وحام نسوان
في أستاذ مدرسة منح بعثة دراسية على دولة أوروبية، فأخذ مراته معاه وراح،
وما فيش تسع شهور إلاومراته حامل وجايباله عيل أشقر عيونه ملونة،
فاستغرب الأستاذ وسألها: ايه ده
فقالتله: اعمل اي أنت تروح المدرسة
وأنا بقعد بالبلكونه أوروبي رايح وأوروبي جاي
الظاهر إني توحمت على واحد منهم
فهز الأستاذ دماغه وقالها: ما فيش مشكلة
وبعد فترة جته بعثة على دول جنوب افريقيا
وكمان ما فيش تسع شهور وإلاومراته حامل وجايباله عيل أسود
شفايفه كبار وشعره كانيش، نط الاستاذ وقالها: ايه ده ياولية
فقالتله: اعمل اي أنت تروح المدرسة
وأنا بقعد بالبلكونه إفريقي رايح وإفريقي جاي
الظاهر إني توحمت على واحد فيهم
قاللها إذا كان كده ما فيش مشكلة
وبعد كل ده رجع الاستاذ ومراته لبلده على بيت أهله
وهناك استقبلته أمه، واستغربت اوي الولدين وقالتله مين دول
قالها: ولادي، قالتله: ازاي يعني
فشرح لها الحكاية من طق طق للسلام عليكم للي حصل مع مراته
فهزت راسها وقالتله : عارف يابني أنا برضه حصل لي الي حصل لمراتك لما ولدت فيك
كان ابوك يسيبني ويروح الغيط وطول النهار انا قاعده قدام باب الدار
وأشوف، حمار رايح وحمار جاي
العرض العادي
