هو الموضوع ده ممكن نسميه وسائل التنقيه من الذنوب والله الموضوع ده بيبين ان ربنا بيحبنا وجدا ومش عايز حد يدخل النار ومعتقدش ان فى ديانه غير الاسلام ادت الفرصه دى لاى حد ندخل فى الموضوع
احنا ربنا حطلنا 11 وسيله للتنقيه من الذنوب هنقسمهم 3
1- فى الدنيا ودول عددهم 4 : ــ
1- التوبه : والله اعتقد ان احنا مش عايزين غيرها 2- الاستغفار : تعالوا نستغر عن الذنوب اللى احنا مش فاكرنها ده حتى الرسول كان بيستغفر 100 مره فى اليوم اشحال احنا بقى 3- حسنات : نعمل حسنات كتير واتبع السيئه الحسنه تمحوها 4- مصائب مكفره : والله دى من رحمه ربنا انه بيتليك علشان يكفر عنك ذنب انت عملته
وبكده تكون فرصتك فى الدنيا انتهت هنروح لمرحه تانيه
2- فى القبر ودول عددهم 3 : ــ
1- صلاه الجنازه : انت ربنا بيحبك لومت وناس طائعين صلوا عليك علشان كده يا جماعه لما حد عندك يموت لم الناس الكويسين وخليهم يصلوا عليه 2- فتنه القبر وظلمته وسؤال الملكين : كل ده هيكفر عنك 3- الهدايا اللى هتخدها وانت ميت : من حج وعمره وصدقات ودعاء
وبرده كده فرصتك فى القبر انتهت كده انت شويه وهتتحاسب
3- فى الاخره (يوم القيامه ) ودول قبل ما تعدى الصراط وعددهم 4 : ــ
1- اهوال يوم القيامه : وانت قاعد شايف الشمس وهى بتشرق من الغرب والارض وهى بتهتز من تحتك والمسيح الدجال وكل ده 2- الوقوف بين يدى الله : وخوفك وانت هتتحاسب 3- شفاعه النبى : كل الانياء دعوا دعوتهم المستجابه فى الدنيا الا حبيبك المصطفى اجلها للاخره علشان يشفعلك 4- عفو الله عز وجل ليك ودى هى اللى هتدخلك الجنه بجد
لو انت بعد ال11 دول ويكون لسه فيك ذنوب !!!!!!!!!!!!! انا عايزه اقول حاجه انت عمرك ما هتدخل الجنه لو فيك ذره من ذنب يعنى قدامك 11 مرحله للتنقيه حاول تستغلهم علشان مترجعش تندم
انا اسفه لو كان الموضوع بالعاميه بس اعتقد ان كده احسن
أحبكم فى الله 
العرض العادي
