آنستي العزيزة.. لو ربنا فك عقدتك.. واتخطبتي..او اذا اتجن حبيبك وعزمك
فإليك نصائحي حتى
تأخذي بخطيبك من مركب الخطوبة والحب إللي محدش عارف هاترسى على إيه.. إلى
مثوااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل في
البلد.. واللي عمرك مانتي شايفاها بعد الجواز.. المهم نصائحي لك عند
أي عزومة مع ختيبك
الأول لازم تعرفي إن الشوكة والسكينة بيتمسكوا من إيديهم من الطرف
يعني مش من الوسط ولا من البوز زي الخنجر ولا من فوق طبعا
العيش أوعي تفضحينا وتقطعيه بسنانك.. ولا الرغيف نصين بأيدك وكل نص
لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي
لقمة.. لقمة.. بالعافية.. قال يعني نفسك مسدودة.. اضغطي على أعصابك
جدااا وبعدين لما تروَّحي.. إبقي كولي زي ما انتي عايزه
الشوربه .. أبوس كعب رجلك.. بند الشوربة ده مهم جدًاااا.. الشوربة
تتشرب من غير صوت خالص.. ومن غير ماتقعدي تنفخي فيها.. زي القهوجي
اللي بينفخ في الحجر للزبون.. وطبعًا عايزك تنسى تمامًا
السلطانية اللي بتشربيها على بقك في البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق علي
الأقل.. مش تميليه.. عشان تلهطيها لآخر نقطة
المكرونة.. الاسباكتي.. برضه بالشوكة.. تتلف على طرف الشوكة.. لحد
ما تخلص وبعدين تحطيها ف بؤك من سكات.. مش تشفطي المكرونة عود عود
السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي
اللحم من النص.. بالطول وبعدين تفردي اللحم ع الجانبين ولما تخلصي
ناحية.. متقلبيش السمكة.. بلاش فلح.. شيلي السلسلة بالشوكة والسكينة
وحطيها ف جنب الطبق وكملي أكل النص التاني.. وبدل الفيلم الهندي ده
نصيحة.. ماتكليش السمك خالص.. قولي مابحبش السمك وخلصي نفسك
الجمبري.. -إذا كنتي عارفاه-.. أول ماطبق الجمبري ينزل.. بصيله
بقرف واحتقار شديدين.. آل يعني زهقانة من كتر أكل الجمبري الجامبو ف
بيت ببااااا.. وأتنهدي جامد وقولي.. برضه..؟؟؟ وتروحي قاطعة راس
الجمبريياية.. بالشوكة.. أنا في عرضك إنسي المصمصة دلوقت
البطاطس سواء مسلوقة أو محمرة.. أوعي تهرسيها وتدبيها ع الرز وتدي
...لا..لآ...لآ...بالشوكة حتة حتة وإنت زي ما تكوني هاتعيطي من كتر ما
البطاطس صعبانة عليكي..
الفاكهة.. لو الفاكهة فيها بذر.. طلعيه من بؤك بالراحة وحطيه في
إيدك وهي مقفولة.. وبعدين في طفاية السجاير اللي علي الترابيزه.. أوعي ياحبيبتي من نظام التفتفة للبذر.. إنسي...مش عايزين نبهدل وش الراجل بالبذر
ولما تخلصي أكل تحطي إيدك على بطنك.. -اللي عصافيرها بتصوصو من
العينات اللي كلتيها-.. وتقولي له مش ممكن.. أنا عمري ما اتفجعت كدة
أنا قدامي أسبوع.. هابطل أكل فيه
وبعدين تمسكي الفوطة اللي دايمًا موجودة ع التربيزة من غير لازمة
وتبوسيها.. آل يعني بتمسحي بؤك
وبعدين تستأذني منه لدخول التوليت لإصلاح ماكياجك
مش عارف ليه هتكسفينى وشكلكو كدا مش هتكملوا مع بعض هههههههههههههههههههه
شكرا ليكم ياجماعة على مروركم بس ليه انا حاسس ان اى قصة حب بعد الجواز بتنحصر فى المطبخ والغسيل الواحد يقوم الصبح لابيه ولا عليه ويفتح عينو يلاقى عبايه شكلها غريب وتصحى على ضرب العيال وتهزيقهم لالالالا لازم نشوف حل هههههههههههه
ههههههههههههههههههههههههه ههه موضوع جميل جداااااااا نصائح جميلة ياريت الستات تعمل بالنصائح دى علشان متخربشى بيوتنا ويعملو حسابهم انها عزومها واحد فى العمر ومين القك ان هزعم خطبتى اصلا مش عازمها خالص هههههههههههه مشكور على الموضوع الجميل وفى انتظار المزيد من المشركات والموضيع
الله يكرمك اخى سوليمان بس خلى بالك من نقطه مهمه واكيد انتا عارفها كويس تكون خطبتك مفجوعه وبتفكر ببطنها مش بدماغها وتخرب بيتك فى العزومه انا رأيى تعزمها على فول وطعميه اسلم وتقعد تاكلها فى بصل لحد ما تنام منك ههههههههههههههههههههههههه او تفتص منك عادى ودا هو الحب الحقيقى الى قال عليه محمد فؤاد
العرض العادي
