خليت ماليش قلب طيب
خلتنى اجرح ولا اطيب
خلتنى واحده غيرى انا
خليت لجرحى مالوش دواى
خلتنى على اللى يحب اعيب
ولما اقابل حد طيب فى سكتى
ارد جرحك فى اللى كان سببه طيبتى
واعلمه وألمه زى ما انت علمتنى
خلتنى عايشه فى الدنيا شيفاها غابه
فيها الطيور مجنى عليها من الوحوش واخترت اكون انا من الديابه
جرحتنى وسبتنى وروحت لغيرى
كسرت قلبى ضيعت حبى ومات ضميرى
اجرح واقول حكم القدر
ولا اداوى يوم حد انكسر
مشتنى سكه احزانى فيها ما تتعد
دمعت عنيا هزت كيانى وجرحت الخد
قلت يهون عشان حبيبى اصون الوعد
اتاريك طريق مليان بشوك واخره سد
قلوب كتير سئلونى عن ماساه حكايتك
حكيت بدمعى عن وفائى قصاد خيانتك
عن يوم ما قلت احلمى وصحانى غدرك
مسحوا بايدهم دموعى دة مش حبيب ده قلبه قاسى
رد قلبى من بين ضلوعى ده هو كان اعز ناسى
انطفت بعده شموعى وبضى جرحه هعيش واسى
هقفل ببان قلبى على جراح ملهاش طبيب يداويها
هتبكى عيونى دموع تحتار القلوب فيها
هسكن ليالى الماضى بذكرى متقدرش الايام تمحيها
وكفايه عليا لحد كده ده حسابى من الزمن
اديت بكل ما فيا الحب وكانت الخيانه التمن
العرض العادي
