حاجة تكسف

[رحيق الجنة]

مواقف كتيرة مرينا بيها ........... ويمكن لسه بتحصل لنا احيانا
لكن بعد ما يعدى الموقف اوحتى فى شدته نلاقى نفسنا بنقول لنفسنا حاجة تكسف
لما تبقى ماشى وتلاقى نفسك خبطت فى واحد (بزمتك مش حاجة تكسف) وانت ماشى حسيت
ان الناس بتتبص عليك وتضحك ويبقى نفسك تبص فى مراية تشوف ايه اللى فيك يضحك لكن
(وضاع الامل) حاجة تكسف
كنت مع اصحابك فى المحاضرة بتتكلموا يقوم الدكتور ما يشوفش حد غيرك وينادى عليك
ويضحك كل زمايلك فى الدفعة عليك(والله العظيم حاجة تكسف)اوطالع السلم قمت
اتكعفلت وروحت واخد السلم كله زحلقة (حاسة بيك اه حاجة تكسف)اقولك احساسك بيبقى
عامل ازاى؟؟؟؟
بيبقى نفسك الارض تنشق وتبلعك او انك تختفى خالص لا واحيانا كنت تتمنى انك تموت
ولا تتعرض لموقف زى ده ,. وخصوصا اذا المراقب ظبطك وانت بتغش من البراشيم اللى
حطيتها فى علبة السجاير اة لياقة القميص حاجة تكسف ......... طب وبعدين؟؟؟؟
ولا حاجة كل ما تفتكر موقف من المواقف ديه اضحك ايوة اضحك ولو مش عارف تضحك ؟؟
ولا يهمك يا سيدى عارف الضحكة الصفراء ايوة هى ديه لما تلاقى حد مش بتطيقه جاى
يسلم عليك وبيقولك ازيك طبعا حضرتك ما بتردش عليه ولا حتى بتقوله(احسن منك)
وبتكتفى ب ................... ايوة (الضحكة الصفراء) اهو انا عايزاك تضحكها اول
ما تفتكر موقف من المواقف ديه وبعدين هتلاقى نفسك غرقان فى بحر من الضحك لانك
مجرد ما بتشرع فى الابتسامة تلاقى وشك بيستجيب معاك تقوم تموت من الضحك وتقوم
قايل لنفسك بالمرة بقى ما دام ضحكت ياااااااااااااااه ده الواحد زمان كانت
بتحصل له مواقف على مواقف ياريت الايام الحلوة ديه ترجع تانى والله ايام ما
تتعوضش ده احنا كنا بنعمل عمايل بدل ما تقعد تهرى وتنكت فى نفسك وتقول يا كسوفك
يا فلان يا كسوفك يا فلانة ياعم نفض بلا كسوف بلا خسوف ياريتنى ما كنت عملت كذا
ياااااااااااه ده انا كان شكلو وحش بشكل ياريت الارض كانت تنشق وتبلعنى تصدقوا
انا اكتئبت اصل الكلام ده بصراحة يجيب الاكتئاب ايا يكن انا خلاص خلصته وخللونى
بقى احكيلكم على موقف محرج حصلى انا شخصيا وبضحك ضحكة صفراء اول ما بفتكره
(كانت اول مرة فى حياتى اروح اعزى فى ميتم وكانت وفاة والد واحدة زميلتى فى
المدرسة كنت خايف اروح لانى عارفة انى هاضحك ليه ما اعرفش هو انا شخصية غريبة
شوية لا يعنى على شان اكون صريحة شويتين عشر شويات كده اترددت كتير قبل ما اروح
حاسة انى مش هاعرف ارسم صورة الحزن على وشى وشكلى هاموت من الضحك المهم قمت
روحت لاستاذ احمد سالم مدرس علم النفس بتاعى وسالته اروح ولا لا فقالى لو
الواحد بس لثانية واحدة رسم على وشه ملامح الابتسامة وشه هيستجيب وهيضحك ولو
رسم على وشه ملامح الحزن برده وشه هيستجيب وهيكضم كده وهيبقى نفسه يعيط بس ما
اعتقدش ان المثل ده هينفع معاكى اصل انتى مش وش كلضمة انتى دايما مبتسمة عموما
انا خلاص قررت وجادة فى قرارى انا هاروح الميتم مع صحباتى وفعلا روحت واول خمس
دقايق مشيت الخطة تمام كلضمت كلضمة ما يعلم بيها الا ربنا لكن فجاة وفى وسط
الحزن اللى باين على الناس طلع بركان من الكراسى اللى فى الوسط بركان من الضحك
الشديد اصعب ما فى الموقف هو نظرات الاحتقار من كل مكان لكن سرعان ما رجع وشى
كما كان مكلضم وقبل ما امشى سلمت على صحبتى اللى والدها متوفى ووانا باقولها
البقاء لله صدرت ابتسامة خفيفة اه بس مش خفيفة اوى يعنى وطبعا لميت الموضوع
وطلعت على بره جرى ولما تقابلت انا وصحباتى اكدولى انى انا كان شكلى زبالة وان
كان فى حاجة اكتر من زبالة كانو قالوها ) ايا يكن اللى حصل حصل وقول لزمان ارجع
يا زمان وياريت اللى جرى ما كان
بصوا بقى خلاصة الموضوع
من اساليب التوافق الغير مباشرة نوعين اما سوية وبنسميها( الحيل الدفاعية) او
غير سوية وبنسميها (السلوك المضطرب) ومن الحيل الدفاعية ديه حاجة اسمها الكبت
و(الكبت)هو ما يسمى بالنسيان المدفو ع ويعنى تحويل مشاعر القلق والمواقف
المؤلمة والمخزية من دائرة الشعور والوعى الى دائرة اللا شعور واللا وعى
الى اخى واختى اصحاب المواقف المحرجة والمخزية اكبت يا ابنى اكبتى يا بنتى
حولوا كل المواقف ديه من دائرة الشعور والوعى الى دائرة اللا شعور واللا وعى
لوفاهمين يبقى حياكم الله ولو مش فاهمين خاللو اللى فاهمين يفهموكوا ولو ماحدش
فهم حاجة يبقى للحديث بقية

