كدبة اكتوبر

[شاعر فى زمن بلا مشاعر]

1. زى ما اتعودنا السلام قبل الكلام طبعا حاجة غريبة اسم الموضوع كلنا بنسمع عن كدبة ابريل هو فيلم جميل اوى بطولة اسماعيل ياسين انا شخصيا اتفرجت عليه لكن الغريب يعنى ايه كدبة اكتوبر احب اعرفك ان فى فيلم بردو اسمها كدبة اكتوبر ابائنا حاربوا وعبرو القنال فى 73 واحنا دلوقتى بعنها ولمين ليهود اسف كلامى دايما صريح وجارح اخر حاملة طائرت عبرت القنال مخلينى مش قادر اتكلم مساعدت بتروح لدول معادية عن طريقنا بردو دوسنا على دم شهادئنا الناس كانت بتحارب عشان الحرية حرية ارضيهم دلوقتى بقت محرمة علينا ارضينا لو حد فيكو راح شرم الشيخ من اجمل المدن الستة فى العالم هيعرف انا اقصد ايه بظبط انا عارف ان كلامى عن قريب ياءما هيدينى باند من المنتدى ياما مباحث امن الدولة هطب بس انا مش خايف والسؤال هنا لحد امتا هنفضل عايشين فى كدبة اكتوبر ؟؟؟؟
2. فى مثل شعبى بيقول هيسخطوك يا قرد قال هيعملونى غزال وشكراااااااا

[abou-goda]

السلام عليكم
اهلا بيك شاعر
كلامك حلو وهو ده الل بيحصل
وبعدين انت بتقول الحقيقه والصراحه يبقي هايبقي فيها بند ليه
ممكن بس امن دوله ده لو وصلوا ليك
ماعلينا
المشكله هنا اننا بنعيش مع الافلام الحلو في خيالنا والوحش في حياتنا
يعني كدبه اكتوبر اللي انت بتتكلم عليها ده
تقريبا كده هاتبقي وراثيه وياريت انت تكون فاهمني
بس ياريت بقي نصحي احنا اللي بيقولوا علينا شعب ونفوق لحالنا اولا ونبدا نصلح حال غيرنا
انا والله ماليا في الكلام كتير بس عاوز اصفلك احساسي مش عارف
المهم موضوع حلو ومهم قوي
شكرا ليك
وانتظر منك مزيد من التفاعلات

[۞ عاشقة الفردوس ۞]

أخى الكريم شاعر فى زمن بلا مشاعر :

لفت نظرى عنوان هذا الموضوع
وحين قرأته تألمت لتلك الكلمات لانها جاءت على جرح لا يندمل فى كل مصرى يعشق بلده مصر
وكيف يعيش المصرى هانئا إذا لم يشعر ونشعر جميعاً بكرامتنا، وحريتنا، وحقنا الكامل غير المنقوص في الحفاظ على ارضنا وعلى دم شهدائنا اللى رواها عشان يهدوا لنا الحرية اى حرية نعيشها وابسط مثال حضرتك ضربته شرم الشيخ التى اصبحت محتلة ممن يدنسون ارضنا والله مما سمعته عنها يجعل النفس تعفها ولكن يرضى مين ان بلدنا نتحرم منها ويسكنها المحتل تحت ترحيب منا ؟!

امتى هناخد حقنا في أن نشعر بأننا نمتلك وطننا مصر ، وامتي هنشعر بمقولة البابا شنودة «مصر ليست وطناً نعيش فيه، إنما وطن يعيش فينا»؟


وامتى تعود مصر للمصريين؟ ونردد مع الزعيم الوطني مصطفي كامل مقولته الخالدة: «لو لم أكن مصرياً.. لوددت أن أكون مصرياً».

لكم أحب وأعشق تراب هذا الوطن "مصر"

مصر الحرية والإخاء والمساواة، مصر التاريخ والمكانة،مصر اكتوبر العظيم , ومصر التي في خاطري وخاطرك، ومسؤوليتي ومسؤوليتك هي أن نبحث عن مصر التي نريدها والتي نحب أن نعيش فيها وتعيش فينا،

مصرنا .. حرياتنا لن تعود الا بنا

لكن هل نحن مستعدون لدفع الثمن؟

أترك الإجابة لكل مصرى ، وليكن صادقاً مع نفسه .

[أبو الشود]

انا عارف ان كلامى عن قريب ياما هيدينى باند من المنتدى ياما مباحث امن الدولة هطبانا عارف ان كلامى عن قريب ياما هيدينى باند من المنتدى ياما مباحث امن الدولة هطب

الباند طول ما انت ملتزم بقوانين المنتدى ما حدش يقدر يعمله ليك

اما لو فاكر ان كلامك ده ممكن حد يمنعه فما تخافش

هنا كل واحد بيعبر عن نفسه وكل واحد مسؤل عن تصرفاته فمسألة الباند دي بعيده اوي

اما مساله أمن الدولة برضو ما تخافش

مع اني مش مصري يعني بس ما اعتقدش ان أمن الدولة بالفترة دي هتعمل اي شيء هتقرا كلامك وما تتحركش لأن المعارضة برا وعلى عينك يا تاجر

انت مش بتعمل تنظيم

انت بتنقد الحكم وده من حقك

[داليا]

