نظرية الاحتمالات الحبية

[The_free_pen]

سلامو عليكو

أنا حبيت بس أبين وجهة نظرى فى مسألة الحب عموما

وعن نفسى انا بفكر احط لنفسى نظرية واسميها نظرية الاحتمالات فى الحب

بجد احلى حاجة فى الحب والاعجاب والارتباط لما تتعامل مع الامور بالوسطية

بمعنى انك تكون مدرك وواعى لجميع الاحتمالات اللى ممكن تحصل

سواء اكتمال لقصة الحب او انفصال عنها

لازم تكون حاطط كده فى دماغك اى موقف ممكن يحصلك

وعالاقل لو حاجة حصلت بالنسبالك مش هتبقى صدمة ويمكن تداركها بسرعة على عكس حاجة تكون مش متوقعة تماما وتحصل

و هتبقى بالنسبالك صدمة كبيرة

ومش معنى كده انك تفقد الثقة فى الانسان اللى قدامك

اكيد لا بس دى هتكون بالنسبالك امور داخلية

لحد مثلا مايحصل ارتباط رسمى ساعتها تقدر تدى ثقتك بدرجة اكبر

انما معتقدش ان الايام دى ينفع فيها ثقة عمياء

على وزن غباء

لانك مع الاسف لو فقدت الثقة فى الشخص الاولانى ده وحصلت اى ظروف لانفصال

فده ممكن يخليك تفقد الثقة فى كل الناس عموما

فبتهيألى ان كلمة ثقة عمياء دى بقت كلمة مجرد كلمة وبس

ممكن صاحبك نفسه يكون مواعدك بحاجة ومينفذهاش

ومع ذلك تكون انت مديله ثقة جامدة وكبيرة اوى

ده اكبر دليل ان الثقة عمرها مكانت مقياس للحب

ومش معنى انى انا وثقت فى واحد يعنى بحبه !!

احتمالات الحب المفروض تكون عارفها مسبقا

لان مفيش حب مهما كان مضمونة نتيجته النهائية بنسبة 100 فى المية

وبما ان هناك احتمال ولو ضئيل جدا لحدوث تغيير ولو بعد فترة او انفصال

وبما ان الثقة العمياء تساوى ايضا 100 فى المية

اذا لا توجد ثقة عمياء

وبفرض ان نتيجة الحب 100 فى المية تساوى نتيجة الثقة العمياء 100 فى المية

وهذا لا يحدث فى الواقع

اذا لا توجد ثقة عميـــــــــــــــــاء

وهذا المطلوب اثباته

احتمالات الحب انك تدى الانسان اللى بيحبك على قدر معرفتك وتعاملك معه فقط

وعلاقة الحب معرضة للاكتمال او الانفصال او الوقوف فترة ثم التكملة

فكل الاحتمالات دى المفروض الانسان يكون واخد باله منها وعارفه مهما كان الشخص اللى معاك

ومهما كانت علاقتك بيه

القلب نفسه دقاته بتتغير فتوقع ان اى حاجة ممكن تتغير



ياريت اعرف رأيكم ان شاء الله


ولنا عودة بعد الفاصل المطول
منقوووووووووووووووووووووو ووووول

[داليا]

وبما ان هناك احتمال ولو ضئيل جدا لحدوث تغيير ولو بعد فترة او انفصال

وفعلا كل حاجه بتتغير حتى الناس اللى بيحبوكى هتلاقى مع الوقت حبهم بيقل
متعرفيش ليه وممكن من غير اسباب غير انها طبيعه البشر
ولازم الانسان على طول يشغل عقله ويعتمد عليه فى كل حاجه واولهم الحب
عشان زى ما قلتى يبقى متوقع اى حاجه من اللى بيحبه فميتصدمش فى يوم من الايام بس المشكله لما العقل يسرح ويتوه منك غصبا عنك هنا المشكله
ان فى يوم نفقد السيطره على عقلنا وقلبنا هو اللى يسيطر عليه
بجد موضوع رائع ويستاهل النقل فعلا

[The_free_pen]

المشاركة الأصلية كتبت بواسطة بنوته زملكويه

وبما ان هناك احتمال ولو ضئيل جدا لحدوث تغيير ولو بعد فترة او انفصال

وفعلا كل حاجه بتتغير حتى الناس اللى بيحبوكى هتلاقى مع الوقت حبهم بيقل
متعرفيش ليه وممكن من غير اسباب غير انها طبيعه البشر
ولازم الانسان على طول يشغل عقله ويعتمد عليه فى كل حاجه واولهم الحب
عشان زى ما قلتى يبقى متوقع اى حاجه من اللى بيحبه فميتصدمش فى يوم من الايام بس المشكله لما العقل يسرح ويتوه منك غصبا عنك هنا المشكله
ان فى يوم نفقد السيطره على عقلنا وقلبنا هو اللى يسيطر عليه
بجد موضوع رائع ويستاهل النقل فعلا

شكرا لمرورك الطيب
غالبا بتبقى نظرية الاحتمالات دي سائدة لكن ده ميمنعش إن في استثناءات أنا من رأيي لو الحب ده في الله يعني مش متوقف على أي حاجة لا مصلحة مادية أو منصب معين أو جمال أو حاجة من الحاجت الدنوية الزائلة:الصداقة أو العلاقة مش هتتغير أو تفتر بمرور الوقت لإن الحب في الله ده حاجة عظيمة جدا لإنه بيبقى الطرفين فيها حريصين على العلاقة علشان يوم القيامة إن شاء الله يبقوا في ظل الله يوم لا ظل إلا ظله
وفعلا أأيدك وأقول إن الواحد مش عايش وسط ملائكة زي ما بيقولوا ولازم نتوقع أي شئ