جامعة القاهرة- 1968
تدق ساعة الجامعة الشهيرة معلنة تمام الثالثة عصرا، يخرج د."أنور" من قاعة المحاضرات، وقد انتهى الوقت المخصص له، ويبدأ الطلاب في التزاحم حول الباب في نظام واضح ليخرجوا خلفه، "ليلى" هذه الطالبة الشطورة الناجحة، تقف محتضنة كشكول المحاضرات، وهي ترتدي ملابس "أنثوية" رقيقة تليق بـ"بنوتة".. جيب رمادي طويل واسع مربوط عليه حزام أسود عريض، وفوقه "بلوزة" بيضاء فضفاضة، وإلى جوارها يسير "أشرف".. مجدع ورجولة وشباب برضه.. يرتدي هو الآخر ملابس تليق بشاب جامعي.. بنطلون أزرق وقميص كاروه.. حاجة ظريفة يعني يميل على "ليلى" بابتسامة خفيفة وهو يقول: "نهـــــــــــــــارك سعيــــــــــــــــد"!
تومئ هي برأسها وتبتسم بدورها ابتسامة خفيفة وهي ترد:
"نهـــــــــــــــارك سعيــــــــــــــــد"!
يخرجان من القاعة وهما يتناقشان فيما ورد في المحاضرة، وينتظران الأتوبيس معا لفترة، حتى يأتي الأتوبيس الذي تستقله "ليلى" إلى منزلها.. "باي باي" متبادلة.. تركب "ليلى" الأتوبيس.. وينتظر "أشرف" أتوبيسه حتى إذا ما أتى.. "تشعبط" في الرفرف ليوفر ثمن التذكرة!
جامعة القاهرة- 2008
ينطلق صوت "هيفاء وهبي" من الموبايل وهي تغني "مش قادرة أستنى.. تيرارارا!" ليدوي في قاعة المحاضرات ،فينتبه د."أنور" لما جرى، ويحدد بدقة الجهة التي خرج منها الصوت، وبعد التهديد والوعيد، يعترف "أشرف" بأن التليفون تليفونه:
"معلش يا دكتور أصل كنت ضابط الموبايل يرن ع الساعة 3 الفجر عشان أصحى أذاكر فضرب الساعة 3 العصر.. سوري بجد!"
- "وظابطه على هيفاء وهبي ليه يا أستاذ"؟
- "ما هي الوحيدة اللي بأصحى لما أسمع صوتها يادكتور"!
تضج القاعة بالضحك، فيقرر د."أنور" إنهاء المحاضرة وهو مستاء، وقبل أن يخرج، يتزاحم الطلاب على باب القاعة في "فوضى" ويدفع كل واحد منهم هذا أو "هذه" من زملائه وهم يهتفون "مرواح مرواح"!، تميل "ليلى" على "أشرف"، لتتندر معه على ما حدث قبل أن تسأله:
"إيه رأيك بقى في الطقم الجديد بتاعي"؟
ينظر "أشرف" إلى ملابسها.. بنطلون برمودا ضيق، وتي شيرت قصير خفيف ذو فتحة كبيرة من أعلى وحزام ضخم غليظ يتدلى نصفه على الأرض.. يهتف :
"واو.. تحفة بجد.. شفتي بقى الطقم الجديد بتاعي".؟
تنظر "ليلى" إلى ملابسه.. بنظلون جنيز مقطوع من أكثر من جزء... وبلوزة "كت" فوق تي شيرت نص كم!، والحلو "شبشب أبو صباع" في القدم!
"يجنن يا "أشرف".. ظبتطه كده إزاي"
"خبرة يا بنتي.. خبرة.. لعلمك الشبشب ده بـ150 جنيه.. أمال، ده بلاستيك طبيعي! احكي لي بقى عاملة إيه مع الواد بتاعك"
"ده مغلبني.. شوف ياسيدي...................."
***
**لو سمحتو ممكن تركزو شوية على الملابس اللي بيرتديها طلاب الجامعة زمان ودلوقت..
أيوه غشو من فوق مافيش مشاكل
خدو بالكو.. عملتو مقارنة؟
إيه الفارق بقى؟
كبييييييييير قوي
قبل ما تتصورو انى جاية من زمن الأبيض والأسود و"نهارك سعيد" و"عمت مساء يا صاحِ"!
خلينى اقول إنى مع كل ألاشكال العصرية والتطور.. وأكبر دليل على كده انى موجودة فى المنتدى والانترنت.. مش بقراء سطور محفوره على الصخور والمعابد وأوراق البردي! يعنى متحضرة زى زيكو .......
