لولا الام

[ملامح قمر]

بعد حنان الأم لا يمكن تلقى حنان من حد فى يوم

حب الناس بيزول وبيفنى لكن حب الأم يدوم

لولا الأم ماكنت تكون

أمك هى الأصل وهى أصل وجودك وانت جنين

كنت بأمر الله تتغذى وانت فى مهد مالكش معين

قبل ما تنزل هذا الكون

يوم مانزلت الدنيا الواسعة شافت يومها الموت بصحيح

نسيت كل آالامها وفرحت لما نزلت سليم وصحيح

لكن يومها نزلت ضعيف

لولا حنانها عليك فى ساعتها كنت يا عينى حاتعمل ايه

بين أحضانها لقيت العافية ولقيت "ثدى" بترضع فيه

حر شتاء بارد فى الصيف

وانت فى مهدك طفل صغير كانت ليل ونهارك تراعيك

لما بتمرض أو تشكى تفدى حياتها عشان تشفيك

بعد حنان الأم مفيش

مهما كبرت قصادها لا يمكن برضه حنانها تمللى عليك

عايزة تشوفك الدنيا بحالها عندك بس ومالك أدبك

هى بتدعى يارب تعيش

ربك وصى عليها وقالك عامل أمك بالاحسان

حاول بس ترد جميلها زى ما قالك فى القرآن

وصى عليها فى كل كتاب

من أحاديث سيدنا محمد وصى وقال على الأم كتير

قد ما تعبت فى طفولتك قوم بالواجب وانت كبير

تكسب من دعواتها ثواب


اكتب كلمه لمامتك

>>>> هتقول ايه >>>>



[ فقط المشتركين فى المنتدى يمكنهم رؤية الرابط . اضعط هنا للتسجيل ... ]

منقول

[abou-goda]

ملامح
كلام جميل قوي ووصف لعطاء الام
وفعلا لولا الام ماكان حصل الكثير ومنها انها تربي فينا الحنان والطيبه

انا والله مش عارف اقول كلام اوصف بيه احساسي اللي عاوز اقوله
مش عارف اقول حاجه غير

ربنا يبارك فيها يارب ويحفظها من كل سوء
ربنا يخليكي ياامي

[l-lo0oBy]

طبطبتى كتير وداويتــــــــى
وعنى ياما داريتــــــــــــــــى
ألمك وتعبــــــــــك
فى عز مابتكونى تعبــــــــــــــــــــان ه


كل همك فرحتــــــــــــــــى
واللى عندك قسمتـــــــــــى
هو فيه منــــــــــك ؟؟
يا أحن وأطيب انســـــــــــــــــــانه

ياحنينـــــــــــــــه
زيك والله ماشوفت أنا
قريبـــــــــــــــــــه
ومحوطانى دايما بالهنا
لو أقول أنا

..

واعيد مليون سنه
مش هوصف حتى الإبتســــــــــامه

بالخيـــــــر بتدعى ليا
وألاقيـكى تضمى فيـا
إحساس بجد مايتوصفــــــش
الضمه منك بدنيا تانيه

شاغلك وتاعبك دايما
ولا مره شكيتى أبدا
حقيقه من غيرك ماتكملـــش
هكون بيكى بس فـ الجنه

ياحنينـــــــــــــــه
زيك والله ماشوفت أنا
قريبـــــــــــــــــــه
ومحوطانى دايما بالهنا
لو أقول أنا

..

واعيد مليون سنه
مش هوصف حتى الإبتســــــــــامه

.........

دى حاجه كتتبها يوم عيد الأم للمناسبه دى

.........

بيقولوا عنك بتطيبـى الأه
وانتى اللى منك بتتولد الحياه
ربى خلقــــــــــــــك تدى ماعنـــــــــــــــــدك
والحب فيكى واصل منتهاه

..........

دول كلمتين لسه طالعين حالا
وطبعا أى كلمه مش هتعبر ولا هتوفى حق الأم
شكرا عىل التوبك الجميل
وأسف على التأخير فى الرد

[تملي معاك]

تسلمى ياملامح على التوبك
كلمات هائله ومهما كتبنا لايمكن وصف الام
تحياااااااتى لكى

[mo2a]

وانت فى مهدك طفل صغير كانت ليل ونهارك تراعيك

لما بتمرض أو تشكى تفدى حياتها عشان تشفيك

بعد حنان الأم مفيش

مهما كبرت قصادها لا يمكن برضه حنانها تمللى عليك

عايزة تشوفك الدنيا بحالها عندك بس ومالك أدبك

هى بتدعى يارب تعيش

شكرا ليكي يا ملامح علي الكلمات الجميلة دي

وللاسف مهما اتكلم عن امي ومهما قلتلها من كلام

ماقدرش اديها حقها ولا اوصفها باي كلام

كل اللي اقدر اقوله ليها

ربنا يخليكي لينا وما يحرمنيش منك ابدا