ممكن لو سمحت تيجى هنا 5 دقائق مش كتير الموضوع مهم جدا ومحتاج ارائكم

[maroo]

بسم الله الرحمن الرحيم

السلام عليكم

بجد انا بشكركم جميعا على ترحيبكم الاكثر من رائع لى بجد انا سعيده ان مواضيعى نالت اعجابكم والحمد لله على ذلك وهذه ثقه كبيرة اوى اعتز بها

النهارده انا عايزة اتكلم معكم او اخد ارائكم فى موضوع مهم اوى اوى يعنى احنا لازم نضعه امام اعيننا الموضوع هو الصراحه سؤال انا عايزة كل واحد يسال نفسه كده الى الى مدى هو صريح هل انت صريح يعنى انت بتقول الصراحه مش بتهرب وبتواجه يعنى لما بتكون غلطان بتقول انا غلط فى كذا وكذا طبعا الانسان بطبعه عنيد وعنيد اوى ومش بيحب انه يطلع صغير او محدش هيقدر يعترف انه غلط فى كذا وكذا طيب ليه بنغلط اصلا ليه مش بنفكر طبعا الانسان مش هيكون معصوم من الغلط ولازم نغلط علشان نتعلم طيب لما بتغلط بتتعلم فعلا من غلطك ومش بتكرره تانى ولا مقضيه وعايش زى ماتيجى تيجى؟

طيب انت بتدور على الصراحه من الى حواليك ياترى انت كمان صريح يعنى زى ماانت بتدور على الصراحه لازم تكون مؤمن بيها علشان تلقيها ولا انت بتطلب بس الصراحه وانت مش بتعمل بيها يبقى انت كده انسان منافق وبتضحك على نفسك قبل مابتضحك على اى حد تانى

نيجى نبص اى اتنين مرتبطين كل واحد منهم يخاف انه يعترف للى قدامه انه غلط فى حقه وده بيكون واضح اوى وبيحصل اه مش كل الناس كده بس بيحصل نيجى نبص كلا الطرفين بيضحك على التانى ويقوله انا وانا وانا طيب هل فعلا انت زى ماانت بتقول يعنى قبل مابتعمل اى حاجه بتفكر فى نصك التانى ولا مش مهم هو هيعرف منين ولو عرف موقفك هيكون ايه هتعترف انك غلط ولا هتقول انا وتقعد تضحك وتكدب علشان تخرج نفسك من المازق الى حطيت نفسك فيه اسئله كتيرة اوى بخصوص الموضوع ده

الموضوع ده شائك اوى وبجد انا بعتبر ان الصراحه هيا اساس التعامل الصح والى مفهوش كدب يعنى لو الواحد مش صريح وبيلف وبيدور حتى لو وصل للنجوم بللف والدوران مسيره يقع على جدور رقبته وينتهى كل شىء والكدب يبان طيب ليه احط نفسى فى وضع محرج معرفش اخرج منه ولو خرجت منه اكيد هكون خسرت ثقه الناس فيا ليه ميكونش الصراحه والصدق اساس تعاملنا لااسف احنا جينا الدنيا لقينا حال الناس كل يوم فى استياء مش هنيجى احنا ونعدل الكون ونعد حال الدنيا هقول احنا الى بنعمل وبنخلق الجو الى هيسود فى مجتمعنا لو كل واحد قال يالاه نفسى يبقى عمر ما هيكون فى حياه ولااسف هو ده الى سايد ناو كله بيقول يالاه نفسى ولااسف الى بيقول يالاه نفسى دوت بيخسر حياته بعد كده لانه بيفضل طول الوقت بيدور على نفسه وبس بيغلط علشان يرضى نفسه يكدب ومفيش مانع انه يسرق يقتل علشان نفسه طيب ماانا ممكن احب الناس اخلص النيه لله علشان ربنا يكرمنى ليه ابنى حياتى على الكدب والنفاق ليه؟؟؟؟؟

انا عارفه ان بتكلم فى موضوع كبير اوى ونفسى ياجماعه اشوف ردود افعالكم نفسى انكم فعلا تكونوا مقتنعين بالكلام دوت وتحاولوا ترجعوا وتشوفوا انتم غلطوا فى ايه ابتدوا انكم تكونوا صرحه لو لمرة واحده بس جربوا هتشوفوا اد ايه الحياه جميله ومفيش حلاوة منغير نار بس نار هتخالينا نعيش فى جنه نعيش فى امان يعنى اكدب ماهو مسيرى هقع اه جنه الكدب سريعه بس هلاكها اسرع لكن جنه الصراحه والصدق بعيده ولكن مفيش من وراها هلاك وانتم حرين انتم الى هتختاروا وكل واحد زى مابيقولوا بينام على الجنب الى يريحه والى يخاليه اسعد الناس فياريت يكون الجنب الى يريحك دوت الصراحه والصدق اتمنى ذلك

وفى مثل تانى بيقول الكدب مالوش رجلين يعنى مالوش اساس مالوش اصل لكن الصراحه اصلها واساسها راسخ جامد عمره مايقع ولا ينهار

