حصلك شيء نجوت منه باعجوبه؟؟؟ تعال واحكلنا

[zAiNaB 86]

السلام عليكم ورحمـة الله وبركاته



ازيكو يا احلى فرسان وفارسات...



انهارده مش عارفه

فكرت اني اعرف منكم اشياء يعني مواقف حدثت ليكو تخبرونا عنو وكده...



بس مش اي مواقف.....



بل مواقف غير عاديه...



بتحصل ومش تتكرر كتييير ومش ننساها بسرعه او حتى مش نقدر ننساها...



انتو عارفين اننا معرضين للمواقف ومعرضين خاصــة للـ حوادث...
واي شيء كتبه الله لنا بيصير ...
حادث بسيط او حتى حوادث كبيره ربنا يقيكم شرها ياااااارب...




بس في كتير من الناس بتنجو باعجوبه من حوادث
يعني مش تتعرض لـ حادث كان هيؤدي بمصيرها..!!



او في حوادث بنقول ياااه كنا هنروح فيها ونشوف اننا نجونا منه باعجوبه...


فـ من خلال هذا الموضوع عايزه اعرف
اذا تعرضتو لـ اي موقف او حادثه نجوتو منه وكيف....


انا عن نفسي نجوت كتيييييييييييييييييير!!! الحمدلله طبعا...

[BLuE]

هو كده الي بيبدى الموضوع يا زينب

انا نجوت كتيييييييييييييير

يا سلام و احنا فهمنا اييه ؟؟؟

ههههههههههههههههههههههههه

لما تحكي انتي الاول ابقا اجي و احكيلك انا حصلي و مش حتصدقي ان انا لسه عايش

حتقولي انا اكيد بكلم واحد ميت لا سمح الله طبعا

ههههههههههههههههههههه

موضوع جامد و انا اوعدك ارجع و اكتب


الى اللقاء

[zAiNaB 86]

ههههههههههههههههههههه
مش عارفه ليه كل ما اعمل موضوع تقولولي ابدئي الأول
طيب ماشي.. هقلك...

اذكر طبعا في صغري بجد يعني..
كان عندي تقريبا 7 ولا 8 سنين كده ركبت طاولة طويله
و وقعت منها وعلى بطني!!!! وبجد شفت نفسي نايمه على الأرض وعلى بطني
وماحسيتش بألم ولا حاجه سبحان الله لـ دلواتي مش عارفه ايه اللي حصل غير اني بشكر ربي اني محستش بألم ولا صارلي اي حاجه قمت كده عادي كأنو محصلنيش شيء..

تاني شيء متذكرة هو قبل سنتين تقريبا كنت بمشي في المركز المدينه لقيت بنات خالاتي اللي مشفتهم اسابيع كنت فرحانه اني قابلتهم تاني بس لما كنت عايزه اروحلهم شفنا بعض من رصيفين مختلفين وبينهم شارع هما كانو مبتسمين وانا ماشيه ليهم وكنت عايزه اقطع الشارع عشان اروح الرصيف التاني ومن غير ما اشوف يمين ولا شمال يعني مشيت من كتر فرحتي كده على طول واذا بـ باص كبير ابو طابقين(تعرفو باصات انجلترا الحمره كده) كانت ماشيه ودعس السواق المنبه والفرامل كتييييييييير وانا انتبهت بس ماقدرتش اعمل شيء لأني حسيت خلاص فات الأوان بجد كانت قريبه مني اوووي وانا ماشيه بنفس السرعه يعني بطيئ اووي وانا بشوف الباص كده تخيلو الموقف وبعدين لما خطيت خطوة للرصيف كده عدا الباص اللي ماقدرش يضغط على الفرامل اكتر من كده.. يعني بجت نجوت بطريقه غريبه وبعدها طبعا بنات خالتي قالو ياااه ليه كده بجد كنتي هتروحي فيها حمدلله على السلامه وانا اقولهم اه مش مصدقه كان قريب مني ازاي الباص ده وفعلا عديت...

