السلام عليكم
بعد التحيه والسلام عليكم
بصراحه انا مش عارفه اقولكم ايه بس انا بجد حزينه جدا طبعا ياجماعة مش شرط الى هحكيه ليكم ناو كل واحد يكون بيتعرضله او بيواجه من الممكن ان فى ناس كده فعلا لكن فين الناس الكويسه
بصراحه انا زعلانه من اصدقاء اليومين دول او من الناس عموما لااسف كل واحد بيقول يالاه نفسى محدش بيحس بحد محدش بيخاف على حد كل واحد بيدور عل مصلحته على حياته وبس ونيجى نبص على الاخرين محدش بيفكر فى حد هو عصر الحياه السريع والحياه خالى الناس كمان سريعه فى افعالها وردود افعالها.
هو ربنا طلب مننا كده ده ربنا خالى الناس تصوم فى رمضان علشان الغنى يحس بجوع الفقير وعلشان يكون فى مساواة ليه معدتش الناس بتحس ببعضيها ولااسف الى بيعمل كده بيتقال عليه اهبل وعبيط؟
اهبل وعبيط!!! انه بيحط نفسه مكان الناس علشان عنده ضمير يتقال عليه اهبل وعبيط هو الحلو بس انك تدور على مصلحتك متدورش على حد تانى هو ده الشغل الشاغل للناس ان الناس تفكر فى نفسها لو كان كده يبقى فعلا النهايه قربت انا نفسى الناس تراجع نفسها تبتدى تشوف ربنا طلب مننا اننا نحس ببعضينا نعامل الناس بضميرنا نحط نفسنا مكان الناس مش نفكر فى نفسنا بس لااسف كله بيتعامل كده بلاش نقول كله خالينا نقول الاغلبيه الصفه السايده يالاه نفسى
ده مش بين الاصدقاء بس ده حتى فى الحب بقى فيه يالاه نفسى حتى الحب اصبح فيه يالاه نفسى يعنى
اتنين بيحبوا بعض فجاءة وبدون اى مقدمات احد الطرفين يسيب التانى اصل معلش مش انت فارس احلامى او مش انت فارسه احلامى كل بنت دلوقتى شغلها الشاغل انها تدور على الشاب ميسور الحال الغنى الى هيقدر يعيشها عيشه مرتاحه هانئه الشاب الى على اده يشوفله واحده تانيه فى حين ان ممكن يكون شاب معه فلوس الدنيا بس ميقدرش يخاليها سعيده مش كل الى معه فلوس سعيد ومرتاح البال ومش كل الى معهوش فلوس حزين وتعيس لا بالعكس ممكن الى معهوش المال يكون بينام مرتاح لان مصدر دخله حته واحده وممكن الغنى بقه الى اغتنى فجاءة دوت مش بيعرف ينام لان الله اعلم بقه مصدر فلوسه فين بجد الناس اصبحت صعبه اوى كل واحد يااما بيدور على الفلوس ومصلحته ويدوس على اى حاجه فى طريقه ميهموش اصحاب احباب وممكن اخوات كمان المهم نفسه وبس انا نفسى الناس تفوق انا اسفه لو كلامى ضايقكم بس بجد انا مخنوقه من وضع الناس ولااسف انا واجهت نوعيات من الناس دى وبجد انا حزينه اوى اوى ولااسف الكل يقول الطيبه فى الزمن ده هبل طيب لازم الواحد يكون اسد وحش كاسر معندوش ولا قلب ولا ضمير علشان يقدر يعيش زى باقى البشر لازم تلغى مشاعرك احساسك علشان تقدر تعيش صح هو ده الى الناس عايزاه بس انا واحده من الناس بقول لا انا هفضل زى ماانا والى عايز يقول هبله وعبيطه يقول بس يكفينى رضى ربى عليا ومش هيهمنى اى حد الى يهمنى فوق مش تحت والى بيدى فوق مش تحت
ولا انتم رايكم ايه فى الكلام دوت عايزة اشوف رايكم فى الكلام دوت لازم تشاركونى الراى ولا ايه ارجوكم الاهتمام لانى بجد محتاجه اشوف راى الناس وانا عارفه ان اكيد الدنيا لسه بخير وانا مش متشائمه بس انا حبيت اخد اراء الناس وكمان عايزة الى نايم وغفلان يفوق ويعرف ان ربنا مامرناش بكده ولا ايه..........؟؟؟؟؟؟؟؟؟؟؟؟؟؟
mar00 
ممكن تساعدونى احط عنوان للكلام دوت محتاجه مساعدتكم اوى هام جدااااا
