بسم الله الرحمن الرحيم
بسم الله والصلاة والسلام على رسول الله صلى الله عليه وسلم
مفهوم الشفاعه
ارجو من كل الاعضاء الدخول وقراءة الموضوع لأخره
الاول احب اعرفكو ان الشفاعه ذكرت فى القرأن اكتر من 15 مره
وكلنا نعرفها كويس لكن هل كلنا نفهمها كويس؟!!!!!
احنا نعرف طبعا ان النبى محمد صلى الله عليه وسلم هيشفع لأمته يوم القيامه على خلاف أى نبى أو رسول تانى
كل الانبياء والرسل تقول ""نفسى نفسى"" إلا رسول الله محمد صلى الله عليه وسلم يقول ""أمتى أمتى""
فالشفاعه حاجه مهمه جدا
بس تعالوا كده نعرف يعنى ايه الشفاعه ونحاول نفهمها:-
بسم الله الرحمن الرحيم:-
"قل لله الشفاعه جميعا"
واتكررت الايه دى ف القران حوالى اربع مرات وبنفس الصيغه
تعالو نقراها تانى كده
بسم الله الرحمن الرحيم:-
"قل لله الشفاعه جميعا"
الشفاعه يا جماعه شأن إلهى ........ شأن إلهى
لله وحده -إن شاء أذن بها , وإن شاء لم يأذن.
يعنى ما من شفيع إلا من بعد إذنه
فالله مالك يوم الدين
يعنى مش زى منصة المحكمه وهيئة القضاء بيكون القاضى اللى بيصدر الحكم على المتهم على يمينه قاضى وعلى شماله قاضى وبيبقى فيه غرفة مداوله بيمر الحكم على المراحل دى كلها قبل ما يتصدر.
ودى أحوال الدنيا وإحنا ضعفا فمنقدرش نحكمها لوحدنا
أما بالنسبه ليوم القيامه فالله-عز وجل- وحده له الشفاعه دون غيره من العبيد
فالله لا يقبل شرك فلا يستطيع أى مخلوق أيا كان أن يغير من حكم أصدره الله فالله وحده مالك يوم الدين
احنا بقى أو معظمنا فهمين الشفاعه دى على أى أساس؟؟
أقولكو على مثل سمعته كذا مره بيقول ايه
(إعمل اللى يعجبك وصلى ع اللى هيشفع فيك)
بالذمه ده اسمه كلام!!!!!!!
يعنى مادام انت قلت لا اله الا الله وبتصلى ع النبى ..... خللى بقى العمليه open وابقى صلى ع النبى مادام كده كده كلنا عرفين ان النبى هيشفع لأمته يوم القيامه وهندخل الجنه ف الاخر......
ده طبعا مستحيل بكل المقاييس
ممكن تقولو الواد ده معلوماته مش مظبوطه أو مكبر الموضوع أكتر من اللازم لكنى بقولكو معلش استحملو شويه وتعالو نشوف الامثله دى:-
* سيدنا نوح -على سبيل المثال- تشفع لربنا ف الدنيا عشان ابنه فقال الله تعالى على نوح بسم الله الرحمن الرحيم "إنه ليس من أهلك إنه عمل غير صالح" فربنا هنا مقبلش شفاعة سيدنا نوح مع انه نبى وبيشفع لابنه
* سيدنا عيسى تشفع لقومه ودى ذكرت ف القران الكريم بسم الله الرحمن الرحيم "إن تغفر لهم فإنهم عبادك وإن تعذبهم فإنك انت العزيز الحكيم"
مع منتهى الأدب فى التوسل والجمال والأدب الشديد لسيدنا عيسى
فرد عليه الله عز زجل فقال بسم الله الرحمن الرحيم "هذا يوم ينفع الصادقين صدقهم"
فمعنى الأيه أن الله عز وجل لن يساوى بين شخصين أحدهما قال لا اله الا الله والاخر لم يفعل فالله هنا رفض شفاعة سيدنا عيسى
ورفض الله عز وجل لشفعة سيدنا عيسى وسيدنا موسى هنا بحكم لا خلاف عليه فالله لا يمكن بأى حال أن يساوى بين كاذب وصادق
فالرغم من أدب سيدنا عيسى وأسلوبه الرفيع فى التوسل الا ان الله لا يغير حكمه أحد
فالله هو لا اله الا هو..... هو الله ....... الملك كله ملكه ويوم القيامه ملكه
يعنى مثلا لما ربنا سبحانه وتعالى لما وصف يوم القيامه والملائكه قال بسم الله الرحمن الرحيم "لا يتكلمون إلا من أذن له الرحمن وقال صوابا"
