بقرار رسمى من الفيفا حسنى من حق الاسماعيلى

[حكــ روح ــاية]

قد وصل مساء امس الساعه السابعه مساءا فاكس لجنه شئون اللاعبين بالاتحاد الدولى ( الفيفا )
وتمت ترجمته بالاتحاد المصرى وينص القرار ألاتى على رفض طلب الاتحاد الفرنسى ونادى ستراسبورج بقيد اللاعب حسنى عبدربه وقيده بالنادى الاسماعيلى بشكل نهائى وتم ارسال صوره من الفاكس لاتحاد الكره بالاضافه الى ::

1- يحق للنادى الاسماعيلى ضم حسنى عبدربه بشكل نهائى
2- عدم توقيع أى عقوبات او غرامات ماليه على أى جهه من الجهات المسئوله بالقضيه
3- رفض طلب نادى ستراسبورج بقيد اللاعب فى صفوفه بشكل نهائى
4- يحق للاعب المشاركه فورا فى المباريات المحليه والافريقيه للنادى الاسماعيلى وتفعيل اجراءات قيده بقائمه الفريق الاول للاسماعيلى
5- لا يحق لنادى ستراسبورج الطعن فى القرار الصادر من الفيفا

بالاتصال الهاتفى للكابتن احمد سويلم المفوض من جانب النادى الاسماعيلى بحسم القضيه فأكد سويلم ان القضيه انتهت تماما كما أشار من البدايه انها حسمت للاسماعيلى وهو مالم يصدقه الكثيرون ولكن الحقيقه فالفاكس وصل امس الى القاهره فى الساعه مساءا وينص على احقيه الاسماعيلى فى ضم اللاعب وقيده بالنادى الاسماعيلى ورفض طلب النادى الفرنسى ستراسبورج بقيده واكد سويلم ان حيثيات اتخاذ القرار للاسماعيلى واضحه وصريحه وابرزها ان الشيك تم دفعه بتاريخ يوم 15 يونيو والتأخير جاء لظروف خارجه عن النادى الاسماعيلى بالاضافه الى قبول النادى الفرنسى الشيك اما بخصوص توقيع اللاعب للنادى الاهلى فهو توقيع جاء من نتيجه ضغط ومعلومات مضلله من النادى الفرنسى ووكيل اللاعب وبناء عليه بالتوقيع باطل خاصه ان اللاعب قد ارسل خطاب يفيد بعدم رغبته فى اللعب للنادى الاهلى وان توقيعه للنادى الاحمر بناء على ضغط من وكيل اللاعب والنادى الفرنسى وواصل سويلم حديثه قائلا ان المحامى الالمانى ستيفان جوردون سيصل فى تمام السابعه مساءا وسيتم عقد جلسه مع المهندس يحيى الكومى لاطلاعه على كافه ملابسات قرار الاتحاد الدولى واختتم سويلم (بعبع الاهلى )حديثه قائلا ان اللعبه محسومه من فتره طويله للغايه لصالح الاسماعيلى كما أشار فى تصريحات سابقه للموقع وجاء القرار مساء امس من لجنه شئون اللاعبين التى تم تحويل القضيه اليها من جانب لجنه فض المنازعات بعدما انتهى دورها ليحسم القضيه بشكل نهائى وبخصوص ما تردد عن كون الفاكس لا يعدو سوى احقيه الاسماعيلى فى قيد اللاعب مؤقتا اكد سويلم ان الفاكس واضح وصريح ولكن هناك خلل واضح فى ترجمه الفاكس بالنسبه للذين يدعون ان الفاكس غير واضح مطالبا اتحاد الكره بارسال فاكس للاتحاد الدولى للتوضيح فى حاله عدم استيعابهم فحوى الفاكس الحالى لان مضمون الفاكس واضح وصريح وينص على احقيه الاسماعيلى فى قيد اللاعب بشكل نهائى بعد انتهاء القضيه بشكل رسمى وتحويلها من جانب لجنه فض المنازعات للجنه شئون اللاعبين قائلا ان القرار كان لصالح الاسماعيلى من البدايه ومن قبل توقيع حسنى عبدربه اقرار يفيد برغبته فى اللعب للاسماعيلى كون اوراق الاسماعيلى سليمه تماما ولا تشوبها ادنى شائبه ولكن ما يحدث حاليا داخل اتحاد الكره من تصريحات بدراسه الموقف من جديد لا يعدو سوى كونها ضغوط اهلاويه لتجميد الموقف اكبر قدر ممكن ولعدم استفاده الاسماعيلى باللاعب الفتره المقبله واثاره البلبله بدون داعى رغم معرفتهم المسبقه بمضمون الفاكس .

