السلام عليكم
وحشتونى اوى اوى اوى طبعا يا جدعان كلنا سقعانين الجو اتقلب وبقى ايه تلج هههههههههههههههه بما انى فى وجه بحرى اشعر ببرد قارس يعنى مثلا انا كنت فى القاهرة امبارح وكان الجو الى حد ما دافئ اول لما رجعت المنصورة حسيت ببرد فظيع المهم الحمد لله على كل شئ بقولكم ايه عليكم وعلى العدس حلو فى الشتا وهو بيدفى
بما انى طبيعه شغلى كل يوم فى حته اكيد بشوف اشكال والوان من البشر وبشوف تصرفات البشر مع بعضيها ويمكن ساعات مش بتعجبنى تصرفات ناس كتيرة بس مش تزعلوا منى انا بحب اتكلم بصراحة يعنى احنا اتعودنا من المصريين على الجدعنه يا خواتى ركبت مثلا المترو امبارح ولسوء حظى كنت فى عربيه الرجال اقولكم ايه يا خرابى على الزحمة بس الى كنت اعرفه ان مثلا لما واحد بيشوف بنت واقفه او راجل كبير او ست كبيره واقفه كان بيقوم هو وبيقعده او بيقعدها اممابرح لا حياه لمن تنادى ماعلينا هنقول ايه معلش محدش شاف مش مشكله
تيجى نركب مواصله تانيه او تمشى فى الشارع او تدخل النادى او تروح اى مكان تلاقى الكبير والصغير حاطيط سماعتين فى ودنه ومشغل يا اما الامبسرى او الامبى فور او حتى التليفون وبيسمع وخلاص كله ماشى شارد محدش حاسيس ولا سامع حد ده حتى سواقين التاكسيات تلاقيه مشغل الكاسيت وحاطيط سماعه الامبسرى فى ودنه تناقد غريب طيب بزمتكم هيسمع صوت الكلاكس بتاع الناس ازاى ونرجع نقول ودانا باظت من ايه عارفين الناس بتدور على اى حاجة تشغلها اى حاجة تلهيها عن التفكير الى يشغل امبسرى ولا موبيل ولا حتى وكمن اهو يهرب مش عايز يسمع لاى حد ولا عايز يسمع حد يشتكى ولا حتى مش يشتكى كله شايل هم وماشى والله صعبان عليا حالنا والله
نيجى بقه لاصحاب الشركات الخاصه لما صاحب الشغل من دول يلاقى الى معاه فى الشغل شغال تلاقيه يستنزفه يخلص عليه طيب ماهو ممكن يشجعه يستغل الحاجة الحلوة الى جو الشخص الى معاه مش يستنذفه يعنى اكيد مش كل الناس كده بس فى جزء كبير اوى كده
نمشى شويه نلاقى الناس واقفه طوابير على العيش وقالو هنحل ازمة العيش ده حتى العيش صغر وحتى معدش بيشبع خالص
دلوقتى والجديد الطعميه الى هيا اكل الفقير تيجى تروح تشترى الطعميايه مش تكفيك مش تحس انك اكلت حاجة خالص ممكن تاكل ب 2 او ب 3 جنيه علشان تحس انك اكلت طعميه وكمان اصحاب المحلات بقيت بتسترخص وتروح تجيب الزيت بتاع المصانع بتاعت الشيبسى طيب هيعملوا ايه
والله انا بمشى فى الشارع جسمى بيوجعنى من مناظر الناس سعنى تلاقى واحد بصحته ولابس كويس وتلاقيه بيشحت بيصعب عليا والله انا مش عارفه احكيلكم ايه ولا ايه اديكم اكيد بتشوفوا المناظر واكيد انتم عارفين كل انا بكتبه ده بس انا حيت افضفض واهو بحكى ليكم على الى باشوفه ايه الى حصل لينا حد يقولى لو عنده اجابه ليه كل حاجة اتغيرت ليه كل حاجة اتبدلت فين النخوة فين خوفنا على بعضينا ليه بنهرب من بعض ليه بنحاول اننا نتوه وسط الزحمة ليه حد عنده اجابه ؟؟؟؟؟؟؟؟؟؟؟؟؟؟؟؟؟؟؟؟؟؟؟
