فيه شخص سرقني (عضو او زائر)!!!!!

[abou-goda]

السلام عليكم ورحمه الله وبركاته


انا جاي النهارده اتهم شخص كان هنا في المنتدي


كان هنا زائر او عضو او اي حاجه

المهم ان انا بتهمه بالسرقه

ومش سرقني هنا بس سرقني في اكتر من منتدي

وسرق ناس كتير
سرقني وسرقك انت نفسك

سرقني في مجهودي
سرقني في كتاباتي وموضوعاتي
سرقني في اسمي ونسبه لنفسه

نسب حاجات كتير بتاعتي باسمه هو

مش ده يبقي لص

وسرقني

مش انا لوحدي ده سرق كتير وكتير

العضو ده
هو

اللي دخل عجبه موضوع وقراه
اخذه كوبي او اعاد كتابته
المهم انه أخذه
اخذه لمكان تاني
باسم تاني اسمه هو
وفي نهايه الموضوع
كسل انه يكتب اسمي او اسم الصاحب الاصلي للموضوع
بمعني اصح مش كسل

هو نسبه لنفسه

وكتير دخل وعجبهم الموضوع ورفع من شانه باسمه هو

وراح مجهود الشخص الاخر ليه هو

ليه
مش حرام
مش سرقه

انا اوقات بنسي اكتب
بس مش دايما او بمعني اصح مش بقصد
لكن هو بيقصد ومتعمد انه يعمل كده



ياجماعه الظاهره ده موجوده بيننا هنا او بره عالم الانترنت

يبقي واحد عامل مشروع ما او فكره واحد تاني يقدر يوصلها وينسبها لنفسه

شخص تاني يتعب ويكتب شعر ويعرضه علي اصحابه واحد بينهم يسرقوا وينسبه لنفسه

ليه كده

انت مش عندك المقدره انك تعمل شيء بنفسك

هو اه فعلا انت سرقت بنفسك

وتعبت وعملت مجهود انك تسرق مجهود غيرك

بس المشكله اللذه في النهايه
اذا كانت بقبول المشروع اللي انت سرقته ياتري هاتقدر تكمل المشروع للاخر اساسا مش هاتحس بفرحتها

حصولك علي لقب ما في الشعر بعد مسرقته من شخص تاني

تفتكر ان الناس كلها صدقتك
يكفي انك في نظر نفسك فاشل حرامي
مش بيقدر يجتهد انه يصنع شيء بنفسه

تفتكر ان ده هايكون طيب علي قلبك
افتكر لا

يا(***) مش عارف اقولك ايه

بس نفسي بعد كلامي تراجع نفسك
يمكن اقول يا( صاحب العمل هذا ابدعت وتستحق التقدير )
واري في وجهك بسمه وفرحه بمعني الفوز بمجهودك

شيء محزن انك تنسب شيء لنفسك والناس بعضهم ينظر لك باحترام من خلف عباءه السرقه

وبعضهم ينظر اليك بسارق وفاشل

مش عيب لما تقول منقول

بس العيب ان يتقال ليك مسروق


بس مش كل شيء بنطالب منك تقول منقول

لكن بطلب منك الشيء اللي تشوف فيه جهد من صاحبه تكتب انه منقول




نبدا بالبرامج

طبعا البرامج انا كنت اجي انزل موضوع ابقي مش عارف انزله اذاي ده انا مشرف المفروض اكون جايبه بنفسي

بس رجعت لابو الشوود وقاللي انه البرنامج اساسا لشركه والكل بينقله
لكن الشرح فيه ناس بتكتبه بنفسها وتتعب فيه
ممكن الشرح ينتهي بمنقول
لكن البرنامج معروف انه منقول لانك مش مبرمج او غيره
يعني كده كده البرنامج منقول فمش مهم لو جبت برنامج ولاقيت واحد ناقله ومش كاتب منقول لان انا نفس الوضع ههههههه

طيب الشعر

اكتر شيء بيتسرق الشعر

اعتقد ان كتير مننا شاف اشعار وقصص وروايات وخواطر مكتوبه وتعجبه ويتضح ان اللي كاتبها سارقها