وفى تطور جديد وسريع للامور اعلن اتحاد كره القدم المصرى عن احقيه النادى الاسماعيلى فى قيد حسنى عبدربه وحسم ازمته بشكل نهائى وامكانيه مشاركته محليا وافريقيا مع الاسماعيلى طوال الفتره المقبله بعدما رأى مسئولى الاتحاد ان الفاكس القادم من الفيفا ينص على احقيه الاسماعيلى فى ضم اللاعب بشكل نهائى ولا رجعه فيه لتنتهى تلك الازمه التى استمرت طويلا لما يقرب من شهرين بأحقيه الاسماعيلى فى حسنى عبدربه وهى الصفعه الثالثه للاهلى من جانب الاتحاد الدولى فى القضايا المتنازع بين الاسماعيلى والنادى الاحمر بعد صفعتى حمزه الجمل عام 92 وصفعه احمد حسن 97 بعدما نجح الاسماعيلى فى الحصول على احقيته فى الثنائى بقرارات مباشره من الاتحاد الدولى وبدورنا نهنىء مجلس اداره النادى الاسماعيلى برئاسه المهندس يحيى الكومى ونشكره على متابعه القضيه والاصرار على حصول حقوق الاسماعيلى فيها وتكلفه مبالغ طائله تم دفعها للشركه الالمانيه المفوض عنها الكابتن احمد سويلم بالاضافه الى تكاليف المحامى الالمانى الكبير ستيفان جوردون كما نشكر الكابتن احمد سويلم وكيل اللاعبين المخضرم على نجاحه الكبير فى حسم القضيه للنادى الاسماعيلى ويستحق سويلم لقب بعبع الاهلاويه وهو اللقب التى اطلقته الصحافه المصريه عليه بعد نجاحه فى قضايا سابقه ضد النادى الاهلى .

[داليا]

الله مبروك للاسماعيلى
ويا فرحتى فى الاهلى
اصلا الاهلى دا لو نادى محترم
كان من الاول تنازل عن حسنى
شكرا حكايه روح للموضوع

[l-lo0oBy]

محترم

طب ماشى يازمالكويه ههههه

هو احنا عشان سكتنالكم

النادى الاهلى اولا مكنش ينفع يتنازل الا لما يكون فعلا الاعب من حقه

ثانيا التاريخ يفكرك الاهلى رجع كام لاعب للاساماعيلى كانوا هم اللى عرضوا نفسهم على الاهلى

زى المرحوم رضا وحمزه الجمل وأخرهم احمد حسن

يعنى لاعيبه كلهم كبار

وفى الاخر بقى مبروك للاسماعيلى

لأانه أساسا مكنش فى حرب مع نادى مصرى دا كان مع استراسبورج

سلام ياحلوين ههههههه

[حكــ روح ــاية]

المشاركة الأصلية كتبت بواسطة بنوته زملكويه

الله مبروك للاسماعيلى
ويا فرحتى فى الاهلى
اصلا الاهلى دا لو نادى محترم
كان من الاول تنازل عن حسنى
شكرا حكايه روح للموضوع

أشكرك على مرورك الجميل

الموضوع مش أهلي ولا زمالك

شكرا لردك الجميل والمتميز

[حكــ روح ــاية]

المشاركة الأصلية كتبت بواسطة hooby

محترم

طب ماشى يازمالكويه ههههه

هو احنا عشان سكتنالكم

النادى الاهلى اولا مكنش ينفع يتنازل الا لما يكون فعلا الاعب من حقه

ثانيا التاريخ يفكرك الاهلى رجع كام لاعب للاساماعيلى كانوا هم اللى عرضوا نفسهم على الاهلى

