خد الى بيحبك ( ياترى ايه رايكم )

[maroo]

بسم الله الرحمن الرحيم

السلام عليكم ورحمة الله وبركاته

انا جيت النهاردة جايه اجرى اجرى وبسرعه

وعايزة اسال كل بنوته حلوة ولو فى شباب

فى الموضوع مش مشكله انا عايزة اعرف رايكم

فى موضوع الرجاله الى شايفين نفسهم علينا ليه

الراجل لما بيحس ان الواحدة مننا بتحبه بيتقل عليها

اكيد احنا كده برضو بس مهما كان تقلنا عليه برضو

بنخ وبنخضع لكن هما حجر هل يمكن علشان احنا

اكتر رومانسيه بس برضو فى رجاله رومانسين

موت ولا يمكن علشان احنا فاضين ولا ايه الموضوع

العيب فينا ولا فيهم طيب ليه احنا لما نلاقى حد بيحبنا

بجد ليه مش بنعرف اد ايه ان ربنا وهب لينا وبعت

لينا حاجة حلوة وفى مقوله شهيرة تقولك خد الى بيحبك

ومتخدش الى تحبها ياترى ايه رايكم فى كلامى

عايزة نقاش الموضوع جامد ويستحق النقاش

[abou-goda]

السلام عليكم يشرفني اني اكون اول واحد ارد علشان اجي رائي بصراحه وياريت يعني تفهميها
حكايه الراجل اللي بيقول اتقل ومش اتقل
ده مش بيحب او ممكن يكون بيحب بس بيحب لغايه ما يعني مش بيحب الانسان ده زاد نفسه
فهماني
يعني مش المشكله انه قلبه حجر
لا الراجل بيتصرف بعقلانيه وبيعرف امته يعبر عن حبه وامته لا
اي انسان له قلب وبيحب وبيعضق وبيخاف بس حسب الظروف اللي تربي الشخص ده ممكنتخليه مايعرفش التفرقه بين الحب وغيره وكده يعني
بس صدقيني
كلامك ممكن يكون شكليا صحيح لكن فعليا لا لانك ماتعرفيش تفكير الراجل ايه
او هو بيتقل ليه اكيد شيء بيجعله بيحمل ده علي ده
وكده يعني
ياريت يكون كلامي مفهوم ووصلك
بس صدقيني الراجل عنده مشاعر قاتله قوي بس مين اللي تقدر تحصل علي قلبه وتطلعها منه

شكرا ليكي مارو وبدايه جميله لقسم رائع واتمني اشوف المزيد فيه

[zAiNaB 86]

اهلا حبيبتي... موضوع جميل وفكرة نقاش هادفه
وبتحصل اوووي... مش عارفه تركيبة دماغ الشباب
وليه بيعملو كده..ههههههه
بس اقدر اقولك انو في شباب بيحبو
يتعالو شويه ويحبو يتعبو البنت عشان يتأكدو 100000%
انو البنت بتحبو!!!
مش هقولك 100% لانو ده مش كافي ليهم هههههه

بطبيعة الحياة.... البنت اكتر رومانسيه لانها مليئة بالعواطف
اكتر من الشاب...
بس برضو في شباب رومانسيين...
لكن الافضل للبنت انها متكونش الأول اللي بيعبر بالحب
بل تخلي الشاب يعمل ده الأول
وتحافظ على كرامتها لانو ده مش مهنتها بل مهنة الشاب ههههه
ومش تكون ساذجه وتتصرف بعقلانيه شويه..


تسلمي حبيبتي على التوبك الجميل...
وانا مع ابوجوده اذا التوبكات للنقاش زي الموضوع ده
وغيرو زيو ليه نشيل القسم ده...

[فارس اليكس]

اولا مبروك على القسم الجديد ده ... ثانيا الموضوع رائع يا مارو تسلم ايديك


بصي باة ... موضوع ان الولد بيتقل على البنت ده مش صح .. او مش كل الولاد اللى شايفين نفسهم بس اللى فاكر نفسه تامر حسني التاني وواحد فاكر نفسه توم كروز ... بس الباقي كل واحد وتفكيره والحب عنده ايه ..

