قبل كل عيد كبير لازم يحصل حاجة كبيرة فى مصر حادث جامعة الازهر فى الشرقية

[abou-goda]

شب ظهر اليوم السبت 8/12/2007 م حريق كبير نتج عن ماس كهربائي مما أسفر عن انهيار جزئي بسقف أحد المدرجات بكلية الدراسات الإسلامية بجامعة الأزهر بالزقازيق مما أسفر عن عشرات الجرحى والقتلى بين صفوف الطالبات جراء التدافع للهروب من الحريق أو الإنهيار .



وقد هرعت قوات الأمن وسيارات الإسعاف والمطافي إلى كلية الدراسات الإسلامية المجاورة لفرق الامن المركزي بأطراف مدينة الزقازيق .



وذكر شهود عيان أنه حدثت حالة من الهستيريا الجماعية انتابت الطالبات مما دفع البعض منهن بإلقاء أنفسهن من خلال النوافذ والشرفات الموجودة بالمدرج القابع بالطابق الثاني .. الأمر الذي سيزيد من الكسور بين الطالبات .



وأكدت مصادر داخل المستشفى الجامعة وقوع 5 وفيات حتى الآن بين الطالبات، في حين يوجد 7 طالبات بالعناية المركزة الآن ، عدد من الحالات الحرجة قدر بثلاثين حالة على الأقل معظمها تعاني من الكسور، وعدد كبير جدا من الطالبات مصابات بصدمة عصبية يصل لنحو 100 طالبة .



فالطالبة رشا – بالفرقة الأولى بكلية الدراسات الإسلامية – أصيبت بصدمة عصبية أفقدتها القدرة على الكلام وذكرت لنا ما شاهدت بالكتابة ، في حين أخبرتنا الطالبة مديحة – بالفرقة الثالثة – ومصابة بكسر في عظم الكاحل أنها أصيبت أثناء التدافع على السلالم .



وقد ذكر عدد من الطالبات أن طالبات الفرقة الأولى والثالثة بكلية الدراسات الإسلامية قسم الشريعة لاحظن حدوث اهتزاز شديد بالتيار الكهربائي ( رعشة ) تبعها انقطاع للتيار بالكلية .



وأفاد المراسل من داخل المستشفى الجامعي أن الأسرة داخل عنبر قسم العظام وقسم الجراحة قد امتلئت ويوجد طالبتان على كل سرير في حين أخليت بعض الأقسام تحسبا لنقل المزيد من الضحايا .




كل قبل عيد كبير لازم يحصل حاجة فى مصر


مرة عبارة


مرة قطار

مرة اتوبيس حجاج


مرة مدرج

يعالم


السنة الجاية ايه

اغلاق باب المستشفى امام الاهالى

تجمع من الأمن يحاول منع التدافع خارج بوابات المستشفى

[داليا]

لا حول ولا قوه الا بالله
الاهمال كالعاده
سبب كل الكوارث
شكرا يا ابوجوده
وبجد مش لاقيه كلام
بس الله يكون فى عون الاهالى

[abou-goda]

ونعمه بالله
بنوته هانعمل ايه ده قدر الله
لكن اكيد احنا كمان السبب في اهمالنا لما نكون عاملين كل شيء بضمير ويحدث مثل هذا مش هايبقي فيه اي عتاب لان ده قدر الله
لكن لما نكون مهملين نقول قدر الله برده
اكيد نقور لكن نقول احنا مهملين في كذا وكذا

شكرا لمرورك يابنوته وفي انتظار مشاركاتك الرائعه :">

[batchy_mix]

§¤~¤§-- أبــو جــودة --§¤~¤§

أنا شوفت نقاش بالصدفة عن الحادثة في التليفزيون

فعلا حاجة تحزن

وكلنا فعلا مجتمعين علي إن ده إهمال كبير جدا
والإهمال ده ترك لنا ضحايا
كل ذنبهم إنهم خارجين يطلبوا العلم

بس ياريت عقاب الإهمال ده يكون علي قدر الخسائر المسبب لها
وتمنياتي إن الذين سيقع عليهم العقاب يكونوا فعلا المهملين الحقيقين . وليس عامل أو فراش يروح في الرجلين وخلاص

شكرا علي طرحك يا أبو جودة

وفقك الله

[داليا]

عمر ما سبب الاهمال بيتحاسب فى بلدنا
ما حادثه قصر الثقافه فى بنى سويف
ايه اللى حصل ولا حاجه
والناس نسيت
وبقى مجرد ذكرى دا اذا تذكرناها اصلا
يا ابوجوده مش انا اللى اقدر اقولك مين سبب الاهمال
لانى معرفش واللى هيعرف مش هينطق
كالعاده يعنى