وقال أيضا عن الشهداء والصالحين والأنبياء بسم الله الرحمن الرحيم "لا يسبقونه بالقول"
وعشان كده مذكور عن شفاعة الملائكه قال الله تعالى بسم الله الرحمن الرحيم "ولا يشفعون إلا لمن إرتضى"
يعنى لازم رضا الله الاول
فالقول هنا مشروط والشفاعه مشروطه برضا الله
فالملائكه لا يسبقونه بالقول ولا يفعون إلا لمن ارتضى
يعنى ربنا يرضى عن واحد فالملائكه تشفع له
طب لو ربنا رضى عن واحد هيدخل الجنه مش صح كده؟
يبقى كده معنى الشفاعه ايه؟
معنى الشفاعه ليس تغيير حكم الله -فلا يمكن لاى مخلوق أن يغير حكم الله- إنما الشفاعه تشريف فيكون للملائكه مقام شرفى
فالشفاعه مش ان فيه حد هيغير فى حكم الله فلن يشفع شافع الا لمن أذن الله
انما هيفشع الشفيع للى هيرضى عنه ربنا
فلاشك أن رسول الله محمد صلى الله عليه وسلم هو صاحب المقام المحمود وهيشفع لأمته يوم القيامه لكننا لازم نعرف الشفاعه ضوابطها ايه وربنا سبحانه وتعالى بيقول ايه عنها
فطبعا ما ينفعش أمشى ورا الكلام اللى بيقول ((اعمل اللى يعجبك وصلى ع اللى هيفع فيك))
فلا اله الا الله لازم انها تكون قول وفعلمش ان انى بقول لا اله الا الله يبقى خلاص انا كده تمام
ربنا عز وجل قال بسم الله الرحمن الرحيم "إن المنفقين فى الدرك الإسفل من النار ولن تجد لهم نصيرا"
مين المنافقين اللى ف الايه؟؟
المنافقين هما اللى بيقولو لا اله الا الله وبيعملوا حاجه تانيه
وبعدين ربنا قال "ولن تجد لهم نصيرا" يعنى الموضوع متنهى وواضح
يعنى مش كفايه انك تقول لا اله الا الله بس لكن لازم تطابق وتصادق الكلمه دى بافعالك وقلبك وروحك وجوارحك
يعنى تبقى موحد بالله وحده من كل ذره ف جسمك وكل نبضه ف قلبك
هنا بقى تبقى لا اله الا الله منجيه زى ما النبى صلى الله عليه وسلم قال"من قال لا اله الا الله فقد نجى" صدق رسول الله صلى الله عليه وسلم.
فالله له الشفاعه جميعا فلن يكون هناك أرحم من الله عز وجل إن كان بشر أو ملك أو أى مخلوق خلق
فالله أرحم الراحمين
لكن الشفاعه تكون عباره عن أمر يصدره الله عز وجل لرسوله صلى الله عليه وسلم ولبعض المؤمنين وهى لون من ألوان التكريم والتشريف لنبيه صلى الله عليه وسلم
والله سبحانه وتعالى يقول:
بسم الله الرحمن الحيم "ومن يعصى الله ورسوله ويتعدى حدوده يدخله نارا خالدا فيها وله عذاب مهين"
الكلام هنا عن المسلمين اللى قالو لا اله الا الله
وقال الله تعالى عن الذين يأكلون الربى بسم الله الرحمن الرحيم "فمن جاء منهم واعظة من ربه فانتهى فله ما سلف وأمره إلى الله ومن عاد فأولئك أصحاب النار هم فيها خالدون"
الايه دى عن أكلين الربا وفيهم المسلم وفيهم الكافر
وقال الله عز وجل "أفمن حقت عليه كلمة العذاب فأنت تنقذ من فى النار"
معنى كده ان مفيش مسلم هتحق عليه كلمة العذاب وهيشفعله شفيع
فياللا ياجماعه نستهدى بالله كده ونصلى ع النبى ونبتدى كل واحد مع نفسه عشان نبقى على صراحه تامه مع بعض وكل واحد يبتدى بنفسه ويغير الحاجات الغلط اللى ف حياته ونبدأ صفحه جديده مع يوم جديد وشمس جديده ونقول توكلنا على الله وبسم الله الرحمن الرحيم ويبقى أملنا الوحيد ف حياتنا هى رضا الله عز وجل
العرض العادي
