نتائج الثانوية العامة 2008

moslim-girl92 · 09-21-2006, 09:51 PM

نائم في فراشه يتقلب يمينا و يسارا .. و غارقا في أحلامه

لا نرى ما لانراه لكننا نستمع الى ما يسمعه

(((((((((((((((

: ساعه .. ساعه مش فاضل غير ساعه ..أنا هتجنن.....

:ليه بس؟؟

:أنتي عارفه أني زي العاده هكون بعيد عنك بعدها .. أنا الي متعودش أفارقك أبدا طول عمرنا بنجري في دم بعض ..

:يآآه للدرجه آدي مش هتقدر تستحمل شهر واحد؟؟

:شهر........... بتقوليها ببساطه كده ..أنتي عارفه الشهر ده كام يوم .... في كام ساعه في كل يوم......... في كام دقيقه في كل ساعه.......... في كام ثانيه في كل دقيقه

:حيلك حيلك أيه .. أنت بتحسبها قوي كده ليه؟؟؟؟؟؟؟

:لازم احسبها هو أنا بلعب .. ده رساله ..هدف و الي أنا مؤمن بيه أن الي يختار هدف لازم يصمم عليه و يصر و ما ييأسش لحد ما يحققه،،،،،،،، و اول خطوات النجاح أنه ما يضيعش أي وقت .. بس أعمل أيه آآآآآآآآآآآه لو كان بأيدي بس الي مجنني أنه غصبن عني

:يا سيدي ما عندك السنه كلها أشتغل براحتك

:مش كفايه.......... السنه كلها كوم ...و الشهر ده كوم

:طب هقولك على حاجه ..أنا ممكن أساعدك نوعا ما .. قولي على الي كنت بتعمله و أحاول أنوب عنك ما أنا يااااااااما ساعدتك ولا نسيت؟؟

:لأ مش ناسي بس أنتي ليكي دور ما أنكرش أنه قوي بس دوري أنا مختلف .. أنتي برضوه بصراحه على قد قوتك لكن ما أنتيش مضمونه .. بصراحه مش ضامن أرجع الاقيكي أتغيرتي بعد ما يعدي الشهر

:أتغير!! ..معقوله؟؟

:ههه معقوله قوي أسأليني أنا .. مافيش حد مجرب قدي

:طيب أعمل لك أيه يعني .. أنا بحاول أساعدك انما أنت مستغني باينك

:نعم..!!!!!!!!! قال مستغني قال!!!!!!!!!!! لأ طبعا أنتي لازم تساعديني،، أنا بس محروق على أني مش هعمل الي كنت بعمله بنفس الكفاءه أنما أن كان على المساعده هتساعديني

:مافيش مانع؟؟

:حسيب لك شويه حجات تعمليها لحد ما أرجع .. يمكن ما تكونش فعاله زي لو أنا الي عملتها بس أهو أحسن من بلاش ... عايزك توريني شطارتك بقه ..

:لأ أطمن أنت ما تعرفش أنا لو صممت على حاجه ممكن أعمل أيه

:لأ عارف .. بس مرعوب أنك تتغيري على ما آجيلك

:يوووووووووه .. أنت مالك جبان كده ليه.. ما كنتش متصوره أنك ضعيف كده .. أمال شكلك بيقول أنك قوي ليه

:ههه ..الي ما تعرفيهوش أني بستمد قوتي منك .. أنتي الي تقدري تخليني في منتهى القوه ..و أنتي تقدري تخليني اضعف ما يكون

:ياااااااااه أمال أنا ما بحسش بكده ليه؟؟؟

:علشان مغفله

:نعم!!!!

