الغرور يموت الحب
مغروره بحبى ليكى
فكره انى مش هعيش بعديكى
تبقى اتخدعتى
فى حب اعمى عايش جوه جدران
عايزه تجرحينى واقولك كمان
لا خلاص
نزلت الستار
غرورك انتهى ببراعة واتقان
مانا لازم اصقفلك كمان وكمان
انك عرفينى معنى الحرمان
انى ضعيف من غيرك
لا ابدا كتر خيرك
الكلمه الطيبه فى الحب صدقه
العلم بالشىء ولا الجهل بيه
اعطيتك عمرى رفضتيه
سلمتك قلبى جرحتيه
حبيتك حب كان اكتر بكتير من انك تبيعيه
ولا هقولك هنلوم وهنعتب على ايه
عايزه تمشى امشى
بس قبل ما تمشى دوسى على قلبى موتيه
لانك استحاله تعيشى فيه
ان كان على الجراح
عمرها ما تجهد مرتاح
ولا ألام تهدم افراح
ولا الدموع تضيع نور العين
كلها ثانيتين وهننسى كنا فين
غرورك عمى عنيكى
خلاكى تحسى انى مش هعيش بعديكى
لا ابدأ كتر خيرك
دلوقتى بقولك لا انا اسف متنفعنيش
كانت غلطه ودفعت فيها كتير
ولازم تتصلح
ابعدى عنى
انك كان عندك ضمير
ابعدى عنى خلينى اتنفس هوى عبير
سبينى وامشى ومدمعيش كتير
دموع التماسيح مترضنيش
موت غرورك برضه ميرجعنيش
لانك علمتينى ان اللي يموت
لا يمكن يرجع يعيش
سلام .. سلام
عايز ارتاح
من ظلم الايام
عجبى عليك يا زمن !!!!
ترمينا فى احضان
لا تعرف عشق ولا غرام
جهله مفيش كلام
فكريين الحب لعبه
تبعد وتقرب
ماهو غلبان
نفسه يعيش احساس الامان
وفاكره نفسها
(( بستان ))
تطرح وقت ما يؤن الاوان
وهو يجنى جراح ملهاش مكان
وعجبى عليك يا زمن !!
وعجبى من الايام ..!!
لما يعيش الحب
مابين جدران
مهو ميت فى نفس المكان
اسف ليكى متنفعنيش
ملكيش مكان
لا فى قلبى
ولا الحب اللى كان
انا قلت كلامى خلاص
بصدق وكله احساس
حكايتى انتهت
معاكى خلاص
(( المغروركالطير كلما ارتفع
كلما صغر فى اعين الناس
مع تحياتي
سامح شعراوى
[ فقط المشتركين فى المنتدى يمكنهم رؤية الرابط . 
العرض العادي
