لو حصلك الموقف ده تعمل ايه او تعملي ايه ؟؟؟؟

[abou-goda]

مرة واحد ماشي في الشارع فقابل واحد تاني شكله مش على بعضه و مستعجل اوي و بيقول : ‏لو سمحت من فضلك قلعني الجاكتة

فالاولاني قال له : ‏نعم؟!!!

فالتاني قال : ‏قلعني الجاكتة بسرعة

حاضر.. ‏حاضر و راح مقلعه الجاكتة

لو سمحت بقه قلعني الكرافتة

إيه؟!!

الكرافته ..‏الكرافته بسرعة

حاضر.. ‏حاضر و راح مقلعه الكرافته و هو مستغرب اوي من الراجل الغريب ده : ‏ها يا سيدي اي خدمة تانية!!

اه .. ‏معلش فكلي زراير القميص

لااااا دانت زّودتها اوي .. ‏كده تاخد برد يقلب بنزلة شعبية حادة تاخد أجلك

من فضلك فكها .. ‏بسرعة .. ‏ارجوك

ُافففففف.. ‏وادي زراير القميص خلاص فكتها.. ‏دا كان يوم إيه المهبب ده, ‏ها أي

اوامر تانية؟

أيوه قلعني بقه القميص

يا سيدي عييب .. ‏مايصحش كده , ‏د إحنا فى الشارع خللي عندك دم .. .. ‏يا حول الله يا رب !!

أرجوك.. ‏أرجوك بسرعة.. ‏مافيش وقت

دي وقعت إيه المهببه دي, ‏أنا كان إيه إللي جابني من الشارع ده..‏وادي القميص ... ‏هاااا.. ‏إيه تاني!!

إرسملي على ظهري خطوط بالطول و خطوط بالعرض

حسبي الله و نعم الوكيل .. ‏إنت مجنون ياراجل أنت؟؟!!

من فضلك .. ‏أرجوك

رسمتلك زفت بالطول و زفت بالعرض

رقملي بقه المربعات إللي إتكونت على ظهري بالأرقام من 1 ‏إلي 40

يا صبر أيوووب .. ‏بقه إنت معطلني كل ده علشان تلعبني سيجه على قفاك؟!!!!

بسرعة لو سمحت .. ‏أرجوك رقمهم .. ‏من فضلك مش قادر

أديني رقمتهم...

لو سمحت بقى أهرشلي في المربع رقم 33 ‏!!!!


منقوووووووووول

[Love.For.Ever]

هههههههههههههههههه
لا حول الله يارب
الراجل كان زمانه روح وخدله دوش اسرع
من كل دا ههههههههههههههه
تسلم يا ابوجوده على الموقف الغريب دا

[tota]

تحفةةةةةةةة تسلم على النكتة الحلوة دى يا ابو جودة

[تملي معاك]

هههههههههههههههه
حلوه يا ابو جوده ده راجل معفن
هههههههههههههههه
تحياااتى لك

[abou-goda]

المشاركة الأصلية كتبت بواسطة Love.For.Ever

هههههههههههههههههه
لا حول الله يارب
الراجل كان زمانه روح وخدله دوش اسرع
من كل دا ههههههههههههههه
تسلم يا ابوجوده على الموقف الغريب دا

اه والله
بس نعمل ايه الوجع بقي
بس ماقولتيش تعملي ايه لو حصل ؟؟
شكرا لمرورك لوف

المشاركة الأصلية كتبت بواسطة tota

تحفةةةةةةةة تسلم على النكتة الحلوة دى يا ابو جودة

انتي اللي تحفه توتا
الله يسلمك
بس برده كنت عاوز اعرف هاتعملي ايه
شكرا لمرورك توتا

المشاركة الأصلية كتبت بواسطة تملي معاك

هههههههههههههههه
حلوه يا ابو جوده ده راجل معفن
هههههههههههههههه
تحياااتى لك

الاحلي مرورك تملي
بس الراجل مش معفن ده عاوز حد يهرشله في منطقه بعيده

[Love.For.Ever]

فى مكان مين بالظبط
اللى عايزه يتهرشلوه واللى بيهرش ههههههههههههههههههههههه

[abou-goda]

لا اللي يتهرشله
هههههههههه
اللي يهرش يالوف

[Mr.Medo]

هههههههههههههههههههههههههه
طيب ليه كل الدوخه دي
هههههههههههههههههههه
راجل عبيط فعلا
يسلموا يا عسل على الموضوع الرائع

[abou-goda]

ياه ياجماعه انتوا ظلمتوا الراجل
الراجل ده شكله وزير التخطيط
ولا ايه ياميدو
مش عبيط يعني
شكرا لمرورك ميدو
نورت الموضوع

[مسافر زاده الخيال]

انا لومنك اقولو ما يمشيش معاك المربع رقم 35 فكر وقولى هيقولك لا 33 قولو فكر بس هيقولك لا قولو خلاص ههرشلك فى المربع 30 المهم عزبو ولا اقولك ارسم على قفاه شجرة