انتفض ياشوق وارجـف ياقصيـد
.......................واكتب المعنى على كيفـي وهـات
مايفلّلـك يالحديـد الا الحـديـد
.......................وحالفن لاسلب عقول المعجبـات
بالحـروف وباللحـون وبالنشيـد
.......................وبالعذوبـه والجزالـه والصفـات
ببتدي ياحلى القوافي مـن جديـد
.......................وأنظم المعنى مثـل سكـر نبـات
دامني شاعـر وعنـدي فالرصيـد
.......................مايكفينـي الـى حتـى المـمـات
وش تبي يازين ؟؟ قلـي وش تريـد
.......................لو تبي دجلـه أجيبـه والفـرات
شوف حبك يجري بـدم الوريـد
.......................غايتي مالـي ابـد عنكـم غنـاة
لو بغيت اوصفك وصفـي يحيـد
.......................وان وصفتك استحت ريم الفـلاة
خالقـك ربـي لحالـك يا فـريـد
.......................محـدٍ يـوازي جمالـك والحـلاة
العيون أتـذوب العقـل الرشيـد
.......................أن طرت لي قلت يااالله النجاة
والرموش تسـوي الويـل وتزيـد
.......................فوق ويل الحب شـوقٍ وأمنيـات
والدلع والغنج والوجـه السعيـد
.......................والأدب والـذوق ياعنـق المهـاة
وان وصفت الجيد .. لاماهوب جيد
......................شئٍ يفـوق الوصـوف المغريـات
والأكيد انك مثل روحـي أكيـد
.......................وان مالـي عـن محبتكـم غنـاة
ودامنـي شاعـر يكفّنـي رصيـد
......................كل حرف فيك الى حتى الممات
اتمنى ان تنــــــــــــــــــــــــال على اعجــــــــابكم
*·~-.¸¸,.-~* .. الدلع .. والغنج .. والوجـه السعيـد .. *·~-.¸¸,.-~*
العرض العادي