افتكرونى( اضحك ما حدش واخد منها حاجة) هو الضحك بفلوس؟



من اجل صحة نفسية افضل

[said saad]

ههههههههههههههه

شكرررررررررررررررا ياباشا

[al maghribiya]

شكر لك يا رحيق الجنة مني لك ارقى تحية

[l-lo0oBy]

يارحيق الجنه موضوع جميل

بس هو دا حال البشر لازم يكون فيه شعور ازاى نكبت وازاى يبقى مفيش شعور بالنسبه لنا

واذا كان دا المطلوب من ناس موجوده فى دنيتنا يبقى برضه مانستسلمش

تسلم ايدك

[رحيق الجنة]

said saad: الحمد لله انها عجبتك .... شكرا للمرورو الرد

al maghribiya: شكرا على مرورك وردك على الموضوع واتمنى انه يكون عجبك ِ

[رحيق الجنة]

المشاركة الأصلية كتبت بواسطة hooby

يارحيق الجنه موضوع جميل

بس هو دا حال البشر لازم يكون فيه شعور ازاى نكبت وازاى يبقى مفيش شعور بالنسبه لنا

واذا كان دا المطلوب من ناس موجوده فى دنيتنا يبقى برضه مانستسلمش

تسلم ايدك

هو اكيد طبعا كلام حضرتك سليم ..... والمفروض اننا منفضلش نكبت في نفسنا لان الكبت من الوسائل الدفاعية للاساليب الغير مباشرة للتوافق .... ولو زاد الكبت عن حده ممكن نصاب باسوأ أنواع التوافق وهو السلوك المضطرب ...

هو بس انا بقول كده عشان الواحد ميفضلش يدايق نفسه ويشغل نفسه بالمواقف المحرجة المفروض انه يكون اكثر مرونة وتقبل للمواقف المحرجة اللي بتحصله .


وشكرا لحضرتك يا أستاذ ايهاب على مرورك وعلى ردك

[دمعه الم]

هو الكلامــ مضبوط وكل حاجه

بس كل الحكايه ان اي حد بيحصلو موقف محرج بيفتكر نظرات

وتعليقات البنت ادمين الي كانو موجودين

وطبعاً انتو عارفين تعاليق الشعب المصري الظريفه

افيهات بعض التافهين الي مبيصدئوا كدا يحصل

فـ في مواقف معينه الواحد مبيحبش يفتكرها عشان مش يحس

ويفتكر الموقف الي كان فيه

وفي مواقف نضحك لما نفتكرها لأن لاحراج فيها بيكون نسبي مش جامد

بس غالبا جامدهـ النظريه وهيا اننا نفضل نضحك على طول

بجد تسلم ايدك يا رحيق

ولا ننحرم من مواضيع الجامدهـ دي

..

[نديم]

رحيق الجنة

كلامك كلة جميل

وانا عن نفسى مازلت اتعرض لبعض من تلك المواقف

ونفسى اتخلص من تلك العادة السيئة خصوصا تلك الابتسامة

عموما مشى حالك

شكرا