القصه دى حصلت بجد واحب اخد اراكم فى الموضوع
القصة:
في مرة واحدة كانت مشتركة في منتدى ما تحت اسم مستعار زي بقيت الناس ..وبعدين اتقدملها واحد و اتخطبوا و بعدين في يوم من الايام واحد بيقولوا عارف فلانة على منتدى كذا قاله اه قالوا دي اسمها فلانة على الحقيقةو كاتبة موضوع جميل جدا و صادف انها كانت نفس اسم خطيبته و بعدين راح دخل على المنتدى و هو كان مشترك فيه و ماكنش يعرف ان خطيبته مشتركة في نفس الموقع و دخل ولقى ان معلومات اللي مشتركة هيا نفسها تطابق معلومات خطيبته ...فراح و سألها هوا انتي مشتركة في موقع كذا تحت اسم فلانة ؟؟ ....قالتله اه ...قالها و مش قولتيلي ليه ؟؟؟ قالتله عادي مش جات فرصة يعني و بعدين فين المشكلة اللي انت زعلان اوي علشانها ....قالها يا استاذة انا ما احبش اللي هتكون زوجتي تكون بتتكلم مع الناس و بتشارك على منتديات و تختلط بالشباب و بنات مش تعرفهم انا اسف جدا انا مش هكمل معاكي....
قالتله مش انت مشترك في نفس الموقع ؟؟؟(هوا كان قالها )......
قالها ايوة مشترك....قالتله و بتختلط بشباب و بنات ما تعرفهومش و بتبادلهم الكلام..؟؟؟......قالها ايوة ....قالتله و اشمعنى انت تعمل كدة و انا لا ؟؟ ....مع ان انا مش بتكلم و لا برد الا في حدود الادب و المسموح بيه....قالها انا راجل و اعمل اللي انا عايزة لكن انتي بنت و مش من حقك تعملي كدة....
للاسف كتير بسمع رجالة بيقولوا كدة ...يعني ايه علشان انا ولد و انتي بنت؟؟ ....ايه التفكير العقيم ده ؟؟ ...مش عارفة .. ما فيش حاجة اسمها علشان انا ولد يبقى اعمل اللي يحلالي ..و انتي بنت يبقى محرومة من كل حاجة...
انا عايزة اسمع رايكم و تجاوبوني على السؤال ده....
هل فعلا ممكن واحد يسيب خطيبته علشان هيا مشتركة في منتدى ما ؟؟ ...و لو الاجابة بايوة ليه يسيبها ؟؟عملت ايه يعني علشان يسيبها؟؟؟
بس كدة ياريت الاقي اراء من البنات و الرجالة و كل الناس
) 
