؛؛؛؛ نيـــــــــــيرو ؛؛؛؛
موضوع رائع بيعطينا الفرصة علي إنتقاد الجوانب السلبية التي تنمو في مجتمعنا و نعاصرها في حياتنا
الحقيقة كتير من الظواهر الغير مرضية موجودة في حياتنا ولا يمكن إنكارها بأي حال من الأحوال ، و لكونك حددتي الحديث عن ظاهرة واحدة من ممكن كل عضو يتكلم عنها فأنا بحاول بقدر الإمكان أتكلم عن ظاهرة في غاية الحساسية من وجهة نظري .
*** التواصل الإنساني ***
ممكن أن يختلف المسمي من فرد لآخر لكن في النهاية المقصود هو عنصر واحد
زمان كان الجار بيسأل علي جاره
بمعني إنه كان هناك نوع من التآلف و الإندماج ما بين الجيران بل المنطقة بأكملها ..... أقصد إن التعامل ما بين الناس في المنطقة الواحدة أو الشارع الواحد كان كله حب و ألفة و رحمة و مودة ....دلوقتي الجار بقي جنب الجار و مايعرفش عنه أي شئ كله مشغول في حياته و حاله ....الناس بقيت مش طايقة بعضها ... سمعت في حكاوي الناس الكبار في السن إن لما جار كان بيكون عنده أكله معينة صرف النظر هي إيه ، كان معظم الشارع بيشاركه فيها يعني بمعني أصح كل بيت بيكون فيه أكتر من صنف من الأكل بسبب إن الجار بيجامل جاره .. الفكرة مش في الأكل ... الفكرة في المضمون اللي ورا القصة دي .. الفكرة في إن لما كان بيبقي واحد من الشارع تعبان مثلا بيبقي الشارع أو المكان كله واقف جانبه و كله بيحاول يساعد ... بمعني مشاركة أهل المكان الواحد أو المنطقة الواحدة بعضهم في الأفراح و الأحزان ....
لكن الظاهرة الموجودة دلوقتي علي علي عكس ما سبق تماما
.. ياتري إيه حصل للناس؟ طبعا لو فضلنا ندور عن إجابة بجد مش هنوصل ..لأن ممكن واحد يقول الغلاء في الاسعار و واحد يقول سياسة البلد و واحد يقول الهموم و المشاكل ...كل ده من وجهة نظري مش جوهر المشكلة ..... لأن دي طبيعة إنسانية يعني غريزة و طبع ... الظروف ممكن تأثر بشكل كبير بس مش ممكن تزيل بصورة جذرية كده ... فعلا الوضع بقي صعب .
شكرا نيرو علي الموضوع
وفقك الله
العرض العادي