اولا انا رافضه العنوان
لان مهما حصل نصر اكتوبر دا نصر يستحق ان نفتخر بيه
مهما حصل فهو انجاز وكفايه ان ارضنا اترديت لينا تانى
وكرامتنا انا معاك ان فى حاجات بتحصل بتخلينا نضايق
لكن لازم نفرح بنصر اكتر ودى الحقيقه الوحيده اللى فى بلدنا
يمكن دلوقتى البلد بتباع لكن صدقنى
الموضوع مش هيستمر لان الناس ابتديت تفوق
وابتديت تفهم كويس وهيجى اليوم اللى هتلاقى الشعب
اعترض بجد واليوم دا انا واثقه انه قريب وقريب جدا كمان
طبعا شئ مؤسف وجود الصهاينه على ارضنا
بس الحال مش هيستمر كتير

[أبو الشود]

اولا انا رافضه العنوان
لان مهما حصل نصر اكتوبر دا نصر يستحق ان نفتخر بيه

مع احترامي ليكي يا بنوتة

انتصار اكتوبر 73 ده أكبر خدعة وكدبة كدبتها حكومة مصر على شعب مصر

الأنتصار كان في الأيام التلاتة الأولى يوم ما جولدامائير عيطتت وهيا بتطلب العون لكيان اسرائيل

يمكن الحكومة والشعب السوري يقدر يقول انه نصر

اما الحكومة المصرية والشعب المصري فللأسف اللي حصلهم هوا انهزام وعار

اللي حصل انه بأوامر من السادات اتوزعت اسلحة فاسدة عالجبهة المصرية خوفا من عصيان الضباط والجنود اوامر وقف اطلاق النار

وكلنا عارفين انه بسبب العملة دي كانت دمشق هتكون دمشق المحتلة

صحيح انه الجسر الجوي الأمريكي اللي كان بينزل طيارة كل 15 دقيقة قلب شوية من موازين الحرب وما عادتش الكفة راجحة زي الأول لجهة فكي الكماشة السوري المصري بس ده ما يديش مبرر للسادات بأيقاف جبهة سينا ولا أرض سينا رجعت بشرف

مهما حصل فهو انجاز وكفايه ان ارضنا اترديت لينا تانى
وكرامتنا

للأسف أرض سينا رجعت بأتفاق دنيء وذليل واللي بيسترجع حقه بشروط سلام وايقاف جبهة وهوا كان التلقيح اللي انجب اتفاق كامب ديفيد واللي أرضه بترجعله بالطريقة دي ده ما بيحقش ليه يحتفل لا بانتصار ولا بغيره

ده يقعد يعيط عالذل اللي هوا فيه

[داليا]

ماشى انا معاك
بس برضو متقدرش تنكر ان مصر انتصرت
احنا حربنا كانت المفروض مع الكيان الصهيونى
لان هى اللى كانت واخده ارضنا
وساعتها مصر انتصرت على الكيان الصهيونى
لكن لما امريكا ادخلت وبقيت قوتهم طبعا اكبر بكتير

كان لازم تغير الخطه ودا اللى حصل بالانسحاب
بس برضو اسمها هزيمه للكيان الصهيونى
لانها تعتبر حرب وانتصار مع عدونا الاساسى

بس تقدر تنكر ان لغايه دلوقتى يوم 6 اكتوبر يوم اسود بالنسبه لليهود
وانهم حاسين انهم انهزموا

[أبو الشود]

برضو متقدرش تنكر ان مصر انتصرت

ما اقدرش انكر حاربت وضربت اما نتيجة اي حرب بتبان بالآخر مين الرابح ومين الخاسر

وأظن انه معروف انه حتى بلعب الأطفال انه اللي ينسحب من اللعبة بيكون هوا اللي خسر

لكن لما امريكا ادخلت وبقيت قوتهم طبعا اكبر بكتير

لما أمريكا تدخلت تغيرت موازين القوى تغيير بس ما انقلبتش يعني كان الأنتصار وفرصة القضاء على ما يسمى الكيان الصهيوني ممكن أوي مع كل الدعم الأمريكي اللي كان هيخلي الحرب تطول بس بس لحد لحظة ايقاف النار على الجبهة المصرية ما كانش الوضع اتقلب ده اولا

وتانيا تسليم الأرض كان بمقابل اتفاق مش بأنسحاب وهزيمة عسكرية

كان لازم تغير الخطه ودا اللى حصل بالانسحاب

ده ما اسموش تغيير خطة

اسمه تغيير مسار

اسمه انسحاب

اسمه خيانة لدولة شقيقة ولشعب مصر والشعب السوري

اسمه بيع وطن

اسمه وضع ايد بأيد العدو

اسمه اي شيء الا انتصار

لانها تعتبر حرب وانتصار مع عدونا الاساسى

العدو ما بقاش عدو

ده بأه حبيب وحبيب أوي

وفي شغل مشترك

ومصالح مشتركة

وسياسة تطبيع

بس تقدر تنكر ان لغايه دلوقتى يوم 6 اكتوبر يوم اسود بالنسبه لليهود
وانهم حاسين انهم انهزموا

هههههههههههههههههههههههههههههههههههههههههههههههههه هههههههه

بجد ضحكت من قلبي

لأن اسرائيل بتعتبر اليوم ده هوا أفضل يوم بحياتهم

وبيحتفلو بيه على انه يوم الأنتصار على رأس الع&