صحيت امانى فى الفجر جايه

[m3_soliman]

احلام تصحى عيون صغار واحلام كتير ومداريه
والصبح شقشق جاب النهار والرزق موجود فى التكيه
السعر نار والرزق طار وانا عايش على القمه ديه
حتى الجواز فينه الجواز والكل عايش فى العزوبيه
عايش فقير واحلامى ضاعت قدام عنيه
اللقمه غليت ويا الخضار والمكرونه اتسلقت فى ميه
واللحمه كانت حلم الغلابه دلوقتى حلم الناس العاديه
والغنى عايش فى السرايا تفرق معاه العيشه ديه ؟!
تبقى بجنيه ولا بمتين ولا بميه
هايحس بينــــا ازاى وفين
ماجيبه اصـــله دايما متين
نـــاكل منين حد يرد على باجابه!
ولا هايجى يوم نقول الله يرحم الغلابه!!!!!

[الداعيه الصغيره]

روعه بجد موووووووووووووت
واحساسها تحفه
دى الحقيقه على هيئه كلمات

[m3_soliman]

بجد اللى اروع من الموضوع مرورك وردك الجميل مرسى ليك داعيه ولزوقك العالى

[l-lo0oBy]

جميل جدا كلامك

وفعلا فيها واقع كبير
تسلم ايدك

[داليا]

والغنى عايش فى السرايا تفرق معاه العيشه ديه ؟!
تبقى بجنيه ولا بمتين ولا بميه
هايحس بينــــا ازاى وفين
ماجيبه اصـــله دايما متين

عجبتنى الفقره دى
طبعا كلها كلمات رائعه
لانها الحقيقه والواقع اللى احنا فيه
يلا ربنا يسترها علينا

[m3_soliman]

هوبى بنوته زملاكاويه نورتو الموضوع
بنوته الفقره اللى عجبتك انا شفتها بعنيا فى موقف فى الشارع وابقى احكيهلكم