تتجوزيني ؟؟

[Big Boss]

- تتجوزيني ؟

ـ أفندم ؟

ـ بقولك تتجوزيني ؟

ـ ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية؟

ـ لأ ! .. بصراحة كده .. إنت مش فارس أحلامي اللي باتمناه

***********************************

ـ تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج

ـ مين عباس كيج ده ؟

ـ عباس ؟!! ياي .. إيه عباس دي ؟ اسمه نيكولاس

ـ مين نيكولاس ده ؟

ـ بقة مالكشي في السيما وجاي تكلمني ؟ .. ياي

***********************************

ـ تتجوزيني ؟

ـ انت لسه ليك عين تكلمني ؟

ـ أيوة .. أنا عرفت مين بنكرياس كيج ده

ـ أولاً : اسمه نيكولاس كيج

ـ أيوة أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس

***********************************

ـ تتجوزيني ؟

ـ عندك عربية موديل كام ؟

ـ موديل دي تبقى شتيمة ؟

***********************************

ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟

ـ نغمة دي تبقى شتيمة ؟

***********************************

ـ تتجوزيني ؟

ـ ما قلتليش .. إنت بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا أزعل

ـ ما تزعلش يا بابا .. خليك فريش

ـ ماشي .. ماشي .. بس قوليلي

ـ إيه ؟

ـ فريش دي تبقى شتيمة ؟

***********************************

ـ تتجوزيني ؟

ـ لقيت شغل ؟

ـ أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القرف

***********************************

ـ تتجوزيني ؟

ـ جمعت مبلغ كويس ؟

ـ طبعًا .. مبلغ كبير جداً

ـ قد إيه يعني ؟

ـ ألف جنيه

ـ نعم ؟!!! .. ألف جنيه دول تروح تسرح بيهم ببطاطا

ـ يعني موافقة ؟

ـ روح اتنيّل

***********************************

ـ تتجوزيني ؟

ـ عندك شقة ؟

ـ طبعًا .. أوضة على السطوح

ـ نعم ؟

ـ إيه المشكلة ؟! .. أحسن ما ننام في الشارع

ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة

ـ طيب .. كلها كام سنة وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هيهع هيهع هيهع

***********************************

( بعد سنوات)

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة ..

صحيح إنها اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ مفيهاش حمام

ـ امشي من قدامي ! .. مش طايقاك

***********************************

ـ تتجوزيني ؟

ـ إنت تاني ؟

ـ جبتلك حمّام إنما إيه

ـ خليه ينفعك

ـ ليه بس ؟ .. ده ينفع لينا احنا الاتنين

ـ وأنا مالي ؟

ـ مش عاجبك .. مش مشكلة .. أكتبه باسمك

***********************************

(بعد سنين)

ـ هتتجوزيني ولا أولع فيكي ؟

ـ ومالك محروق كدة ؟

ـ حكايتنا طولت قوي .. طولت أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك (بضم الحاء)

ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين

خليك روش وقول I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟

[Bsom]

هههههههههههههههههههههههههههههههههههههههههههههههههه ههههههههههههههههههههههههههههههههههههه

يخرب بيت مخككككك يا ماان , ايه ده كلوووووووووو ؟ انا تعبت من القرايه بس خفه والنبي . تسلم ايدك يا عسل

[جورى]

ههههههههههههههههههههههههه ههههههه
بجد تحفة
بس بصراحة ده راجل بؤس خالص ده زمانه طلع على المعاش
والمصيبة انه بعد السنين ديه كلها جى يقولها بحبك (بضم الحاء)

ههههههههههههههههههههههه

[Big Boss]

هذا ان دل على شيء فانه يدل على الاصرار
على الامر فانت عندما تسعى وراء شيء
فسوف يتحقق يوما مااااااااااااااااااااااااااااااااااااااا؟؟؟

اذا تحقق!!!

[barby]

هههههههههههههههههههههههه
عندك حق يا بيج اذا تحقق
تسلم ايدك

[l-lo0oBy]

مشكوووووور جدا جدا

ياسلام عليك

[sweet gril 1]

هذا ان دل على شيء فانه يدل على الاصرار
على الامر فانت عندما تسعى وراء شيء
فسوف يتحقق يوما ماااااااااااااااااااااااا ااااااااااااااا؟؟؟

اذا تحقق!!!


وكمان يدل على تنحته وبجحتها ههههههههههههههه
جزاك الله خير
تحياتي

[randh]

جامده يامان

[Big Boss]

ومازال الحوار مستمرا

[Love.For.Ever]

ههههههههههههه
تسلم على الموضوع