راح فين الانتماء؟؟؟؟؟؟؟؟

[داليا]

ظاهره غريبه لكن للاسف انتشرت
هى ظاهره عدم الانتماء لبلدنا
يمكن فى مشكله ان كتير منا
مش بيفرق بين الحكومه والبلد
مش معنى ان الحكومه وحشه تبقى مصر وحشه
لان مصر مش مجموعه الافراد دول وبس
فى ناس هتقول اصل ظروف البلد وحشه
اوك انا معاكوا بس ليه مش نحاول
احنا نصلحها ونحاول نطورها ونخليها احسن
اصل مصر مش هتطلع مع نفسها هى ونيلها واهراماتها
وشوارعها وحضارتها وتحسن من نفسها
مش بتحصل عمرنا ما سمعنا دوله بتعمل كدا
الافراد هما اللى بيطورها ويخلوها احسن
انا عن نفسى شايفه ان بلدنا مش بالسؤ اللى
تخلينا نكرها
كفايه طبيه الشعب دا
كفايه حضارتنا اللى العالم كله بيتكلم عنها
ولغايه دلوقتى مش عارفين يكتشفوا اسرارها
كفايه اننا لاقين ناكل ونشرب ولاقين مأوى لينا
كفايه ان اسم مصر ذكر 5 مرات فى القرءان الكريم
الرسول قال ان فى مصر اعظم جنود الارض
فينا ميزات كتير مش عندا غيرنا
يعنى المفروض نكون فخورين بمصريتنا وببلدنا
ياريت كل واحد يقول رئيه ليه الانتماء للبلدى قل
وايه الحل عشان نرجعه تانى
وياترى مصر فعلا مش تستاهل ننتمى ليها

[نيروو]

اكيد انتمئنا لبلدنا ده شئ اساسى
ومصر بجد فيها حاجات كتيييير جدا كويسه وممكن نستغلها وهتفدنا جدااااا
بس المشكله ان كل واحد بيقول هو انا لوحدى اللى هقدر اغير البلد وبالتالى عزمته بتختفى ومبيعملش اى حاجه علشان بلده
وده اكيد حاجه غلط جدااااا
لازم كل واحد يبدا بنفسه والكل يكون كمان متعاون علشان نقدر نطور البلد ولما هنعمل حاجه علشنها فعلا هنحبها جداااااا
وبعدين الحكومه دى مش شئ بايدنا احنا بقى اللى نحاول نصلح البلد
تسلمى بنوته لموضوعك

[l-lo0oBy]

هو دا اللى عايزاقوله
مصر مش مجرد أشخاص بنبحهم او نكرههم
يعنى مفيش مجال اننا نكرهها
شكرا داليـــــــا

[الداعيه الصغيره]

بجد احسنتى الاختيار يعنى موضوع مهم جدا

احنا فعلا انتماء شبابنا قل لسبب بسيط اوى ان القوه الخارجيه قدرت تنفذ سياستها واحنا عشان بنضعف استجابنا ليهم وقدرو يضغطو علينا كشعب من الناحيه الاقتصاديه ولو بصينا على تاريخنا هنلاقى ان دى سياستهم من زمان .الحل بجد اننا مش نستسلم وكل واحد بدل ما يفكر فى ان هو لواحده اللى هيغير البلد ويكسر من ماديفه لا يفكر احسن انه يعمل اللى عليه تجاه بلده .لان فعلا تستاهل ننتمى ليها بناسها اللى عرفين واجبهم ناحيتها .يعلم ربنا بحبها اد ايه ونفسى الاقى تانى فى الجيل الجديد عرابى وسعد والناس اللى عملوا اللى عليهم وسابوا الباقى لينا ياريت نكون ادها .انا مهما قلت مش راح اوفى الموضوع ده فى تفاصيله .

تحيااتى ليكى داليا وتسلم ايدك وعقلك والروح الوطنيه دى .

