لالا ماعتقدش هتوافقه؟ ولا اقولكم ماتيجوا وتقولولى انتم رايكم ضرورى بسرعه الموضوع مهم

[maroo]

بسم الله الرحمن الرحيم

موضوعى النهارده مهم اوى بس انا عايزة الناس تشارك فيه

الموضوع هو هل من الممكن انك تتجوز واحده اكبر منك يعنى الفرق بينكم كبير؟ السؤال بصيغه تانيه هل من الممكن ان حببتك تتبقى اكبر منك؟ هل موضوعكم هيستمر للجواز؟ والسؤال برضه لكل بنت عايزة مشاركه وعايزة اشوف ردود؟

بالنسبه للموضوع بتاعنا وهو هل من الممكن انك تتجوز واحده اكبر منك والسؤال برده للبنت هل ممن الممكن تتزوجى شخص اصغر منك؟

عارفين انا سالت السؤال ده ليه لانى فعلا شوفت قصه عشتها مع اتنين من اصدقائى الاعزاء كانوا بيحبوا بعض جدا جدااااا جداااا وسابوا بعض علشان السبب دوت انه طلع اصغر منها مع ان المفروض ده ميكونش سبب لفض العلاقه بنهم لان فى اسباب اقوى تستاهل ان الشخص يسيب حبيبه زى الخيانه الكدب عدم الصراحه وحاجات تانيه كتير بس موضوع السن دوت صعب جدااا طب بلاش تعالوا نشوف (رسول الله صلى الله عليه وسلم كان اصغر من السيدة خديجه رضى الله عنها .)

يعنى لا هو عيب ولا حرام ان السن يكون اصغر او اكبر بس فى ناس تقول ايه
ان البنت تسبق بتفكرها عن الولد بعده سنين علشان كده يفضل للبنت انها تتزوج شخص اكبر منها

( مع انهم لااسف رجعوا عملوا دراسات وابحاث اثبتت ان البنت بتسبق تفكير الولد حتى سن 18 وبعد كده بيتساوى الاتنين يعنى نبطل نمسك فى الحجه دى ولا ايه؟)

لكن انا شايفه مش شرط يعنى المهم انه يكون بيحبنى يخاف عليا راجل يعتمد عليه يحافظ على شعورى وكرامتى يصوننى يدينى حقوقى لكن موضوع السن ده مش مشكله يعنى المهم هو ايه مش ساعات فى ناس سنها صغير وتحس انها كبيره بعقلها وتصرفتها وبحنكتها هو ده فعلا السن الحقيقى للانسان تصرفاته مش سنه الحقيقى انه جيه امتى للدنيا وفى ناس تانيه تقولك السن الحقيقى للانسان بيحسب عن طريق ساعات الفرح السعاده الى عاشها الانسان

انا من هنا من خلال هذا الموضوع انا بنادى على كل حبيبين وبالذات البنات لان البنات ساعات بتتسرع وبتحكم على النهايه فى الموضوع دوت بسبب السن

انا بطلب منها لو انت بتحبى حبيبك بجد واكتشفتى انه اصغر منك متتسرعيش انك تسبيه لان عمر السن ماكان مشكله وهو شوفتى نبيك محمد صلى الله عليه وسلم كان متزوج من السيدة خديجة وهى اكبر منه مش بعام ولا اتنين لا بل اكثر انت انظرى الى حبيبك من ناحيت اخلاقه تصرفاته افعاله حبه لكى خوفه عليكى لكن السن غلط جدااااا .

وانت ايها الشاب ارجوك لا تخبىء حقيقه سنك اذا كنت تعلم انك اصغر منها ارجوك من البدايه صارحها بالحقيقه اى مش بعد ما يزيد الحب وكده تبدا تعترف لها بالحقيقه بص من الاخر الصراحه مطلوبه الصراحه الصراحه الصراحه مهما كانت صعبه لكنها مطلوبه جداااومهمه جدا جدا جدااا والى اتبنى على كدب فهو كدب

انا بقول ليه لان سبب مشكله اصدقائى ان حبيبها كدب عليها ولن يخبرها بسنه الحقيقى الا بعد ان زاد حبهما لبعض قال انه خاف من ان تبعد عنه بسبب هذا السبب فهو يحبها ومش هيقدر يقولها اى شىء خوفا من بعدها عنه او رفضها ارتباطه بها وهو الى جيه فى الاخر وقال لها الحقيقه لان ضميره صحى لكن بعد فوات الاوان لذلك الصرراحه لابد ان تكون موجوده من البدايه

وفى النهايه انا عايزه اوصل بالموضوع ان عمر السن ماكان مشكله تريثى تريث قبل التسرع وعمركك ماتحكم على حبيبك بسنه لان السن مش مشكله وبجد نفسى تخبرونى برايكم فى الموضوع دوت لانه فعلا موضوع مهم ونفسى المشاركه مش بقراءة الموضوع بس لا بالرد كما وشكرا ليكم واسفه للتطويل وارجوان اكون قدرت اوصل المعلومه المفيده
حظ سعيد للجميع

mar00

[l-lo0oBy]

