نظرة فابتسامة فموعد فلقاء
رحت قابلتها
رحتي قابلتيه
قلبك مال ليها
قلبك مال ليه
لقاء وراه لقاء تاني
حالك اتغير
سهران
سهرانه تعد النجوم
سرحان
فرحان
اكتشفت انك بتحب
وانت برضه اكتشفتي ده
قعدتوا تتكلموا وتتكلموا
كل ما تتكلموا كل ما تقربوا اكتر من بعض
افكاركم واحلامكم بتشبه بعض
اعترفتوا لبعض بحبكم
وخلاص مش قادرين تبعدوا عن بعض
يبقى فاضل ايه
اكيد لازم الارتباط يكون رسمي
رجعتوا البيت طايرين
فاتحتوا اهلكم بالموضوع
فرحوا معاكم
العيلتين لازم يتقربوا من بعض
كل حاجة بمبي فبمبي مفيش مشاكل
وفي اول لقاء للعيلتين
اكتشفتوا انكم من ديانتين مختلفتين
مجاش مرة فبالكم انكم تسالوا بعض انت ديانتك ايه
فالحب مش بنسال
بننجرف ورا مشاعر صادقة وحلوة
تخيل انك اول متقابل حد تساله انت ايه؟؟
صدمة مش قادرين تتقبلوها
لا عقلكم ولا قلبكم
طب ايه الحل
تسيبوا كل حاجة وتنسوا
تعملوا ايه؟؟؟
_________________
ايهاب جمال
هوووبى
العرض العادي