ياريت الشعر مادام من حقك اكتب اسمك بس توقع ان هايجي يوم وتتعرض انت وشعرك للنقض
واكيد هايبقي شكلك (**) سوري يعني


المواضيع العامه

طبعا لو موضوع تعبت في كتابته بيتكلم عن مشكله زي اللي انا عملته ده
هههه
اجي الاقي شخص تاني ناقله هابقي مبسوط ان ممكن يكون فيه ناس حست بفايدته

لكن احزن جدا لو لاقيته ناهي الموضوع باسمه او من غير كلمه منقول

مش مهم يقول منقول عن العضو فلان او المنتدي فلان
لكن المهم منقول

وفيه مواضيع اكتر واكتر

الاخبار


اكيد الاخبار منشوره في جميع الجرائد والمنتديات
حتي لو انت اول من كتبه لكن في بعدك الكثير كتبه

فهو في الاول والاخر معروف انه منقول

كتير وكتير بيبقي ظاهر جهد العضو فيه

يبقي محتاج كلمه منقول


في نهايه كلامي

انا وجهت الموضوع ده ليك انت
ايوه انت
علشان تاخد باللك بعد كده تعرف ايه اللي انت بتعمله
تعرف اد ايه انت كنت بتعمل وبتزعل ناس منك

اتمني بقي انك تاخد باللك بعد كده
وتحافظ علي مجهود غيرك زي ماهو هايحافظ علي مجهودك



انقل مره واتنين وتلاته بس المهم انك ماتنسبش شيء مش بتاعك لنفسك

ومع التكرار حاول انك تعمل شيء بنفسك جرب
التجربه مش غلط
مصيرك تقدر توصل للدرجه اللي انت عاوزها

اتمني ان كلامي يكون وصل

بس انا شفت كتير وكتير

عشان كده عملت الموضوع

يارب كلامي يوصل

تحياتي
محمد (abou-goda)....

[zAiNaB 86]

ابوجوده


تسلم على موضوعك..
رسالة جميـله منك..


زي مانت قلت اكيد مفيش حد بينكر
انه مواضيع بتعجبه وبيحب ينقلها
عشان تعم الفائده بيننا...


بس اكيد لازم نشكر الكاتب اللي كتب المقال اللي نحب ننقل
بكتابة منقول في اخر المقال..


انا في بداية تسجيلي منكتش بعرف عن فايده النقـل وأهميتها
وكنت بنسى اكتب منقول.. بس لما تتخيل حد نقل شيء كتبته وتعبت فيه
ومش كتب انه نقله ونسبه لنفسه عندها هتحس بالحزن.. تعبك سرقه حد تاني..


كلمة منقول مش هتصغر من مستواك بالعكس
هتبرهن للناس انك عاوز تفيد غيرك حتى بالنقل
وكمان بتوضح على ذوقك في اختيار المواضيع الهادفه
واللي هتعجب الأعضاء..


يعني اننا ننقل مش حرام، ولو انو افضل لنا نحاول نبقى مبدعين
ونألف ، بس اذا لقينا شيء وعجبنا بنحب ننقله لكي يراها الجميع
وبذلك يستفيد منها الناس زي ما احنا استفدنا...


لكن يجب مراعاة كتابة منقول ، عشان الأمانه...
في حد تعب وكتب وألف الموضوع اللي بتنقله واذا مكتبتش
منقول في اخره معناته بتنسبه لنفسك...


