ماذا قدم لك منتدى الفرسان<<<<شاركونا

[رحـاب]

موضوع يلزمه الصراحه والامانه والشفافيه
فمن يرى فيه هذه الصفات فليشارك فيه وليجب على سؤاله الوحيد
وهو :
ماذا قدم منتدى الفرسان لك شخصيا ؟
وللعلم : الموضوع ايضا يقبل اراء المشرفين والمراقبين ..
والله يرعاكم ويحفظم

[l-lo0oBy]

شكرا اخت رحاب على طرحك للموضوع
وأتمنى انه يعمل نوع من التواصل بين كل الأعضاء

وأنا عن نفسى أكيد اتعملت حاجات كتير من المنتدى
اولها لغه التواصل بينى وبين أى حد على حسب تفكيره

وطبعا استفدت بمعرفه ناس واصدقاء واخوات مفيش زيهم
وغير انى توسعت فى معرفه المعلومات
وغير كده كتير طبعا

شكرا اخت رحاب

[رحـاب]

شكراً ليك يا هوبى

ربنا يدوم عليكم الفرسان عمران بوجودكم وبنشاطاتكم

والحمدلله انى لقيت حد فى الفرسان استجاب لدعوتى

[abou-goda]

السلام عليكم ورحمه الله وبركاته
شكرا ليكي رحاب علي طرحك للفكره
والمنتدي قدم ليا انا اصدقاء واخوه كتير كويسين
غير استفاده علميه اوثقافيه او غيرها

[رحـاب]

abou-goda الف شكر وتحيه

لوجودك الجميل

وربنا يدوم علينا الفرسان

[داليا]

حلو اوى السؤال يا رحاب
والفرسان اكيد ادملى كتير
طبعا استفدت من المواضيع اللى بتتكتب
وعرفت حاجه مهمه اوى ان فى ناس ممكن
تمثل وان مش كل الناس ينفع نصدقهم
يمكن لانى متقبلتش مع الناس دى الواقع
فمكنتش اصدق انهم موجودين
اتعرفت على ناس كتير فى منهم اللى بقى اصحابى
وفى منهم اللى بعتبرهم اخواتى
يعنى يعتبر وسيله للتسليه
وانه شغلى وقتى
وطبعا اهمهم انى اتعرفت على اصدقاء حقيقين
تسلمى يا رحاب

[حكــ روح ــاية]

تحية خاصة من القلب قبل أي شئ لصاحبة هذا الموضوع الرائع
السؤال في مضمونه جميل جدا جدا ويستاهل أننا كلنا نجاوب عليه بكل صراحة ووضوح

المنتدي قدم ليا موسوعة كبيرة جدا جدا من الافكار والمعلومات الهامة وخبرات هائلة في شتي المجالات
المنتدي علمني معني الصداقة الحقيقية بين الاخوة والاصحاب
المنتدي علمني ومازال يعلمني أشياء كنت أجهلها في التعامل مع الأخرين
المنتدي ده كأن تاني منتدي أشارك فيه بمعني الكلمة ولولا تعلقي بالمنتدي ده وحبي له وتقديري لكل أعضاءه لما كنت ومازلت مستمر فيه حتي الان
المنتدي في كلام كتير عاوز أقوله عنه بس مش عارف أعبر عن كل الكلام اللي حاسس بيه

بس برده مننساش حاجة مهمة
أن ذي ما أحنا أخدنا وأستفدنا حاجات كتير من المنتدي
هو كمان أخد مننا أهم حاجة عندنا ( معلش انا بعتبرها أهم حاجة عندنا )
أخذ مننا الوقت الكثير وكل ذلك لمعرفة الكثير

وأخيراً

يخجلني دائما أني لم أقدم لمنتدي الفرسان شيئاً يذكر أو يوازي مااستفدناه منه

تحياتي لكي أخت

رحاب

[رحـاب]

تحياتى لكم يا اروع فرسان

شرف وفخر للفرسان تواجدكم فيه

وفى انتظار البقيه

[۞ عاشقة الفردوس ۞]

طرح رائع من أروع الفارسات

حبيبة قلبى رحاب

سؤالك هو السهل الممتنع

مهما رديت عليه او كتبت هحس ان اجابتى غير وافية

لكنى هاجتهد واجاوب بقدر المستطاع :

ماذا قدم منتدى الفرسان لك شخصيا ؟

طبعا الاجابة المنتظرة هنا انى اقول الاستفادة والمعرفة والعلم

لكن الحق يُقال هناك الكثير من مصادر الاستفادة والعلوم على النت وفى شتى المجالات وبمنتهى السهولة الوصول ليها وقد تكون اوثق وأصح كمان .

لكن اللى استفدته فعلا بصفة شخصية هى معرفة الناس

صراحة هنا فى الفرسان بجد لمست شخصيات مختلفة استفدت من بعضها بشكل ايجابى
وكمان استفدت من البعض التانى بشكل سلبى

يمكن عدم اختلاطى بالناس كتير فى الواقع مخلينى مكنتش اعرف انواع وتفكير بعض الاشخاص

هنا قدرت اعرف واتعلم ازاى اتعامل مع النوعيات المختلفة منهم

أقدر أقول هنا حبيبت واتحبيت وبقالى صديقات او بمعنى اصح اخوات افخر بيهم طول عمرى

وهنا اتظلمت وانجرحت واتعلمت اقابل الظلم بالعفو والجرح بالسماح

هنا عشت ما بين اخواتى فى اسرة تانية ليا

هنا لقيت اللى ياخد بايدى ويقف جنبى وقت شدتى

وهنا كمان لقيت اللى قدرت اخد بايديهم وقت ماكانوا فى امس الحاجة لحد يُقف جانبهم

يعنى أقدر أقول الفرسان بالنسبة لى حياة متكاملة بعيشها كل يوم بكل تفاصيلها ومقدرشى ماعيشهاش

تسلمى يا أحلى وارق رحاب فى الدنيا

دمتى حبيبتى بكل خير وسعادة