وطالما اتفقنا على كده - أيوة اتفقنا - اكيد اتفقنا ..
مش كدا ولا اية ......
خلينى اسأل سؤال في الصميم
شايف أنت او انتى ملابس الطلاب في الجامعة "ولاد على بنات.. وبنات على ولاد".. م الآخر يعني.. تنفع؟!
.......................
مناسبة يعني لحاجة كده بيسموها "قداسة الحرم الجامعي" و"أهمية العلم"؟
لاحظو إن التطور- بلاش تطور خليها تغير- في ملابس الطلاب في الجامعة مصاحبه لتغير في السلوكيات.. "بص تاني على الجامعة سنة 68 والجامعة سنة 2008"..
ولكلام "ليلى"و"اشرف" اظــــن وضـــــح قصـــــــدى
*والتغير أمر طبيعي ولازم يحصل.. بس أنتو شايفين إن التطور في تعامل الطلاب – من ناحية الملابس- مع الجامعة إلى الأفضل أم إلى الأسوأ؟
يعني لما بنت تكون رايحة الجامعة.. -رايحة تتعلم بالمناسبة مش أي حاجة تانية!-واخدين بالكو ولابسة "بدي استومك" أو "برمودا" أو "جيب فوق الركبة" أو "بلوزة كت" أو "بنطلون جينز ضيق ماتعرفش لو لبسته هتقعله إزاي"،.. يبقى ده اسمه إيه ولا مؤاخذة؟ ويا سلام بقى على بنات بيلبسوا اللبس ده وهم كمان "محجبات".. ده على اعتبار إن شعرها هو اللي عورة ولازم يتغطى أما الباقي فـ"حلال"!
نفس الكلام مع الولاد..
تلاقي الواحد من دول "طول بعرض بارتفاع" ولابس بنطلون ولا مؤاخذة "ساقط" يعني مش على بعضه خالص، وممكن البنطلون يكون متقطع أو – عفوا- "وسخ" ويضحك ويقول لك "ده ديرتي.. موضة يا جاهل"!.. وممكن كمان تلاقيه رايح الجامعة بشبشب ايوة شبشب ويمكن يكون وبتاع"مديحة" ويقنعك إن دي الموضة في "بورتريكو" وإنك جاهل عشان ما بتسافرش كتير هناك!
*ده برضه اسمه إيه؟
هتقول ده بيحصل في جامعات أوربا وأمريكا
ماشي مش هنختلف..
*بس أولا.. احنا في مصر مش في أمريكا..
*ثانيا.. كل مجتمع وله تقاليده وقيمه.. والعلم عندنا له- أو المفترض يكون له- "هيبة" و"احترام".. يعني لا يصح أن تستقبل العلم وبنطلونك واقع على الأرض أو وأنت لابسة "بادي ستومك على هوت برمودا"!..
*ثالثا.. الجامعة – أي جامعة- في مصر لها خصوصيتها.. يعني اللي عاوز يلبس "مديحة" نفسها مش شبشبها واللي عايزة تعمل عرض أزياء لـ"ميني جيب المحجبات" أو "ذا بيست بادي ستومك".. يعمل كل اللي عايزه بره الجامعة حضرتك مش جواها.. محدش هيقول له حاجة.. دي حريته الشخصية.. مالنالش دعوة إحنا لكن في الجامعة "ستوب بقى.. إشارة حمرا"
*تفتكر إنا مزودها حبتين ولا كلامى صح؟
"وفي رأيك.."
*إيه السبب اللي مخلي كتير من الطلاب والطالبات
يتعمدوا يلبسوا ملابس "غريبة" و"شاذة"
وهما رايحين المحاضرات؟
................................
*هل ده تطور طبيعي لازم نتقبله؟
*ولا تحول إلى "الأوحش" لازم نغيره؟
*******************************
اسفة لو طولت عليكو......
