احلى القلوب
قلوب عايشه بس تدى مبتستناش تاخد
قلوب تحتاجها بروحها تفدى مبتقساش ولاتعاند
لو بصيت فى عنيها تلاقى حنان الدنيا وخيرها
معندهاش وقت تبكى مشغوله بجرح غيرها
متلقيش فى قلوبها قسوه الكل حاسس حبها
وتلاقيها فى كل ليله تعدى ترفع ايديها للسما
وفى صلاه الفجر تدعى وتشكى ربها
انه يهدى كل عاصى ويبارك فى رزقها
لو عليك الدنيا قسيت تعرف ان ده وقتها
جنبك..معاك..حساك....ليك عمرها
لو لقيت دموع فى عنيك تبقى جرحت خدها
تجرى عليك..تكون ايديك ...اللى بتمسح دمعها
اكيد بتحلم بقلوب تخفف عليك الايام وحملها
طيب ليه متكونش منها ليه متعملش زيها
ابدأ وعلم قلبك يحضن الايام ويضحك لها
قول الحق وراضى ضميرك
واوع تقول الحزن نصيبك
لوحسيت جرح فى قلبك اجرى وداوى جرح غيرك
وان ملقتش حد جنبك متخليش الوحده مصيرك
امسك ورقه .....وارسم فيها
بحر....موج....شط....وأتأمل فيها
سبحان الله
قول يارب وأنس بى مش هتحتاج الناس بعدى
الداعيه الصغيره
العرض العادي
