بتضحك على نفسك ولا بتضحك على مين ؟؟ الكلام موجه للفرسان والجدع يجاوب
السلام عليكم
انا النهاردة جايه بموضوع جديد شويه او موضوع يشغل بالى يعنى بحكم القصص الى الواحد شافها قررت ان اكتب موضوعى هذا ويارب يعجبكم المفروض دى كانت الحلقة الاثنى عشر من شباب اليومين دول لكن انا قررت ان اكتبها هنا لان فيها جزء رومانسى اكتر من المشاكل مع انهعا مشكله بحد ذاتهااااا
اتكلمنا عن الحب وكتير اوى اتكلم عن الحب وكلنا قولنا ان الحب حاجة حلوة اوى
وقولنا انو احساس وشعور حلو او يعنى لما بيصيب الانسان مش بيعرف انه يخرج منو ابدااااا انا يمكن سالت سؤال قبل كده والكل اجاب وقولت هيكون فى مفجاءة او رد على الموضوع
وكانت اجاببتكم كتيرة والكل اكيد استغرب من كلامى ده وكثير منكم قال انو صعب ان الحب يتبدل او يتغير
وفعلا بيكون صعب اوى انو يتبدل او يتغير ولكن فى ناس كتيرة ساعات بتقسى على الحب وبتيجى على قلبها اوى وبتجنى زى مابيقولوا عليه وتلجأ بكل الطرق وشتى الطرق انها تتخلى عن حبها لاسباب كتيرة اوى منها جرح كرامة حاجات كتيرة واهم شئ انو مش بيكون فى نصيب
احيانا فى قصص حب بيكون محكوم عليها بالنهاية الحتمية السريعه لاسباب كتيرة جدا الاسباب دى بنفاجئ بيها يعنى خيانه سريعه مباغته كذب فى المشاعر انك تحس ان الى قدامك مش بيحبك اصلا بيلعب باحساسك بيخدعك يعنى امثله كتيرة
ولكن فى حب بقه اكيد برضو محكوم عليه بالاعدام يعنى ممكن تكون بحب شخص يكون مرتبط بشخص اخر يعنى حب من طرف واحد وده بيكون اصعب انواع الحب واشدهم عذاب لانك بتحب شخص انت عارف اصلا انو استحاله يكون ليك وانت عارف كده من البداية وبتمدى فى حبك طيب مش ساعتها تقول لنفسك هو انا بضحك على نفسى ولا على مين؟؟ يعنى بعذب نفسى بايدى وواقف اشوف جرحى بينزف وبتمدى والدكتور قالى ارتاح طب بزمتك مش مكسوف من نفسك؟؟؟
نيجى لناس تانيه انا اتكلمت قبل كده وسالت سؤال هل من الممكن انك ترتبط بحد اصغر منك واتكلمنا كتير اوى فى الموضوع ده وكان راى انو ممكن ويعنى فى امثلة عمليه كتيرة فى حياتنا اكبر دليل انو ممكن يحصل ومش هيكون فى اى مشكلة ولكن سؤالى الان نفرض انك اصلا متاكد من حب الشخص ده ليك ومتاكد انت كمان منو ولكن فجاءة لقيتو بيقولك احنا نكمل بقيت المشوار مع بعض بس اسف اهلى رفضوا الفكرة والمبادئ احنا نكمل على اننا اصحاب بس اصحاب لطول العمر طيب ازاى تكون جنب حبيبك وحبيبك ده اصلا دلوقتى فى مقام صديق ازاى هتكون مع شخص اخر وحبيبك الفعلى جنبك هههههه انت بتضحك على نفسك ولا بتضحك على مين بتعذب نفسك بايدك ليه وتجرح انسان تانى مش ليه اى ذنب طيب ملعون ابو الحب الى يكون كده الى يسخرنا ويزللنا ويخالينا عبيد ليه ( سورى )
كتير منا انجرح واتعذب وداق نار الحب وفجاءة ظهر شعور جميل خطف قلبنا ده تجاة انسان تانى غير الشخص الى احنا حبيناه طيب مسالتش نفسك انت فعلا بتحب الشخص الجديد ده ولا انت عايز تنسى باى طريقه وناخد ده اهو اسمه بيحبنا اهو هيخرجنا من نار البعد واهو اسمه بيحبنا وهو بقه وشطارته اذا ان هينجح ولا لاء وانا كده كده مش خسران حاجة طب بزمتك مش مكسوف من نفسك الانسان ده ذنبه ايه ماانت مجرب الجرح ليه تجرحوااااا
ليه مش بنحط نفسنا مكان الشخص الى احنا هنجرحه او بنحبه او بيحبنا ليه احنا بيكون عندنا انانيه فى الحب ليه بنفكر فى نفسنا وياترى الحب فى الحاله دى بيكون حب ولا احنا واهمين نفسنا وبنضحك على نفسنااا وياترى هيتغير الحب بجد ويتحول ويتنسى وكانه لم يكن سؤال يطح نفسه فهل من اجابه
أنا معاكى
بشوف وبعاصر قصص كتير
لواحد أو واحده
يخرجوا من قصه حب فاشله
يلقوا حد يقرب ليهم يتعقلوا بيه
ويتوهموا بالحب
مع انه فى الحقيقه بيبقى مجرد حاجه بيحاول ينسى بيها الحب الأول
أو بيحاول يعيش نفس حاله الحب اللى كان عايشها
موضوع جميل وانا معاكى فعلا فكلامك ومن وجه نظرى انه صح وعلى فكره انا شوفت تجارب من ديه كتير بيحاولوا يبعدوا عن حبهم القديم بحب جديد طب ذنب الانسان ده ايه المفروض انك مجرب الجرح ومش قبلته على نفسك تقبله ليه على غيرك وفى ناس بتبق فاهمه الحب بردوا غلط ومش عارفين يتعاملوا ازاى وفاكرين انهم فاهمين صح وفى ناس الظروف هيا الى بتبعدهم عن بعض بس بعد ما مش بيلاقوا قدهم اى حلول ويبق قرارهم هما الاتنين انهم يبعدو ده هايبق فمصلحتهم بس مااعتقدتش ان ممكن اتنين يكونوا بيحبوا بعض يبقوا صحاب او حتى من طرف واحد ماينفعش وانت ليه تعذب نفسك لازم الواحد يخاف على مشاعره من اى حاجه ممكن تأذيها (لن اجعل مشاعرى ارضا يداس عليها بل سأجعلها سماء يتمنى الجميع الوصول اليها)
موضوع كعاده مواضيعك حلو ومهم
بصى اكيد الانسان دا مش بيبقى قاصد
انه يحب حد بعد حبيبه على طول
اوقات الشخص دا بيكون تعبان ومتألم
ويلاقى حد وقف جنبه فيلاقى نفسه
غصبا عنه اتعلق بيه
بس طبعا اللى بيبقوا قاصدين دا
دا اكيد غلط لانهم هيخسروا برضو
وهيتعذبوا تانى
العرض العادي