:المهم مش عايزين نضيع وقت كفايه الوقت الي هيضيع كده كده
أسمعي دلوقتي هنتفق على كل حاجه .. أنا هخطط لك جدول بالي المفروض يتعمل في غيابي ..و أنتي تمشي عليه بالحرف الواحد و هنحدد معاد نتقابل فيه ..أول ما أرجع أشوفك عملتي أيه .. و سيبي بعد كده المشوار ليه أكمله زي العاده وطبعا بمسلعدتك برضوه

:على طول كده مش هتاخذ لك راحه بعد أما ترجع؟؟

:مافيش وقت للراحه ..و بعدين أنا عمري ما أرتحت .. أنا سعادتي و متعتي في شغلي بأعشقه .. عشق عمر ما حد جربه أبدا

:أنت أيه ما بتتعبش؟؟

:أبقى كذاب لو قلت لأ ..بتعب و كثير بأحبط .. لكن ما بستسلمش أبدا . برجع أبدأ من جديد من ألاول تاني و و بأعتمد على نفسي لأن ما حدش بيساعدني أبدا .....أبدا ..، مش زيك أنتي عندك الي ممكن يساعدك

:كده يا عني أنا مش بساعدك؟؟

:آه صحيح معلش نسيت ..أنتي فعلا الشخص الوحيد ........الوحيد الي بيساعدني
بس أوعدك اوعدك .. أني هكافئك على كل ده

:يووووووووواااااااااه......... ... شبعت منه أنت بتوعد كثير قوي و عمرك ما وفيت

:ههههههههههه، أصبري الوعود ما بتححقش بسرعه .. بس هتتحقق صدقيني

:أصدقك؟؟

:أقسم أقسم لك .. أنا صادق .. و عايز مصلحتك و بنصحك

:أنت برضوه دايما تقسم

:ههههههههههههه

:بتضحك على أيه؟؟

:أبدا بس أصلك خدتي عليه قوي ..و عرفتيني كويس و مع ذلك .... ههههههههههههه

:ومع ذلك أيه؟؟؟

:ها ؟؟ أبدا أبدا ما تاخديش في بالك .. خلينا في شغلنا

:شغلنا!!!!!!!!
..
..
..
..
..

:ها فهمتي ؟؟

:أه فهمت

:هتنفذي ؟؟

:هنفذ ..و بعدين هي أول مره ما كل سنه بتسيبني و بترجع تلاقيني عملت الي طلبته مني

:أيوه بس يا خوفي .. يا خوفي آجي سنه ألاقيكي أتغيرتي

:أيه الي هيغيرني

:يوووووووووه حجات كثيـــــــــــــــر أسأليني انا
ما حدش عارف الشهر ده قدي

:مش غريب أنك بتعرف كل ال بيحصل بالرغم من غيابك

:هه ويفيد بأيه أني أعرف و أنا متكتف ..بتفرج ..و بتحرق من الغيظ

:خلاص هتمشي؟؟

:مع الاسف آه..، على معادنا .. فاكراه؟؟

:آه .. ليلة العيد بعد المغرب على طول

:مش هتأخر هتلاقيني عندك بالثانيه

:هستناك

:أوعي تتغيري .. أوعي أوعي .. ركزي في الي وصيتك بيه و أنتي مش هتتغيري أبدا و هرجع ألاقيكي زي ما سيبتك

:هتنقابل في معادنا و نشوف

:هعد اللحظات لحد ما يجي .. يا ترى هرجع الاقيكي زي ما سيبتك ولا مش هعرفك

:مش عارفه بس المهم اننا على معادنا

:بالظبط على معادنا

:مع السلامه يا أبليس

:السلامه!!! سامحيني يا نفس........... مش قادر أقولهالك .. مجرد نطقها تقيل على قلبي

))))))))))))))))))))))

فتح عينيه مذهولا كأنما أستيقظ فجأه .. أعتدل و تلفت حول الغرفه خاليه الا منه وحده على فراشه ومن الاثاث ..

أدار مفتاح الراديو
__ __ _
_ سياداتي سادتي .. أعلن دار الافتاء أن غدا يوم .... الموافق يوم ... من سنة..... ميلادي سيكون الاول رمضان للعام الهجري...
كل عام و أنتم بخير___ ___ ___

سهم قليللا مذبهلا مذهولا ثم نزل في فراشه من جديد و أغمض عينيه .. لكنه سمع الصوت من
جديد هامسا

:أوعي تتغيري .........

أعتدل بسرعه .. و ملامحه ذاهله على نحو مفزع!!!!!!!!!!!