@@ حدوته كل مصـــرى @@ الغــــاء الدعـــم

[l-lo0oBy]

شهرزاد والشاطر حسن حدوتة كانت ع لسان كل مصرى وعربى ايضا

دلوقتى الحال اتغير سبحان الخالق مغير الاحوال تقعد ع كافى شوب يقوله

حدوته جديده تقعد فى شغلك نفس الحدوته تركب تاكسي نفس الحدوته

تقعد مع صحابك نفس الحدوته طبعا الحدوته معروفه الغاء الدعمـ من الحكومه المصريه

الدعمـ كان ع العيش والانبوبه وع السكر وع حجات كتير فى مصر والحكومه المصريه قالة ان الدعمـ لمـ يوصل للجمهور

بسبب جشع التجار وهيكون البديل 250 جنيه لكل اسره مصريه

الدعمـ لمـ يوصل للجمهور لـــ250 جنيه هيوصله للجمهور دا فى الحلمـ

لحد الان لمـ اصدق هذه المعلومه وبقول اشاعه بس لو حصل فعلا من اول السنه ايه اللى هيحصل

فى الشارع المصرى الانبوبه 28 جنيه السكر 10 جنيه العيش 50 قرشا هيكون ايه اللى بيحصل فى الشارع المصرى

دا السؤال اللى انا عايز منك رد فيه

ده كاريكاتير لمصطفى حسين في جريدة الأخبار

وبيتساءل

هل تفكر الحكومة في إلغاء الدعم؟!





طبعا مقصود إن الحكومة بالشكل ده لو فكرت في إلغاء الدعم هتشيل آخر شيء كان بيستر الإنسان المصري الغلبان وبيعيشه مستور

تقريبا الإنسان المصري الغلبان لو كدة بالشكل ده مش هيقدر تاني يعيش مستور..أو عيشة مستورة


معرفش

الموضوع منقول من كام مصدر (( مش لكاتب واحد يعنى ))

[maroo]

هنقول ايه حسبى الله ونعم الوكيل ومشكور اخ ايهاب

[batchy_mix]

هووبي ؛؛؛؛؛؛؛؛؛؛؛

الله عليك بجد تسلم علي الموضوع

والله فعلا مافيش حد في مصر ما بيتكلمش علي موضوع إلغاء الدعم

وعجبني جدااا جدا

الكاريكاتير بتاع أستاذ مصطفي

رائع
تعبيره هايل

بس في حاجة يا إيهاب لسه قارئ موضوع بيقول إن سيادة الرئيس

بينفي صحة الخبر

بتمني فعلا يكون الخبر ده صحيح

بشكرك مرة تانية علي إثارتك النقطة دي

وربنا يكون في عوننا جميعا

سلمت أخي

[l-lo0oBy]

شكرا ماور على مرورك

[l-lo0oBy]

المشاركة الأصلية كتبت بواسطة batchy_mix

هووبي ؛؛؛؛؛؛؛؛؛؛؛

الله عليك بجد تسلم علي الموضوع

والله فعلا مافيش حد في مصر ما بيتكلمش علي موضوع إلغاء الدعم

وعجبني جدااا جدا

الكاريكاتير بتاع أستاذ مصطفي

رائع
تعبيره هايل

بس في حاجة يا إيهاب لسه قارئ موضوع بيقول إن سيادة الرئيس

بينفي صحة الخبر

بتمني فعلا يكون الخبر ده صحيح

بشكرك مرة تانية علي إثارتك النقطة دي

وربنا يكون في عوننا جميعا

سلمت أخي

بس أنا فعلا شوفت كام مسؤول فى أكتر من مره بيتكلموا عن الموضوع دا
واقتراب تنفيذه وسمعت انه اطبق فعلا فى بورسعيد
بس التعويض كام بالضبط محدش عارف
كل واحد بيقول رقم

وعموما لو اتنفذ حيبقى فاشل فاشل فاشل
تسلم ياباتشى
شكرا على تفاعلك

[داليا]

اكيد فاشل لان ال 250جنيه ساعتها ولا هيعملوا حاجه
انا مش فاهمه الحكومه بتعمل كدا ليه
ليه عايزه توصل الشعب لمرحله الانفجار
بجد الناس تعبت لا الفقير قادر ياكل ولا حتى الطبقه المتوسطه
بقت قادره برضو تعيش
هما عايزين يجيبوا اجل الشعب المصرى بدرى باين
هيموتوهم من الجوع
وانا فعلا سمعت ان فى مناطق بقى سعر الانبوبه ب 28 واحتمال تبقى بحاجه واربعين يعنى الناس حتى لو قدرت تجيب الاكل مش هتقدر تطبخه
بجد شئ محزن لما بلدنا تعمل فينا كدا
وبيتسائلوا ليه جرايم القتل والسرقه زادت
ماهو من اللى معمول فى الناس
لازم بجد يبقى فى موقف من الناس لو دا حصل
لان السكوت مبقاش ينفع

[l-lo0oBy]

ههههههههه
بتحبى انتى الحكومه اوى يابنوته ههههههه

هى حاجه فعلا تخنق اوى
دا احنا حنشحط بعد كده هههههههه
شكرا على تفاعلك يابنوته
نوريتنى

[داليا]

طبعا ياهوبى بعشق حكومتنا
هى فى زيها فى الدنيا
حكومه انما ايه ما شاء الله
بتنصب وتنهب وتخاف وكل اللى انت عايزه
فى حكومتنا الرائعه دى
هو احنا لسه هنشحت
ما نص الشعب بيشتغل شحاتين حتى اللى بيشتغلوا
بيشتغلوا بعد الضهر فى الشحاته

[l-lo0oBy]

طبعا تحت كامل مسؤوليتك الكلام دا
انا مليش دعوه ههههههه
براحه يابنتى شويه
نورتى تانى