ويارب الموضوع يكون نال اعجابكم وياريت اشوف منكم ردودكم حتى بكلمه شكرا وحظ سعيد للجميع وكل سنه وانتم طيبين

mar00

[التائب الى الله]

موضوع جميل ومناقشة فيه مش بتنتهى لان فى شخص ليه مفهوم خاص بيه

يعنى انا والحمد لله بتعامل مع الكل بصراحه فى مقابل انى مش بفكر هل اللى انا بتكلم معاه صريح ولا لا ولكن انا اتعودت انى مش اكدب اى شخص

دايما بقول ان الشخص اللى بيكدب بيضر نفسه قبل ما يضر حد تانى

والكدب ليه ـاثيرات كتيرة نفسيه

فى بعض الاشخاص بتكدب وبتصدق كدبها ده وبتعيش بيه وهم وخيال هو صنعه بنفسه
وناس تانيه الكدب بيبعدهم عن الاشخاص اللى هو ممكن يكون كدب علشان يقرب منهم
وفى ناس بتكدب لمجرد التسلية زي الحب مثلا

موضوع بجد جميل وحبيت اشارك براى فيه

تحياتى

مسلم

[حكــ روح ــاية]

شكرا صديقتى العزيزة
ماروو
يارب دايما كده على طول
فى تقدم مستمر
الموضوع بالامانة هام وشيق ولازم يتناقش
وانا مع راي الاخ " مسلم "
والكلام اللى قولتيه كله سليم 100%
وشكرا ويارب كده علطول

[دمعه الم]

والله الكلام فـ النقطه دي كبير وواسع المدى والنطاق

على أساس ان لكل واحد اسلوبه فـ الكلام والتعامل مع الناس

وما ننساش ان التربيه عامل مهم فـ النقطه دي

واي واحد بيتبع اسلوب الكدب دهـ نهايته هتكون مش سعيدهـ

لان الكدب زي ما بيؤلوو مالوش رجلين

انا بجد مش عارفه اتكلم ف النقطه دي

لان الكلام كتير اوووى بس حبيت اختصرها

ميرسي بجد ع التساؤل الجميل دهـ

ومنورهـ المنتدى يا جميل

ومستنيين المزيد

..

[Love.For.Ever]

موضوعك رائع حببتى
بس اكتر حاجه صعبه فى الدنيا الكذب وللأسف العصر الى احنا فيه مليان كذب
ومافيش حد يشوفه صريح نهائيا
انا لو اتكلمت عن الصراحه والكذب هنتكلم كتير جدا جدا
اتمنى منكى المزيد

[l-lo0oBy]

الصراحه شئ مهم ومطلوب بس متهيألى مش موجود كتير

أنا بحاول اكون صريح أكتر وقتى والاهم الصراحه مع النفس

شكرا على الموضوع الحيوى دا

[داليا]

اكيد الكدب صفه لا يحب اى شخص التمتع بها
ولكن المشكله الحقيقه ان الى بيكدب هو مش شايف انه بيعمل حاجه غلط
ولا انه بيكدب لكن انا شايفه ان الى بيكدب بنبقى عارفين انه بيكدب لكن بنصدقه
يعنى مسلم قال ان فى الى بيحب يكدب للتسليه فى الحب
بيبان من الاول الكادب من الصادق لكن فى ناس بتبقى عايزه تعيش الوهم
فبتصدقه بسهوله كل انسان يقدر يخلى الى ادامه صادق او كاذب
والكدب لا زاد ولا نقص زى ما هو
مشكورة مارو ومستنينك

[romio_h4m]

الصراحه مطلوبه بس فى حاجات مينفعش فيها الصراحه زى مثلا لو بنت كلمتك مش ترحوح تقول لحببتك دى بنت كلمتى وقالت وعادت لا مينفعش علشان متزعلش وتقلب نقد

[al maghribiya]

مشكور اخي على هدا الموضوع
<انما الاعمال بنيات >
جزاك الله خيرا

[maroo]

السلام عليكم

انا بجد مش عارفه اقولكم ايه بس بجد انا فى غايه السعاده لكلامكم الاكثر من رائع دوت وبجد انا مبسوطه ان موضوعاتى نالت اعجابكم والحمد لله وبشكركم على ارائكم الجميله ديت اذ انكم جميعا تتفقون معى بان الصراحه مهمه ومطلوبه ولابد منها مهما حص وزى مابيقولوا الصراحه راحه والكدب مالوش رجلين وبجد بجد لازم كل واحد يراجع نفسه ولو انت مش صريح ابتدى يالاه بسرعه و عود نفسك على الصراحهه ومتخفش من حاجة لان مش بصراحت هتخسر شىء لكن بكدبك ولفك ودورانك هتخسر حاجات كتيرة اوى واهما هى نفسك وبجد انا فخورة بانكم جميعا متفقين معى بان الصراحه مهمه جداااا

وبجد بحبكم جدا وعايزة اشوف باقى الاعضاء رايهم ايه فى الموضوع الخطير دوت وبجد بحبكم موتتت

maroo