يعني مثلا في ولاد .. لما يحب ..بنت مثلا يخاف يقولها علشان مش تبعد ويكون راضي انه يكون قريب منها ... وفي واحد تاني لما يحب واول ما يتكلم مع اللى بيحبها . ومن غير كلام يتلخبط وتكون حالته حاله...

وفي اللي تشوف كلمة بحبك في عينيه ... بس اللى يفهم ويقدر ..ويعرف ان زي الكلمة دي ما هي غالية عند البنت اكيد غالية جدا عندنا ... بس اللي يحس الكلمة بقلبه .. قبل ما ينطقها ..

وفي بنات .. برضوا واخدة الحب ده لعبة .. يعني مش فارقه كلمة اقولها وخلاص .. بس موضوع اني اتقل على بنت .. بصراحة مش حصل قبل كده ... لانه مش ليه لازمة .. ولعلمك في بنات اول ما تقولها بحبك تتقل وتقول اسيبه شوية .. علشان اعرف بيحبني اد ايه ..

واللهي مش عارف بجد اسف يظهر اني غيرت الموضوع بعتذر ... بس ده رايي عن الموضوع


او اللى بسمعه اصحاب واللي بيحصل .. بس بالنسبة ليا ... اكيد قبل ما اقول الكلمة دي .. اللي اخترتها علشان تكون الكلمة دي ليها هتحس بيها قبل ما اقولها ...


بس مش كل الشباب زي بعض وبرضوا البنات مش زي بعض...

[buffy]

عاطفه المرأه تضاعف عاطفه الرجل بمراحل ودى غريزه
لكن الراجل دايما احس انه مش ف دماغه لانه لو مش عاوز دى هيدور على غيرها ويقول الراجل مش بيعيبه حاجه وف ايده كمان يتجوز اتنين وتلاته واربعه
ولازم يعمل وسطهم سي السيد علشان ال يحس برجولته
وبالنسبه لمقوله خد اللى يحبك ومش تاخد اللى بتحبه دى تنطبق على المرأه فقط
علشان لو خدت اللى بتحبه ومقدار الحب مش متساوى
اى انها بتحبه اكتر منه مؤكد انه يصبحها بعلقه ويمسيها بعلقه
بس لازم يكون فى حب متبادل مش اخد واحد بيعشق التراب اللى بمشى عليه وانا اكون مش طايقه سيرته حتى كده هيكون فى تنافر شديد

طرح هايل منكـ يا مارو
تسلمـ افكاركـ واناملكـ

[۞ عاشقة الفردوس ۞]

طرح هايل يا مارو

تسلمى عليه حبيبتى

صراحة انا مع المقولة دى

يمكن زمان مكنتش مؤمنة بيها اوى

لكن اقدر اقول دلوقتى انها صحيحة 100%

لأن المرأة بحد ذاتها محتاجة للحنان والحب اكثر من الرجل
محتاجة تحسه وتلمسه فلا تستطيع ابدا أن تعيش حياة خاليه من حب وحنان واحتواء زوجها ليها

ودا صعب تلاقيه الا عند انسان بيحبها بالفعل

وحبه لها دا وحده كفيل انه يجعلها تحبه وتمنحه كل مشاعرها وعواطفها

فمن أحبك بصدق واختاركِ شريكة له باقى حياته وارادكى أنتى دون غيركِ أكيد سيخلص لكِ وسيعمل جاهدا على اسعادكِ وسيمنحكى حنانه ودفء حبه وسيحميكى بعطفه من غدر الزمن وسيكون الى جواركِ وقت شدتكِ .. من أحبكِ سيوليكى كل اهتمامه ورعايته ولن يتخلى عنك او يجرحكِ يوما مهما حصل ...

فهل انسان كهذا لا يستحق منكِ حبُكِ ووفائكِ ..!!



تقبلى تحياتى اختى الحبيبة

دمتى بسعادة

[Mr.Medo]

ههههههههههههههههههههههه
هههههههههههههههههههههههه
لما توصلوا لحل ابقوا قولولي اصل خطيبتي مطلعا عيني
طبعا انا المفروض مدخلش القسم ده بس بيعجبني مواضيعه وبيشد انتباهي بعض التوبيك المكتوب عشان كده هتلاقوني وراكم وراكم
جاسسسسسسسسسووووووووووووووووووس

[maroo]

بجد ردودكم جميعا رائعه بس ياترى فين بقيت الفرسان ؟؟؟؟