مساكم الله بالخير خواتي العزيزات وكل عام وانتم بخير بمناسبه الشهر والله يعوده علينا سنوات واعوام مديده اااامين يارب العالمين ..
اكيد تعبتم وانتم تدورون من خلطه لخلطه خلطه تطول الشعر خلطه تكثف الشعر خلطه للقشره خلطه للتساقط وعلى هالحال صار لكم شهور وشهوووور
..
نبدا من اهم شيء واهم ما يميز المراه ورح نبدا بتاج المراه وهو شعرها :
كثير منا يعاني من تساقط الشعر وضعفه وعدم طوله وامور كثيره لذلك حبيت اضيف بعض النقاط
للايقاف تساقط الشعر والتخفيف منه عليج بالتالي :
تسوين ماسك للشعر عباره عن جرجير + بيضة + ملعقة زيت زيتون وكلهم ينحطون بالخلاط وتسوينه ماسك ع الشعر لمده لا تقل عن ساعه على الاقل ..
للاطالة الشعر عليج بزيت الجدايل للشعر من عند عبد الصمد القرشي واحب اضيف نقطه مافي شعر يطول باسابيع قليله الشعر ياخذ وقته بالنمو يعني على الاقل شهر وما فوق ويوم تحطين من زيت الجدايل تسوين مساج للشعر ع الاقل خمس دقايق ..
للحصول على شعر كثيف عليج بخلطه " الحنه + السدر او الياس + روب + بيضه وحده وتسوين هالماسك مرتين بالاسبوع .
.
.
.
.
وللحصول على شعر ناعم ويلمع بعد ما تتسبحين وشعرج يكون مبلول شوي تحطين كرستال للشعر عباره عن تونيك خفيف للشعر موجود بالسوبرماكت او الجمعيات رح يعطي لمعه لشعرج ورطوبه ونعومه ..
.
.
.
واذا تبين لمعه غيرررر للشعر عليج بماسك المايونيز تسوينه مره وحده بالاسبوع يخلي شعرج غيررر
.
.
.
بكمل لكم ان شاءالله باقي الجدول بس نبى تفاعل من الجميع وهذا كان برنامج العنايه بالشعر ورح يكون بعده ان شاءالله برنامج العنايه بالبشره للحصول على بشره صاافيه وبيضاء وتلمع ..لكم التحيات ودعواتكم لي بالتوفيق يالغاليات
ملحوظه كل الوصفات الى فوق تمت تجربتها وكلها ولله الحمد وما شاءالله يابت نتيجه روعه
تحت شعار( لتكوني الاجمل في العيد)
::-- ايروكا--::. 
العرض العادي
