@@ ايه اللى مش عاجبــــــــــك ؟؟؟؟ @@

[l-lo0oBy]

النهارده جاى بموضوع
فكره ع الطاير كده اهو نخلص من الدين اللى فى رقابتنا
هههههه

المهم

اتنين اتنين
قاعدين ع الرصيف
الإيد فـ الإيد
والشكل سخيف
هو يهزر
وهى تكرر
منظر مش لطيف

دا موقف من المواقف اللى بشوفها بين الشاب والبنت
كل يوم تقريبا
مبقولش ميقعدوش
بس كل حاجه وليها حدودها وليها احترامها
انما ضحك بأعلى صوت وهزار ملوش لزمه بين ولد وبنت فى الشارع
دى حاجه أكيد مش مستحبه

عموما أنا قولت موقف من مليون موقف بيحصل يوميا بين الولد والبنت
عايز كل اللى يدخل
يتكلم ويعبر عن أى موقف شافه واتضايق منه
حتى لو الموقف دا صغير
ومش شرط بين الولد والبنت عموما
بين الشباب عامتا
يعنى بين ولد وولد
أو بنت وبنت
المهم يكون موقف بين فئه شبابيه

يلا مستنى المواقف بتاعتكم
وأظن امواقف كل يوم ومبتخلصش
ســــــــــلام

ايهــابــ جمــال
هوووبــى

[داليا]

حلوه فكره الموضوع اوى
وفعلا كنت بتغاظ جداااااا
من اسلوب الهزار بين الولاد والبنات
وخصوصا لما يبقى بالايد حاجه تعصب

موقف تانى برضو يضايق
الشتايم اللى بيقولها بعض الشباب لبعض
واللى بنسمعها غصبا عنا
طب انت عايز تشتم صحابك انا ذنبى ايه اسمع
كلام مش كويس والمشكله بجد اصواتهم بتبقى عاليه
مش مراعيين اى حد

[نيروو]

تمام كده ياهوبى
وبطلى حقد يابنوته
وبطلى طلبات معقده
بس ياهوبى لو طلبت تانى ملكش دعوه بيها
ههههههههههههههههه
وانا بقا اللى بيضايقنى
لما الاقى الاولاد ماشين فالشارع ولو شافو بنت المفروض يوسعولها مكان علشان تعدى
لا الاولاد بيفضلو ماشيين بطريقه غبيه والمفروض ان البنت هى اللى تمشى من مكان تانى
وكمان زى ماداليا قالت عن الشتايم
وكمان الاولاد اللى ييجو فجاه يقفوا ادامك ويكلموك على انهم بيعاكسو
برضو طريقه غبيه
تسلم هوبى لموضوعك

[احساس برئ]

الموضوع جميل جداً يا هوبي

الشباب والرجال اللي في الميكروباص بيضايقوني جداً من قلة العقل
يعني أنا مثلاً ممكن ألاقي بنت واقفة في الميكروباص والكراسي أغلبها رجال وشباب
طب ليه الواحد منهم مش بيفكر في انه يقوم ليها
طب تخيل لو اختك أو والدتك أو خطيبتك أو زوجتك أو ........... في الموقف ده ..
قدر أي بنت وانت هاتلاقي اللي يقدر بنت قريبتك ،،،،
أنا عارفة ان انتوا هاتقولولي ان ممكن تكون الشباب تعبانة من العمل ومش قادرة تقف
وكمان ايه اللي يركب بنت في ميكروباص زحمة ... ماشي انا معاكو في الرأي ده
بس هنا ممكن تكون البنت متأخرة جداً علي مشوارها أو مش عايزة تقف ع المحطة
واللي رايح واللي جاي يضايقها ... واللي راجع تعبان ومش قادر يقف ...
لو حمل وضغط علي نفسه شوية وراعي وحافظ علي بنت من الوقفة الرخمة ده
أكيد أكيد هاتكتبله خير وغير بقي انها هاتتعوض ليه فيما بعد في أي موقف أخر

يعني ... ده موقف من المواقف التي تقابلني كثير وتضايقني جداً
أسفة يبدو ان انا طولت وحكيت كتيييييير

وشكراً الي لقاء آخر ان شاء الله
والأن ننقل الميكروفون الي ...
الأخ ... / الأخت ...
هههههههه

[زملكاوى للابد]

موضوع جميل فعلا

والمواقف الى شفتها كتير وكل يوم فى الشوارع من البنات والولاد بس الاكتر زى مداليا قالت ان الولاد الى بيشتمو بعض بصوت عالى انا طبعا معاها انو غلط جد ولاكن المصيبه ان برضه فى بنات بتشتم بعضها فى الشارع بنفص الشتيمه وبصوت عالى برضه هى دى المصيبه ده غير الحجات التانيه

اللهم احفظ بنات المسلمين

[داليا]

بصى يا احساس برئ
حكايه ان ليه الشباب والرجال مش بيقوموا للبنات
فدا لان البنات هى بتطالب بالمساواه
فلما انزل الشارع عشان التعليم ولا الشغل
يبقى استاهل اللى يجرالى
يعنى زمان كانت البنت تخرج لحاجات ضروريه
فالشاب يقوم لانه بيبقى عارف
ان دا لحاجه مهمه انما دلوقتى البنات على طول فى
الشارع يعنى الشباب كدا عمرهم ما هيقعدوا
فهما ليهم حق لو شافونا واقفين ولا يعبرونا

[l-lo0oBy]

شكرا ليكم جميعا
نورتونى

[>بمبوني<]

اولا شكرا هوبي علي الموضوع
انا بيضايقني ان ممكن بنت تكون ماشية وولد يقرب منها فا هي تخاف وتعبد ويعملها بهزار وسخافة
بس حتتة المساوة ديه مش عجباني دة زوقيات انك اي ولد يقو عشان بنت مش عشان حاجة مهمة او لا
شكرا علي موضوعك

[l-lo0oBy]

وانا معاكى فى رأيك
شكرا على تواجدك الكريم