طبعا حلم كل واحد فيكم انه يكلم نانسي عجرم.ودي طرق محفوظه من هيئه التظبيط.ودلوقتي الحلم اصبح حقيقه.وتقدر تظبط نانسي عجرم ولكن اتبع الخطوات الثابته دي بالظببببببببط:--
ازاي تظبط نانسي عجرم:---
1-تترقب كده اي حفله ليها بس لازم يا باشا تكون في اول صف ادامها علي طوووول.
2-تأجر بدله جامده من عند عمك زوءروم وتتمنجه وتبقي ولا جيمس بوند.
3-تكمرلك الحته البي ام من ابوك لو عرفت.
4-تروح الحفله بقي يا جميل وانت مروق نفسك ومظبط حياتك وتفضل تقضيها معاها نظرات.
((((((ملحووظه هااامه جدا)))))):طبعا مينفعش تطلعلها وتسلم عليها عشان عليها حراسه مشدده حيث انها مصدر للدخل القومي وثروه وطنيه فبيخافو عليها من مهربين الاثاار.
5-لما تيجي اللحظه المناسبه(ساعه الصفر)ترملها ورقه مكتوب فيها(قابليني عند الساعه)قصدي عند
(عبده دولار بتاع الكشري).
ملحوظه::لو مشفتهاش ابقي استني وترقب حفله تانيه جايه.
6-بس كده تمام اوي.وبعد كده تاخد الورقه.وتعمل عم التقيل وتروح متاخر عليها عشر دقايق بالكتير.
ولو سالتك اتاخرت ليه قلها المواصلات وكده.
(((((ملحوظه هااامه جدا))))):لو عايزين تضربولكو طبقين كشري من عبده دولار اوك بس ياريت تقوله يكتر التقليه يعني.
8-تاخدها بقي علي اشد قهوه بلدي كده وتطلب كوب من الشاي البلاستيك.وتطلبلها عناب او خروب في كوز مصدي عجب.وتقولها قضيها(اخاصمك اه)في القهوه دي.
9-ولازم طبعا تعمل انك واد ستايل بقي وتاخدها تشربها عصير قصب او تمر.لو بتحب التمر الهندي متبخلش عليها.وقضيها تمر.ولكن ابعد عن المانجو والكوكتيل.
(شوب مانجو وكوكتيل صغير 3.5)
(شوب مانجو وكوكتيل كبير 2.5)
10-تاحدها علي سينما الزيتون اللي التذكره فيها ب 2جنيه.ودي تقعد ادام عشان متشفش حاجه وعيشو (احساس جديد).
((((ملحوظه:الصاله ب2 جنيه.بلكونه ب 2.5.لوج ب 3 جنيه))))
11-لو معاك عربيه يبقي خير وبكره.لو معاكش عادي ممكن تقضوها ميكروباصات المهم توصلها لحد البيت.(((الميكروباص الاجره ب 50 قرش.واجره اللي مدفعش ورا.اسفين يا انسه.عشان هتدفع انت)))
12-لو ماشي وهيفا حد بيجري عليك عشان يسلم عليك تقولها اهلا وتنفضلها وتعرفها بنانسي قولها دي زملتك بتغني.
لو حد من اصحابك اللزقه شافك تقوله اسكت لا تودي روحك في دهيه.انت متعرفش دي مين.هيقولك مين.تقوله دي رئيسه فرنسا الجديده وجيه تاخد معايا درس فرنساوي.
لو لا قدر الله بقي طبعا و امين شرطه رخم شقطك تقوله دي خطيبتي.
لو طلع رخم وقالك الدبل.تقوله دي بنت خالتي وكنا رايحين لخالتي.
لو طلع ارخم سلكه بحاجه بقي (هولز او تشيكلس او صاروخ حاجه ساقعه)
المهم توصلها للبيت وتطمن انها وصلت بالسلااااااامه .
13-واهم حااجه في الكلام ده كله انك بعد كده تتغطي كويس وتغطي راسك كويس
او لو مش جيلك نوم اصحي يا اخى.
العرض العادي
