مواطن عادى من البلدى
يعنى واحد منكوا
واحد من الناس البسيطه
وزيى زيكوا حاسس بجوعكوا وفقركوا
وبحلم معاكم حلمكم والاهم من دا كلوا انى بحبكوا
بحبكم كدا كلكوا على بعضكوا
الفقير قبل الغنى الضعيف قبل القوى
العيل الصغير اللى اد كدا فوق دماغى
ابن حلال ابن حرام ابن كلب
فوق دماغى
بحبكم كدا كلكوا على بعضكوا
بطيبه قلبكوا واصلكوا بقله حيلتكوا وضعفكوا
بحبكم كدا كلكوا على بعضكوا
انا سالت نفسى سؤال
ايه حقيقه مشاعرى اتجاه البلدى
ياترى بحبها وبحبها من اد ايه ولاحابب فيها ايه
حابب طينه ارضها ولا طيبه شعبها
ولا تاريخها ومجدها
ولا كارهها ومش طايق اسمع اسمها
طب كاره فيها ايه
كاره خضوعها وضعفها
ولا فسادها وظلمها ولا يأس اهلها
ولا ايه ولا ايه
الجواب الوحيد اللى لاقيته جوا قلبى
انى بحبها وبحبكوا كلكوا كدا على بعضكوا
ونفسى اغير شكلكوا نفسى الاقى افقر فقير
ساكن فى قصره الكبير
نفسى اعمل حاجات كتير واهمها هى الكرامه
نفسى ارحم قفا المواطن من الاهانه
وما يتلعن تانى ابوه
دا كلام هانى رمزى فى فيلم ظاظا لما
كان مرشح نفسه لرئاسه الجمهوريه
وبصراحه عجبنى اوى الكلام
لان كل كلمه قالها كلنا بنحسها
امانيه نفسنا فعلا تتحقق
اتمنى الموضوع يعجبكوا
بحبكوا كلكوا كدا على بعضكوا
