ياهلي الروح تعبانه وجيبلوا لي دكتور نفسيه<<بس يكون حلو
السلامووو عليكمووو
هلووو ومرحبوووووو
كيفكموووو؟
انا الحمدلله بخير <<كن احد سألني
طبعن انا من الله خلقني مااحب اللف والدوران احب ادخل في الموضوع
على طول وهذا مو لاني عمليه وجديه
نو نت ذيس ذا ريزن <<تقولها وهي تفصخ
النظاره اكشخ
السبب هو اني ادرعم في خلق الله على طول
ادرعم: للي مايفهم يعني ادخل من غير مااسلم
وهذا اللي دايمن يجيب لي البلاوي اني افكر واتحمس وانا افكر
بعدين اتصرف تصرف ماله دخل في تفكيري اللي تعبت عليه
وسهرت اتقلب في سريري اداعب خصيلات شعري واتدحرج
بين مفرشي واتشقلب اذا خلاص تعقدت الامور وماعرفت احلها
بعدين اتذكر كلمه قالتها لي شوشي اللي ورثتها عن اخوها
وهي فلها لين ربك يحلها
بس انا مو هذي مشكلتي يادكتور<<تخيلت نفسي قاعده
مع دكتور نفسي اشرح له قصتي وهو ماسك القلم ويطالعني
وعيونه زرق ورموشه طوال واسمر وحلوو
ولابس كرفته <<اهم شي الكرفته
وانا ماعندي مشكله بس كذا رازه وجهي
عنده اتميلح
الموهم انا مشكلتي ان تفكيري في جهه وتصرفاتي في جهه اخرى
يعني ممكن ان الله احياني وسمحوا بقيادة المرأه وابوي جاه شي في عقله
وسمح لي اني اسوق بكون من الناس اللي تدق اشاره يمين وتدخل يسار
وهذولي الناس وباء منتشر والسبب انهم يدورون في الشارع ولايدرون
وين يروحون
وكل ماقبلوا معهم التلفزيون قالو :وين نروح ملينا كل الاماكن عوائل عوائل
واحنا الشباب مالنا رب!!!
ويجيك واحد يمر من عند الكميرا ويطلع جواله يعني اني اكلم
وتلقى جواله بدون شريحه
<<حالته صعبه
خخخخخخخخخخخخخخخخ
يعني انا من الناس اللي تروح السوق
عشان تشتري اكسسورات
وترجع ببنطلون جينز
ولو اني رايحه عشان اشتري بنطلون
مالقيت مقاس
<<معانيه البنت
خخخخخخخخخخ
عاد انا قلت بمااني فاضيه ليش ماانزل موضوع
من سلسلة بنات افكاري اللا منتهيه
وتعرفون ذي الحاله لين قعدت ally مع صاحباتها
وكانوا كلهم يسولفون وانا ياحرام مطنشيني
سويت نفسي مسرحه وانا اصلن ماعندي شي
اسرح فيه بس وش اسوي امثل عليهم
يعني عندي سالفه
طبعن انتبهت لي منو لانها هي اكثر وحده
تحب تتلفت
هي:ally وش مسرحه فيه؟
ماخذ عقلك يتهنابوا
انا: هاه <<بزعمي عندي سالفه خخخخخخخ
هي:شكلك رايحه فيها
اناوبضحكه مائله: لابس سرحت شوي
<<الله من النصب
خخخخخخخخخخخخخخخخخخ
هي:في مين؟
انا في نفسي:ولين وش اقولها ذي بتنشب لي
وانا ماعندي سالفه خليني ارقعها
لا تقعد تقول للبنات لميا تحب هذي والله النشبه
انا :لا بس خايفه اضيع في هالدنيا
<<اعصابك ياباريس هيلتون وش تضيعين فيه
عاد اشوف الاضواء مسلطه عليك
اه يالضياع
لاماراح اجيب طاريه لانه كل مره اجيب طاريه
اتذكر قصتي مع سواقنا يوم يضيعني انا وبنت
عمي ويمسك بنا طريق الشرقيه
يوووووووه كان مأساوي هذاك اليوم
المشكله اني انا كنت الكبيره
ولا وبعد تكلم اخوها بنت عمي تقوله
مسكنا طريق الدمام
يقولها وهو يضحك:انتي وش طلعك مع ally
ذا الخبله ماتدري وين الله حاطها فيه <<ماتهزئت ابد
تبون احجز لكم في اي شاليه؟
<<يعني احنا وين وهالرجال في وين
عيال عم اخر زمن
بس ابشركم رجعت لبيتنا الساعه 11
وانا طالعه من البيت الساعه7<<اهم شي رجعت الرياض
خخخخخخخخخخخ
الموهم ماعلينا نرجع لسالفه صديقتي
ولا اقول خلاص كني طولت عليكم
عاد انا داخله المنتدى عشان ارد على موضوع
الغيور مدري وش لون وبقدرة قادر
فتحت ايقونة كتابه الموضوع خخخخخخخخ
<<قايله لكم افكر في جهه واتصرف في جهه
خخخخخخخخخخخ
ياهلي الروح تعبانه وجيبلوا لي دكتور نفسيه<<بس يكون حلو
<<كن احد سألني 
<<تقولها وهي تفصخ
<<بزعمي عندي سالفه خخخخخخخ
[ فقط المشتركين فى المنتدى يمكنهم رؤية الرابط . 
العرض العادي