[داليا]

المشاركة الأصلية كتبت بواسطة نيروو

اكيد انتمئنا لبلدنا ده شئ اساسى
ومصر بجد فيها حاجات كتيييير جدا كويسه وممكن نستغلها وهتفدنا جدااااا
بس المشكله ان كل واحد بيقول هو انا لوحدى اللى هقدر اغير البلد وبالتالى عزمته بتختفى ومبيعملش اى حاجه علشان بلده
وده اكيد حاجه غلط جدااااا
لازم كل واحد يبدا بنفسه والكل يكون كمان متعاون علشان نقدر نطور البلد ولما هنعمل حاجه علشنها فعلا هنحبها جداااااا
وبعدين الحكومه دى مش شئ بايدنا احنا بقى اللى نحاول نصلح البلد
تسلمى بنوته لموضوعك

وتسلمى حبيبتى لمرورك
واكيد كلامك صح لازم نبتدى من نفسنا

[داليا]

المشاركة الأصلية كتبت بواسطة hooby

هو دا اللى عايزاقوله

مصر مش مجرد أشخاص بنبحهم او نكرههم
يعنى مفيش مجال اننا نكرهها

شكرا داليـــــــا

بالظبط مينفعشى نكره مصر
وهى ملهاش ذنب فى ان
فيها رشاوى
منحسبهاش على حاجه ملها ذنب فيها
تسلم لمرورك

[داليا]

المشاركة الأصلية كتبت بواسطة الداعيه الصغيره

بجد احسنتى الاختيار يعنى موضوع مهم جدا

احنا فعلا انتماء شبابنا قل لسبب بسيط اوى ان القوه الخارجيه قدرت تنفذ سياستها واحنا عشان بنضعف استجابنا ليهم وقدرو يضغطو علينا كشعب من الناحيه الاقتصاديه ولو بصينا على تاريخنا هنلاقى ان دى سياستهم من زمان .الحل بجد اننا مش نستسلم وكل واحد بدل ما يفكر فى ان هو لواحده اللى هيغير البلد ويكسر من ماديفه لا يفكر احسن انه يعمل اللى عليه تجاه بلده .لان فعلا تستاهل ننتمى ليها بناسها اللى عرفين واجبهم ناحيتها .يعلم ربنا بحبها اد ايه ونفسى الاقى تانى فى الجيل الجديد عرابى وسعد والناس اللى عملوا اللى عليهم وسابوا الباقى لينا ياريت نكون ادها .انا مهما قلت مش راح اوفى الموضوع ده فى تفاصيله .

تحيااتى ليكى داليا وتسلم ايدك وعقلك والروح الوطنيه دى .

حبيبتى قلبى اسعدنى مرورك جدااااااااااا
وعجبتنى اوى فعلا نقطه ان دى سياسه خارجيه
حتى بنشوف قنوات فضائيه كتير تجيب عيوب مصر بس
وتهتم اوى بدا وتبروزه والكويس يتنسى وطبعا القنوات دى مدفوعلها
احيكى على تعليقك المميز

[the brave soldier]

بجد تسلمى داليا على الموضوع .......................
كأنك بتقرأى افكارى فعلا قولتى كل الى انا كنت عايزه اقوله البلد مش الحكومه وبس وكل بلد فيها سلبيات بس فى الاخر بلدك اسمك مصرى بلدك ليها موقع على الخريطه كل الناس عرفاها فيها ذكرياتك واهلك ويمكن بفتكر دلوقتى الجمله الى قالها عبد المنعم مدبولى لهانى رمزى فى فيلم عايز حقى قاله بيع البلد بس جرب بالفلوس تشترى بلد غيرها مش هتلاقى .............فعلا كانت جمله مؤثره جدا .
وفى وجهة نظرى ان الشباب الى بيقولوا ان البلد وحشه وبس وعايزين يسيبوها جبناء لان لما احنا نسيبها مين يصلحها وكمان ربنا هيحاسبنا لاننا مقلناش كلمة الحق وسكتنا عنها.
تعلاوا نبص للبلد بعين الحب ان دى بلدنا لو احنا مصلحناش الى فيها مين هيصلحها وعلى فكره الشعب المصرى من اقوى الشعوب احا قعدنا فى الاحتلال الانجليزى 70 سنه بس فى الاخر اتحررنا . (البلد دى احسن من غيرها لانها بلدنا ).

ومشكووووووووووووووره داليا على الموضوع الرائع والمهم جدا

[مسافر زاده الخيال]

تسلمى داليا على كلامك الى المفروض اننا كلنا كمصريين نعرفو ونعرف نفرق بين البلد والحكومة وصدقينى الافكار دى ضغط من الغرب على عقولنا زى ما حصل فى العراق وخلوها ترحب بدخول الاستعمار بلادها على امل انها هتحررهم اللعبة الى اتعوددنا عليها ولكن للاسف كل مرة بتحصل معانا ودا بسبب الغفلة الى احنا فيها وانشاء الله نصحى ونفوق بس ياريت مش بعد فوات الاوان
شكرا ليكى اختى العزيزة واتمنالك التوفيق دايما ودمتى للفرسان