اشكرك على الموضوع والرساله يا محمد
وياااارب توصل و يسفيد منها الناس

تحيه لك

[abou-goda]

زيزي
عفوا
شكرا لك علي مرورك وتعليقك علي الموضوع
دمتي بخير عزيزيتي
واتمني لك التوفيق
واتمني ان تصل رسالتي

تحياتي

[l-lo0oBy]

معلم يابنى
فكرتنى والله
سبحان الله
لسه ن كام يوم لقيت واحد بيقولى ألحق واحد منزل كلامك بإسمه
دخلت ودورت فى ملفه الشخصى
لقيت أكتر من 30 توبك شعر واخده منى

بس الحمد لله اتكشف والحقيقه كلها بانت

بجد دى ظاهره سيئه جدا جدا
ومتتصورش بجد الحاجه الى انت يتسرقها من غيرك دى وتنسبها لنفسك بيبقى اثرها ايه على الشخص التانى
كل واحد بيكتب حاجه وبيطلعها من جواه بتبقى بنالسبه ليه زى الضنا وزى الإبن بالضبط

ومفيش مشكله خالص ان حد يكتب كلمه منقول
ماهو مش كل البشر هيبقى فيهم موهبه الكتابه او التعبير كويس

تسلم يا ابو جوده
شكرا أوى بجد

[الداعيه الصغيره]

ابو جوده بجد موضوع بمحله جدا ومهم اوى

انا فعلا بخاف جدا من الموضوع ده لان فعلا صدمه لما تلاقى حاجه انت كتبها وتعبت فيها وحسيتها وحد بكل سهوله نسيبها لنفسه اد ايه احساس صعب وياريت بجد رسالتك دى توصل لكل من سولت له نفسه ان ينسب حاجه مش من حقه بأسمه ويراجع نفسه واكيد مش عيب انك تكتب منقول لكن العيب هو انك تتكشف وانت مصمم على كدبك وغشك واكيد الشخص ده مش بيضحك غير على نفسه

وربنا يحفظ مجهودنا ويبعد عنا الناس دى امين يارب

[abou-goda]

المشاركة الأصلية كتبت بواسطة EhAB__GaMaL

معلم يابنى
فكرتنى والله
سبحان الله
لسه ن كام يوم لقيت واحد بيقولى ألحق واحد منزل كلامك بإسمه
دخلت ودورت فى ملفه الشخصى
لقيت أكتر من 30 توبك شعر واخده منى

بس الحمد لله اتكشف والحقيقه كلها بانت

بجد دى ظاهره سيئه جدا جدا
ومتتصورش بجد الحاجه الى انت يتسرقها من غيرك دى وتنسبها لنفسك بيبقى اثرها ايه على الشخص التانى
كل واحد بيكتب حاجه وبيطلعها من جواه بتبقى بنالسبه ليه زى الضنا وزى الإبن بالضبط

ومفيش مشكله خالص ان حد يكتب كلمه منقول
ماهو مش كل البشر هيبقى فيهم موهبه الكتابه او التعبير كويس

تسلم يا ابو جوده
شكرا أوى بجد

اها
عفوا هوبي ده حاجه من اللي بنتكلم عليها
تخيل ده تعبك ومجهودك يروح لواحد تاني

الحمد لله انك لحقته

شكرا ليك هوبي علي تعليقك ومشاركتك معانا
نورت التوبيك ياهوبي

[abou-goda]

المشاركة الأصلية كتبت بواسطة الداعيه الصغيره

ابو جوده بجد موضوع بمحله جدا ومهم اوى

انا فعلا بخاف جدا من الموضوع ده لان فعلا صدمه لما تلاقى حاجه انت كتبها وتعبت فيها وحسيتها وحد بكل سهوله نسيبها لنفسه اد ايه احساس صعب وياريت بجد رسالتك دى توصل لكل من سولت له نفسه ان ينسب حاجه مش من حقه بأسمه ويراجع نفسه واكيد مش عيب انك تكتب منقول لكن العيب هو انك تتكشف وانت مصمم على كدبك وغشك واكيد الشخص ده مش بيضحك غير على نفسه

وربنا يحفظ مجهودنا ويبعد عنا الناس دى امين يارب

اهلا بك الداعيه
الموضوع يقلق بعض الشيء وخصوصا لكل من ابذل مجهوده في كتابته او فكرته
بس في النهايه ارحب بصوتك ضد الشخص ده انه يقف عند حده وكفايه سرقه وكفايه علي نفسك كده

منوره التوبيك ياالداعيه وشكرا علي تعليقك