دا انا عمرى ما قلت ان انا خايف
غير بعد ما قلبى اتمناكى
محتاج اطمن مش عارف
الخوف جويا وجواكى
دى جمله من اغنيه محمد منير خايف
الجمله دى لفتت نظرى اوى لانها
عكس ما الناس بتقول عن الحب
وانا الجمله دى مقتنعه بيها تماما
الناس كلها بتقول الحب امان ازاى نحس بالامان
واحنا طول الوقت خايفين
خايفين نزعل اللى بنحبهم
خايفين القدر يفرق ما بينا
خايفين من كل حاجه واى حاجه
خايفين يكونوا مضايقين من اى حد
خايفين يكونوا زعلانين او تعبانين
على طول بتسيطر علينا حاله من الخوف
يبقى فين الامان اللى بيقولوا عليه
وعلى فكره انا مش بتكلم
عن الحب بس بين الاحباب لا بين الاهل والاصحاب
بين اى اتنين بتجمعهم كلمه حب باى شكل من الاشكال
مش عارفه انتوا شايفين زى ولا ليكوا وجهه نظر تانيه
هو خوف ولا امان ؟؟؟؟؟؟؟؟؟
بنــــــــــــــوته زملكاويه