فعلا موضوع جميل

وأنا حصل الموضوع دا قدامى برضه

وقولتها وبقولها تانى أكيد فرق السن ميفرقش لو كان فيه حب بينهم وعلاقه وطيده
بس الافضل يكون الفرق مش كبير أوى بينهم

تسلم ايدك على الموضوع

[داليا]

مشكوره مارو على الموضوع
اكيد فى حالات ناجحه لكن انا عن نفسى متمناش اجوز بحد اصغر منى فى السن لكن الجواز قسمه ونصيب يعنى ممكن يكون نصيبى اصغر منى فساعتها مش هيكون اختيارى وهيكون القدر

[أمير الصمت]

مارو موضوعك رائع وجميل
وملاحظة هامة لكل العشاق
من شبان وفتايات ومن نظرتي
ان لا عيب ولا خطئ بالزواج البنت
من شاب اصغر منها فالاهم هو العلاقة
والحب الكبير ومن يعلم ما هو الحب الحقيقي
سيعلم ان لا شيئ يقف امامهم لا العمر ولا الشكل
ولا كل الظروف مهما كانت فبالحب المحب يضحي بحياته
مقابل واسعاد حبيبته
اشكرك مارو لموضوعك مرة تانية واتمنى لك المزيد
كما اتمنى لك السعادة والخير باذن الله

[Mr.Medo]

روعه مارو
تسلم ايدك يا غالي

[Love.For.Ever]

موضوع رائع جدا تسلمى يا مارو
وانا ما اتمناش انى اتجوز واحد اصغر منى بس مش معنه كدا ان العلاقات دى مش ناجحه لا معظمها ناجحها ودى شوفتها بين ناس كتير
تسلمى حببتى على موضوعك المتميز واتمنه منكى المزيد

[دمعه الم]

مارو

النقطه الي بتتكلمي فيها دي مهمه جداً

وبتحصل فعلاٌ بينا

وانا موافئاكي فـ النقطه بتاعه ان السن مش كل حاجه

أو مش مقياس للحب

بـ العكس هو ممكن يكون مقياس او عقبه لو الفرق دهـ

فـ العقل والتفكير والتفاوت الواضح بين الاثنين

لان الحياهـ الزوجيه مشاركه لآخر العمر

مش فترهـ معينه وبعدها كل واحد يرجع لبيته

لازم يكون التفكير والعقل مناسب لبعض

واي واحدهـ بحب يكون فارس احلامها او حبيبها

ئادر انه يحميها ويحافظ عليها

متهيئلي ان الحبيب لو كان ئادر يشيل مسؤليتها بجد

معتقدش ان فرق السن هيفرق كتير بينهم

وتسلملي لينا وللمنتدى على المواضيع الي تستاهل

اننا ندخل ونتناقش فيها

في انتظار مزيدك

.....

[romio_h4m]

بصى هو الموضوع ده كان مه جدا بجد لانى انا حبيت واحده اكبر منى وهى حبتنى بس المشكله فى حاجه انها بتحب تكون هى المسيطر او عاوزه تكون انها اكبر سننا يبقى اكبر دماغن مش فى الحجم متفهمونيش غلط بس
المهم انها كانت احلى ايام عشتها وبعدين بسبب انها كانت عاوز تكون مسيطر فمنفعناش مع بعض يعنى المفروض ان الست تعرف انها ست والراجل راجل يعنى هناك فرق المفروض ان الراجل هو الشخصيه القويه وبردوه بلين مع حبيبته بس لكن من ناحيت السن مافيش مشكله خاااالص

[maroo]

بسم الله الرحمن الرحيم

انا بشكركم جميعا على ردودكم الرائعه ديت وانا شايفه انكم جميعا متفقين ان عمر ماكان السن مشكله المهم فعلا اننا نختار ناس تكون اد المسؤليه تحافظ علينا تحمينا تصونا وتحافظ على كرمتنا ممكن الاسان يكون صغي فى السن بس تحس فعلا انه انسان اكبر من سنه واهو اكبر مثال زواج رسولنا الكريم(صلى الله عليه وسلم) من السيدة خديجة (رضى الله عنها) انا بالنسبه ليا مش هعترض على انسان يكون اصغر منى المهم انه يكون ابن ناس متدين ذو اخلاق من اصل طيب يحافظ عليا وده اهم شىء وطبعا قبل كل ده كل واحد بياخد نصيبه ولازم الانسان يكون راضى بنصيبه والى ربنا كتبه لانسان علشان الانسان يرتاح ويكون هادىء البال
وشكرا ليكم ولتشجيعاتكم المتواصله لى
وحظ سعيد لكم جميعا

maroo