء باذن الله تعالى
واشكرك لمشاركتنا موضوعك
السلام عليكم
انا بصراحة حموت من الضحك
هههههههههههههههههههه
مكتب وخمسين جنيه دي حاجة ما حصلت
اولا الي بدو يتزوج بدور على الدين و النسب والسمعة
ثانيا الي بدو يتزوج لازم يكون مؤهل ومتمكن .... دي مش لعبة اولاد صغار
ثالثا بقول المثل على قد فراشك مد رجليك وضعك على قدك ما تحلم ببنت السلطان
ومشكور يا اخ هوبي
انا شايفه فكره جواز المكاتب زى جواز الصالونات فالى هيقبل بده يقبل بالتانى هى كل المشكله فى النصب لكن كفكره اكيد هتلاقى قبول من ناس كتيره وانا شايفه ان مش السبب هى العنوسه بدليل الشباب الى بيتقدموا لهذه المكاتب يعنى مفيش ولد بيعنس وانا ضد فكره ان البنت تعنس مانقول تاخر الجواز مشكور هوبى على تميزك فى اختيار مواضيعك دمت لنا
شكر هوبي على موصوع الحدث الزوج مسئلة حض و نصيب كما يعرف الجميع و هده المكاتب لا نتيجة لها اصل مجرد تلاعب و احتيال زي ما قالو ا الشباب و في شباب و شبات يبحثون عن الحلال و لكن ليست بهده الطريقة
العرض العادي