والحادثه التالته هي من اسابيع كده.. كنت نازله من الباص بس الباص موقفش عند الموقف بل كان مضطر انو يمشي على طول فـ وقف عند شارع شويه بعيد عن الموقف وفتح الباب وقالي تقدري تنزلي على فكرة كان على الشارع وانا قولتو ماشي مشكور لأنو الشارع كان مزدحم فـ كان هيوصل للموقف بعد ساعه كده.. المهم كنت عايزه انزل بس وانا على وشك اني انزل يعني تقريبا نزلت من درج الباص صرخ السواق لأنو شاف من عند النافذه الصغيره جنب الباب دراجه ناريه جايه مسرعه كده وصرخ وقالي استني لكن كان فات الأوان انا نزلت بس ما خطوتش لأنو اذا مشيت كانت هتنصدم بيا لكن توقفت وشفت ورايا يعني للباص عشان افهم ليه صرخ لكن على طول الدراجه مرت من عندي مشرعه قريبه اوووي وبعدين دورت وشي وشفت الدراجه وبعدها فهمت ليه صرخ الراجل... لأنو من السرعه بتاعت الدراجه ومن تقريبا فوات الأوان لأني كنت تقريبا نزلت من الباص ما عرفتش ليه صرخ السواق ، بعدها شكرت للسواق وانا ماشيه في الشارع وهو كان بيبتسم كأنو بيقولي حمدلله على السلامه!

وبس دول المواقف اللي متذكراهم دلواتي..
واذا في شيء تاني تذكرت هبقى اقولوكو

يلا يا بلو خبرنا عنك.. كل المواقف...
وحمدلله على السلامه مقدم....

[fr3oon10]

زينب شكرا على الموضوع الجميل ده

وابقى خلى بالك وانتى ماشيه فى الطريق

ربنا يكفيى شره يا بنتى هههههههه

احسن انتى ليكى صولات معاهم وخايف عليكى

[ملـ الحب ـك...ولكن حزين]

شكرا ليكي يا زينب علي الموضوع

وثانيا ايوة مش انتي صاحبه الموضوع لازم تحكي الاول

موضوع حلو

مرة حصلي موقف كنت مأجر عربيه انا وواحد صاحبي الكلام ده قبل امتحانات 2 كليه الترم التاني باسبوع بالضبط وكنا ماشين علي السريع عند الاستاد

وصاحبي ساعتها اللي كان سايق عدينا من جمب عربيه سوزوكي اخدنا الشمال لقينا مرة واحده 2 نطو من قدام العربيه السوزوكي وخبطناهم وانا كنت قاعد قدام

مرو واحده لقيت حد كسر القزاز اللي قدامي وبقيت مرعوب وخايف وقفنا العربيه ونزلنا شفنا فيه ايه واتصلنا بالاسعاف وصاحبي قالي خد اركن العربيه ركنتها ودي اخر مرة انا فاكر شقت فيها عربيه من ساعتها بقيت بخاف اركب مش اسوق حتي وانا مسافر رايح اي مكان كنت بكون خايف ومرعوب وايدي علي قلبي وقعدت فترة مش اركب عربيات خالص

المهم ده موقف فاكرة ومش هنساه والحمدلله عدي علي خير

شكرا يا شويش زيزي علي الحاجات الغم اللي بتفكرينا بيها


لو افتكرت اي موقف تاني هاجي واحكي

[zAiNaB 86]

فرعون ههههههههه تسلم على الدعاء والاهتمام وانا مش بايدي والله يعني مش قصدا انا معظم الوقت بحسب لما بمشي بس دول حاجات نادره حصلتلي ومش حسبت ليها بأمر من الله..


ملك الحب حمدلله على السلامه وبجد انا زيك مش بحب العربيات خالص لأني بخاف من الحوادث وبرضو مش بحب الطيارات .. تسلم على المشاركه

تحياتي لكـمــا

[سحاب الحب]

شكرا زينب على الفكره الجمليه دي

الموفق اللى حصلي...بجد غريب اوي انا فى يوم كنت عند واحد صحبي عندهم البيت 6 ادوار وفى اليوم ده كانو بيصلحو موسير السباكه فى المسقط عندهم وانا كنت واقف معهم تحت والناس شغاله وابو صحبي ربنا يكرمو كان حطط قالب طوب على موسير السباكه فى اخر دور علشان مفيش حاجه تسدها وانا واقف تحت فى المسقط والناس شغاله حركو الموسير وانا كنت قعد نص قعده على رجلي كدا ومره وحده لقيت قالب الطوب نزل على رجلي وبصرحه محستش بحاجه غير بعد لما فوقوني لقيت الراجل بيقولي آحمد ربنا انو منزلش على دماغك كان زمانك ميت قلتلو الحمد لله على كل شئ

[m3_soliman]

موضوع جامد



انا باة مرة كنت طالع فوق شجرة وحبيت اطلع كمان وبعدين مسكت فى فرع كان اتكسر بى وقعت من على بعد حوالى 5 متر
بس الحمد للة صوباعى بس اللى اتكسر