كل ما افكر فيك

[Love.For.Ever]

كل ما افكر فيك

قلبى يسألنى عليك

واخرج من أحزانى

و ادور فيا عليك

ملإكش بين أحضانى

أصرخ وانادى عليك



قبل ما تبعد عنى

قوللى عملتلك إيه

خليتك حتة منى

تقسى على قلبى ليه


و عايزنى أبعد عنك

ح ابعد و مش ح ارجعلك

مدام بهون على قلبك

و مدام قلبك طوعك


بس خايف أرجع أحبك

خايف أقرب منك

أصلك قاسى و بتجرح

كل اللى يخاف عليك


رغم ان انت كل الدنيا

ح اقدر أنساك فى ثانية

أنا أصلى كرامتى غالية

ح ابعد و انا روحى فيك


شلتك فى العين و الننى

خليتك حتة منى

لكن جرحت قلبى

و مفيش حاجة تداويه


غير إنى فى نفسى مدمر

و مش بعيد أتغير

ما خلاص مش ح اقدر اصبر

الصبر عملى إيه


لما الملاك بيخون

كل شىء بيهون

صعبان عليا الكون

طول ما انت عايش فيه


! خوفك عليا كذب


! قربك منى كذب


! وعودك ليا كذب

طب قوللى إنت ليه


خللتنى امشى فى مشوار

و كنت فيه غدار

حرقتنى بالنار

بعت اللى كان شاريك


كل ما افكر فيك

قلبى يسألنى عليك

واخرج من أحزانى

وادور فيا عليك

ملإكش بين أحضانى

أروح أسأل عليك


! ألاقيك حزين أفرح


إنى إنتقمت فى بعدك

ألاقيك حزين أفرح

مانا برضه حزين فى بعدك

واحلف إنى ح اجرح

كل اللى ح ييجى بعدك

[أمير الصمت]

عجز قلمي عن وصف جمال كلماتك
بحثت بافكاري فلم اجد سوى
الشكر والسعادة لك من الله تعالى
وطول العمر بالفرح والهناء
باذن الله تعالى

[Love.For.Ever]

تسلم احسان على ردك ومرورك العطر
منور موضيعى دائما

[داليا]

كلماتك متميزه وجميله زيك
بس انتى تقصدى حد بالكلمات دى
هههههههههههههه
تسلمى يا حبيبتى على كلماتك

[Love.For.Ever]

قصدك انتى يا رخمه يا رخمه يا رخمه تلاته رخمه بس

[l-lo0oBy]

لا حول الله يارب

جميله الكلمات طبعا

بس الأجمل تعرفى التوقيع بتاعكم دا

ماتدخلونى فى الوسط أنا كمان ههههههههههههه

[داليا]

انا عارفه ان كلامك دة من ورا قلبك لانه لو من جوه قلبك كنت قتلتك
يا ساتر عليك يا هوبى والله كنا لسه زعلانين من شويه
وبعدين احنا ندخلك معانا ليه اصلا
دا ليا انا ولف وبس
وبطل حقد

[Love.For.Ever]

ايه يا هوبى ليه الغل ده يا ابنى بطل شويه
وزى ماقلتلك بنوته ده ليه انا وبنوته بس
منوره يا بنوته
وهوبى مش منور

[l-lo0oBy]

طبعا مش منور شايفانى اسمها ايه دى هههه

وبعدين غل وحقد ايه انا بقول حلو هو أنا قولت حاجه وحشه
بس حتبقى أحسن لو اسمى اتحط فى وسطكم ههههههه

[داليا]

زى ما لف قلتلك دة ليا انا وهى وبس
و ليه حيبقى احلى لو انت اتحشرت بنا؟