اكبر..او .. اصغر هتفرق معاكم بجد؟؟ حلوها بقى!

[l-lo0oBy]

حبيتها اوووووي
حبيتيه اوووي
بس فيه مشكلة

هي اكبر منك
هو اصغر منك

كل حاجة بينكم متقاربة
التفكير والمركز الاجتماعي والمالي والثقافي

تعملوا ايه

تتحدوا الناس والعادات والتقاليد
ولا انتوا واثقين من بعض وحبكم لبعض وهتحاولوا تقنعوا اهاليكم بالحب ده


دلوقتي انا طبعا مش بتكلم على عجوز وشاب فاول العمر
هو فقير وهي غنية
وموضوع الافلام اللي بنشوفها
لان الهدف من الزواج واضح ومرفوض
مش ده موضوعي

طب هل اللي فديننا حلال
يبقى فعرف المجتمع والتقاليد حرام

وجعلنا لكم في رسول الله اسوه حسنة
واحب زوجتين لقلب الرسول عليه الصلاه و والسلام السيدة خديجة رضي الله عنها وكانت اكبر منه ب 15 سنة
ولعبت دور هام فحياة الرسول محمد صلى الله عليه وسلم

والسيدة عائشة رضي الله عنها وكانت اصغر منه بكتير وكان ليها مكانه خاصة فقلبه
ولعبت برضه دور هام فحياته وبعد مماته عليه الصلاة والسلام

طب اكيد ربنا سبحانه وتعالى له حكمة فده؟؟صح

ولو بصينا فمنطق الناس مش هنلاقي جواب شافي
يعني وحدة هتقولك الخلفة دي هتكبر
طب ممكن تكون صغيرة بس ربنا مش كاتبلها الخلفة

حد هيقولك البنت بتكبر بسرعة والعمر ببان عليها برضه هقول فزماننا ده الست عندها 121 مليون طريقة تحافظ على نفسها وجمالها ولياقتها
وبرضه ممكن تبقى اصغر منه وتبان اكبر بكتير

طب حد يجاوبني هل تسيب انسانة بتحبها
وانتي هل تسيبي انسان بتحبيه
انتوا متوافقين فكل حاجة
والعمر هو الفارق الوحيد
عشان الناس وكلام الناس
ولا تعملوا ايه؟؟؟؟
بجد حالات الحب دي موجوده كتير فمجتمعنا
عايزة حل للمشكلة دي
فكروا وقولولي



............

ايهاب جمال

هووووووووبى

[داليا]

بص يا هوبى
بصراحه انا شايفه ان مجتمعنا دلوقتى مبتفرقش معاها اذا كانت اكبر
لان انا شايفه حاله زى دى امامى ان فى بنت جالها ولد اصغر منها بسنتين
من غير ما يكون بنهم حب والناس كلهم قثالولها وايه يعنى كل اصحابها وجيرنها وقريبها
شايفين انه طالما كويس خلاص دى مش مشكله مساله السن
بس انا عن نفسى ارفض مساله انها اكبر ومش بقتنع بيها
مع انى عارفه ان الرسول كان متزوج ستنا خديجه وكانت اكبر منه 20 سنه وكان بيحبها جدا
وعارفه ان زى ماانت قلت الستات ممكن يعملوا مليون حاجه عشان يفضلوا صغيرين
بس برضوا ارفض لكن لو بيحبوا بعض خلاص يكملوا وانا واثقه انا مجتمعنا اتغير يمكن بسبب
ان البنات باوش يتجوزوا بسرعه او فى سن صغير
سورى انى طولت فى الكلام بس لان الموضوع دة مضايقنى
مشكور هوبى على كل مواضيعك المتميزه
دمت لنا بكل خير وسعاده

[l-lo0oBy]

مشكوره طبعا على الرد الجميل دا

بس أنا عايز أقولك الرسول حاجه واحنا حاجه تانيه يعنى تفكيرنا أكيد مختلف طبعا

بس أنا معااكى لو فرق السن مكنش كبير بينهم سنتين او تلاته وكان بينهم علاقه حب قويه وحقيقيه يبقى مفيش مشكله

تسلميلى