زى المرحوم رضا وحمزه الجمل وأخرهم احمد حسن

يعنى لاعيبه كلهم كبار

وفى الاخر بقى مبروك للاسماعيلى

لأانه أساسا مكنش فى حرب مع نادى مصرى دا كان مع استراسبورج

سلام ياحلوين ههههههه

أيه يا كابتن هوووبي مالك ردك ماله ليه كده

هقولك حاجة وابقي اسال محمود الخطيب عليها

البرنس كان ناوي

يعمل ايه بقي

لما يطلع قرار الفيفا ويقول ان اللاعب من حق استراسبرج

بعدها اللاعب يتباع للاهلي

فمن حق الاهلي يتصرف في اللاعب

والكابتن بيبو يعيش في دور الراجل الشهم المضحي

وياخد حسني من ايده ويرجعه للنادي الاسماعيلي

قال ايه ... الاهلي بيزكي على الاسماعيلي

لا الحمد لله الاسماعيلي اكبر من اي لاعب

ومش بيقف على لاعب بعينه و دي صفة حلوة في الاسماعيلي مش موجودة في اي نادي تاني حتي الاهلي بتاعك

المهم

الموضوع انتهي والقصة انتهت

ومبروك للاسماعيلي

[داليا]

اولا انا مجبتش سيره الزمالك
انا قلت اللى المفروض كان الاهلى يعمله
من وجهه نظرى

[حكــ روح ــاية]

هههههههههههههه

الاهلي يتنازل عن اللاعب

ليه يا جميل

اللاعب اساسا من حق الاسماعيلي

والكل عارف الموضوع ده

بس الاهلي بفلوسه فاكر انه ممكن يشتري الدنيا بحالها

بس ميعرفش انه ميقدرش يشتري احترام وحب الجماهير له حتي ولو بالفلوس

[l-lo0oBy]

ياعم حكايه انت حكايتك حكايه

مش مستنين حد يذكى عليكم

طب ما انتوا قبلتوه قبل كده ميت مره

ولو كنتوا مش مستنين ومبتقفوش على لاعب مكنتوش أصلا رضيتوا ان الاعيبه دى ترجع تلعب ليكم من أصله

ازاى لاعب مش عايز يلعب ليكم وترجعوه يلعب ليكم مع العلم ان دول بقى الاهلى مراحش قال لحد منهم تعالى الاهلى

زيهم زى غيرهم جم الاهلى لأن دا حلم كل لاعب فى مصر

حتى حسنى بتاعكم وابقى قابلى بعد كام سنه وشوف

والاهلى أساسا مش بيغلط ولو غلط حيعترف بغلطه وعندك حكايه شريف أشرف

وبالنسبه لحسنى زى ماقولت لو كان من حق استراسبورج وبالتالى من حق الأهلى كان ساعتها بس الأهلى يقرر هو يلعب لمين

وبعدين سيبكم بقى من عقده البطل والحاجات دى

طب ماهو الزمالك عرض يشرتيه من قبل حتى مده اعارته ماتنتهى بل بالعكس الاهلى عرض بعد المده ماخلصت والاعب نفسه هو اللى فضل الأهلى


مع العلم ان عرض الزمالك مش أقل من الأهلى خالص

وكون ان الاهلى متحكم بقى بفلوسه حتى فدى مش مشكلتنا العيب عندكم انتوا مش احنا

هو احنا كمان حنعلمكم تجيبوا الفلوس ازاى ولا هو نادى كبير بالاسم وخلاص

وعموما ياما لاعيبه كتير جات الاهلى وفضلته مع ان عرض الاهلى كان أقل كتير ودا من سنه ولا سنتين فاتوا يعنى كمان

وبالنسبه لاحترام الجماهير وحبه فدى والله ضحكتنى

هو انت مش ملاحظ يعنى ايه جمهور الاهلى ولا دى مش جماهير

انت لو قاعد فى وسط 10 حتلاقى واحد ولا اتنني مش بيشجعوا الاهلى دا لو لقيت يعنى

واتحداك لو فى أى مكان او اى وقت لقيت حد بيبتكلم عن الأهلى وادراته بشكل مش كويس ومش فيه احترام

عشان حاجه بسيطه

اداره محترمه ومحترمه جدا بتعرف تتكلم ازاى وامتى وليه

وكمان لاعيبه ومش حقولك عشان انت أكيد عارف

وشوف بقى انت العكس عندك الاسماعيلى ادارييه بتكلموا ازاى اذا كان رئيس النادى اللى كل كلامه كدب

ولا الكابتن الكبير بتاعكم سيد بازوكا اللى تصرفاته تصرفات صبيانيه

تغلب ماتش يفرح فرحه زى مايكون محدش غلبوا طول عمره ومتهيألى حتى شوفت ردوده على رئيس ناديه

ياعم والله انا كنت ساكت بس انت اجبرتنى

معلش بقى

على فكره لسه فيه كتير

بس كده كفايه اوى عشان حرام ههههههههه

ž