إزعل تغلاّ .. لين يرتاح لك بال
بس لا تخيب هقوتي فيك .. تكفا
إصرخ بوجهي كل ماجيك مختال
لك وجه سمْحٍ ماتعذّرك واقفا
لواكثرك رمضا .. تناثر لك ظلال
ولو اغضبك برد .. اشتعل لجل تدفا
للي نواك آصير مليون خيّـال
ولو من تحبه عاذلي؟ .. له أبصفا
يفداك دمي .. وارخص الروح .. رجّـال
باخر رمق ولآخر انفاسه .. اوفا
سرب النوارس كثر مبعد عن الجال
لابد مايرجع لجل عين مرفا
كل الغلا لك .. رغم ماصار وانقال
ياعَـزِّ مافي الارض .. فَـيٍّ ومنفا
وانت بعين البعض بس رمل واطلال
شفتك كثير اجمل من الكل وادفا
فرحك نساني ؟ .. وش بها ؟ .. عاذر الحال
يومٍ ويومينٍ .. وهالجرح يشفا
الحب عطّر رملك بدم الابطال
ماهو لجل شيٍّ بهالصدر يخفا
وحبٍّ تجرّع ( حنظلٍ ) قاهر رْجال
لجلك على جال المقادير تطفا
أستربي رماحك ــ بظهري ــ فلا مال
طرفي على غيرك .. ولا ناوي اجفا
كثار بيّ طعونك .. اجداد واسمال
ولي بك كثير اشيا .. تمزّق وترفا
رغم الضّنك .. ماشلت للغبْـن مثقال
مثل العسل تنساب بالقلب .. واصفا
أموت واحيابك مثل كل الاطفال
وكبرت في حبّـك .. بلادٍ ومنفى
.
.
.
بس ليت تراعون فرق اللهجة
وخاصة الكويتيه .. عن الخليجيه
خاطري
العرض العادي