**دا بقى استفتاء ومنتظرة اجابات وردود لانو موضوع مهم وصريح وموجود بالفعل ياريت الاقى ردود فعل منكم ومشاركات....؟
رحاب عوده بموضوع جميل جدا
اولا حمدالله علي سلامتك يارب تكوني بخير
وحشتنا مشاركتك
ثانيا الموضوع بتاعك
بجد موضوع جميل تحفه بيتكلم عن واقعنا اليوم
طيب نيجي لبتوع اليومين دول لان بتوع زمان ماعشتش معاهم غير في الافلام وفي صغري يمكن كانوا لسه مابقوش بالبهدله ده سوري يعني من اللفظ
طيب
في موضوعك ذكرتي عرض لميني ومش ميني بجد انا معايا في المعهد اكثر من كده والمشكله بقي ان الواحد مننا مش بيعرف يسكت والله بتقابلني شويه مواقف اذا كانت معايا او مع غيري
بس اكتر شيء بيضحكني الشاب اللي ماشي وبنطلونه نازل لحد ركبته تقريبا الوسط بتاعه واسع ومش لابس حزام والاخ عديم الاحساس ومش حاسس بحاجه خالص
طبعا انا ببقي ساعتها بضحك عليه وبحاول اوضح ليه بس بطريقه مش مباشره اكيد يعني لازم ماابينش احسن يضربني (
هههههههه
بس بجد رحاب والله بهدله بين شباب وبنات اليومين دول يعني دوروا علي الموضوه في التي شرت وسابو البنطلون
اقصد ان تلاقي الولد ولا البنت المتعايش في الموضوه وياعيني زي كلامك لابس طقم كامل متكامل وفي النهايه شبشب المشكله مش في الشاب والبنت الاستايل العاري بس
لا في المحجبه الهانم اللي لابسه بنطلون ايه تقريبا ليكرا او فيزون زي مابيقولوا و5 او 6 بيكونوا واقفين جنبها وهي بتلبسه يروحوا جايين كل واحد من ناحيه شدين البنطلون يده حلوه تحصله عمليه توسيع البنت تدخل جواه يسيبوه ده من صعوبه الضيقه بتاعه البنطلون وفي قلعه برده اكيد بيحصل اكتر حاجه متعبه والله
والبادي اللي لابساه معلش يعني ده واقع انا بشوفه بيكون شفاف بس مش قوي يعني علشان مانظلمهاش ومبين بلاوي ويعيني علي الساقعه اللي هي عايشه فيها بس تعمل ايه مضطره علشان تشد انتباه للموضه
ده كله كوم
واللي ظهر جديد كوم تاني خالص
سوري المنقبات
والله العظيم كنت في معهدي في شارع الهرم ففي بنت منقبه وانا واقف
وتقريبا سادد الطريق المتبقي بعد زحمه الطلبه
اسمع صوت ممكن اعدي شفتها اختشيت علطول وزقيت العيال علشان تعدي وانا باصص بعيد اسمع تعليقات من اصحابي ابص ويارتني ماعديتها
والله العظيم لبس مش بتاع منقبه خالص العباءه اللي لبساها مفتوحه من تحت الله اعلم يمكن من التقديم في المشي اتفتحت طيب علي الاقل يكون فيه جورب مافيش والكعب عالي اوكـ النقاب يكون علي خمار بحيث يكون اامن واكثر وقايه
لا العباءه ضيقه قوي
يعني من الاخر التضاريس كلها واضحه
اكيد ادام حاجه زي كده معظم الشباب ماسكتوش انا مااتكلمتش بس بصيت وعرفت ده كله وطبعا ماكنتش وصفتها لو ماكنتش بصيت
ربنا يسامحنا
وغير كده وكده اللي معايا بس ده قال ايه بتقولي اصل بابا مصمم اني البسه
طيب ليه يجبرك او جبرك خلاص يبقي اعملي بيه
ترد سوري محمد انت زي اخويا بس معلش مش هاينفع اتكلم معاك في الموضوع ده
بس بجد من غير زعل
ههههههههههه
مجبوره
ويسمح ليها بمعهد خاص
ههههههههههه
بلاوي والله
شكرا لكـ رحبا علي الموضوع
وحمدالله علي سلامتك مره تانيه
انا كل خوفى بس تكون مديحة مفترية وبتضرب ويكون شبشبها دا كعبو عالى فابعدينى عن مديحة لحسن تختم بتربنة وامشى فى الشارع اقول انا حسحس الى جنن الستات هههههههههههههههه بشكرك على موضوعك الجامد دا بس سؤال اخير تعرفى مديحة شخصيا هههههههههههههه
رحاب عوده بموضوع جميل جدا
اولا حمدالله علي سلامتك يارب تكوني بخير
وحشتنا مشاركتك
ثانيا الموضوع بتاعك
بجد موضوع جميل تحفه بيتكلم عن واقعنا اليوم
طيب نيجي لبتوع اليومين دول لان بتوع زمان ماعشتش معاهم غير في الافلام وفي صغري يمكن كانوا لسه مابقوش بالبهدله ده سوري يعني من اللفظ
طيب
في موضوعك ذكرتي عرض لميني ومش ميني بجد انا معايا في المعهد اكثر من كده والمشكله بقي ان الواحد مننا مش بيعرف يسكت والله بتقابلني شويه مواقف اذا كانت معايا او مع غيري
بس اكتر شيء بيضحكني الشاب اللي ماشي وبنطلونه نازل لحد ركبته تقريبا الوسط بتاعه واسع ومش لابس حزام والاخ عديم الاحساس ومش حاسس بحاجه خالص
طبعا انا ببقي ساعتها بضحك عليه وبحاول اوضح ليه بس بطريقه مش مباشره اكيد يعني لازم ماابينش احسن يضربني (
هههههههه
بس بجد رحاب والله بهدله بين شباب وبنات اليومين دول يعني دوروا علي الموضوه في التي شرت وسابو البنطلون
اقصد ان تلاقي الولد ولا البنت المتعايش في الموضوه وياعيني زي كلامك لابس طقم كامل متكامل وفي النهايه شبشب المشكله مش في الشاب والبنت الاستايل العاري بس
لا في المحجبه الهانم اللي لابسه بنطلون ايه تقريبا ليكرا او فيزون زي مابيقولوا و5 او 6 بيكونوا واقفين جنبها وهي بتلبسه يروحوا جايين كل واحد من ناحيه شدين البنطلون يده حلوه تحصله عمليه توسيع البنت تدخل جواه يسيبوه ده من صعوبه الضيقه بتاعه البنطلون وفي قلعه برده اكيد بيحصل اكتر حاجه متعبه والله
والبادي اللي لابساه معلش يعني ده واقع انا بشوفه بيكون شفاف بس مش قوي يعني علشان مانظلمهاش ومبين بلاوي ويعيني علي الساقعه اللي هي عايشه فيها بس تعمل ايه مضطره علشان تشد انتباه للموضه
ده كله كوم
واللي ظهر جديد كوم تاني خالص
سوري المنقبات
والله العظيم كنت في معهدي في شارع الهرم ففي بنت منقبه وانا واقف
وتقريبا سادد الطريق المتبقي بعد زحمه الطلبه
اسمع صوت ممكن اعدي شفتها اختشيت علطول وزقيت العيال علشان تعدي وانا باصص بعيد اسمع تعليقات من اصحابي ابص ويارتني ماعديتها
والله العظيم لبس مش بتاع منقبه خالص العباءه اللي لبساها مفتوحه من تحت الله اعلم يمكن من التقديم في المشي اتفتحت طيب علي الاقل يكون فيه جورب مافيش والكعب عالي اوكـ النقاب يكون علي خمار بحيث يكون اامن واكثر وقايه
لا العباءه ضيقه قوي
يعني من الاخر التضاريس كلها واضحه
اكيد ادام حاجه زي كده معظم الشباب ماسكتوش انا مااتكلمتش بس بصيت وعرفت ده كله وطبعا ماكنتش وصفتها لو ماكنتش بصيت
ربنا يسامحنا
وغير كده وكده اللي معايا بس ده قال ايه بتقولي اصل بابا مصمم اني البسه
طيب ليه يجبرك او جبرك خلاص يبقي اعملي بيه
ترد سوري محمد انت زي اخويا بس معلش مش هاينفع اتكلم معاك في الموضوع ده
بس بجد من غير زعل
ههههههههههه
مجبوره
ويسمح ليها بمعهد خاص
ههههههههههه
بلاوي والله
شكرا لكـ رحبا علي الموضوع
وحمدالله علي سلامتك مره تانيه
اولاً بعتذر عن التأخر فى الرد وده لانشغالى بس اكيد راح تسامحنى يا محمد وبشكرك جداا جداا لانى عرفت رايك فى الموضوع واكييد انا بتفق معاك وبحترم وجهة نظرك وبدعى المولى عز وجل انه يكتر من امثالك ويعز مصر بأولادها الكرام الف شكر وتحيه لك ابو جوده
انا كل خوفى بس تكون مديحة مفترية وبتضرب ويكون شبشبها دا كعبو عالى فابعدينى عن مديحة لحسن تختم بتربنة وامشى فى الشارع اقول انا حسحس الى جنن الستات هههههههههههههههه بشكرك على موضوعك الجامد دا بس سؤال اخير تعرفى مديحة شخصيا هههههههههههههه
هههههههههههههههههههه تعال هنا يا حسحس يلى مجنن الستات اكيد بعرف مديحه وكمان اقدر اوصفلك شبشبها بس اخاف عليك تحسحس اكتر بشكرك جداا جداا على تعقيبك الظريف ده ولو انى كنت اتمنى اسمع رايك فى الموضوع يؤؤؤؤؤؤؤؤ قصدى رايك فى شبشب مديحه
شبشبب مديحة
.. عملتو مقارنة؟
......
(
العرض العادي
