عاوزين غرفة لحل المشاكل

[۞ عاشقة الفردوس ۞]

السلام عليكم ورحمة الله وبركاته

يا جماعة أنا حسيت المنتدى هنا ناقصه قسم هام جدا

هو قسم حل المشاكل بين الاعضاء


احنا هنا اخوات فى اسرة واحدة وزى اى اخوات بيحصل ما بينا سوء تفاهم وزعل بعض افراد الاسرة من بعض فبقترح عمل قسم خاص زى قسم المشاكل مثلا بمعنى انه محدش يدخله الا اصحاب المشكلة ويدخلوا هنا ويعرضوا خلافتهم او اللى يعرف يدخل ويقول فلان زعلان من اخوه فلان ومن هنا نقدر من التدخل لتقريب وجهة النظر والاصلاح بينهم لان مينفعشى نبقى اسرة واحدة وتكون نفوسنا شايلة من بعض مع الحرص طبعا على الامانة من اللى يدخل القسم دا

وبكدا يكون من حق كل عضو شايل من عضو او زعلان منه يدخل ويكتب عتاب او يطلب تدخل حد بينهم

اتمنى تكون الفكرة وصلت

واتمنى يسود بينا الحب والتفاهم دائما وابدا

دمتم بخير

[العميل1001]

اان بؤيد فكرتك يا عاشقه الفردوس

وهى فكره بجد جميله جدا وبكده احنا هنقرب من بعض اكتر واكتر

بس عاوزين واحد يبقى نائب عن القسم ده بمعنى ان يكون فيه عضو لازم يخش القسم ده اساسى عشان يعرف مين زعلان من مين ويبلغه ويحلوا مشاكلهم مع بعض بدون تدخل اى حد منا الا لو هما طلبوا تدخل حد معين

وبكده مش هيبقى فيه مشاكل بينا ابدا وهيكون فيه بينا حب وموده

ومستنى راى الاداره

[buffy]

الفكره ما جديده وماخطرتش على بالى قبل كده
اهم حاجه ما تكونش انت يا احمد لسه شايل من حد والا هنكون مضطرين نعمل القسم ده ليكـ انت وهتكون اول واحد منزل شكواكـ فيه

[نيروو]

اكيد طبعا فكره حلوه جدا يا عاشقه
وهتقربنا من بعض اكتر وخصوصا ان فى ناس مش بتعرف تتعامل مع الناس اللى زعلانه منهم اللى لما تكون الامور صافيه
واكيد القسم ده هيصفى اى خلافات بين اى اعضاء
تسلمى لافكارك عاشقه واحييكى عليها جداااا
لانها فى مصلحه المنتدى

[العميل1001]

اهم حاجه ما تكونش انت يا احمد لسه شايل من حد والا هنكون مضطرين نعمل القسم ده ليكـ انت وهتكون اول واحد منزل شكواكـ فيه

لا والله يا بافى

انا مش شايل من حد خالص وانا من النوع لما بزعل متن حد بنسى والله بسرعه

وربنا ما يجيب زعل يارب وان شاء الله نكون احباب دايما

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

[۞ عاشقة الفردوس ۞]

العميل شكرا لمرورك وتأييدك للفكرة وباذن الله بمجرد الموافقة عليها من الادارة نضع قوانين وكيفية تنفيذها.

بافى نورتينى وشكرا حبيبتى للموافقة على الاقتراح .

نيرو تسلمى حبيبتى والله وشكرا لتأييدك الفكرة وربنا ميجبش زعل ولا خصام يارب .


وبانتظار رأى الادارة الكريمة

تحياتى للجميع

[أبو الشود]

وباذن الله بمجرد الموافقة عليها من الادارة نضع قوانين وكيفية تنفيذها

بعد شكرك يا عاشقة الفردوس عالفكرة بطلب منك تكتبي القوانين وآلية التنفيذ عشان الأدارة تبدي رأيها عالموضوع وموافقتها عليه بعد ما يكونو كونو فكرة متكاملة عن طريقة سير العملية

مش جديد عليكي الأفكار الساعية لرفعة ورقي المنتدى

تسلم ايدك

[۞ عاشقة الفردوس ۞]

المشاركة الأصلية كتبت بواسطة أبو الشود

بعد شكرك يا عاشقة الفردوس عالفكرة بطلب منك تكتبي القوانين وآلية التنفيذ عشان الأدارة تبدي رأيها عالموضوع وموافقتها عليه بعد ما يكونو كونو فكرة متكاملة عن طريقة سير العملية


مش جديد عليكي الأفكار الساعية لرفعة ورقي المنتدى

تسلم ايدك

السلام عليكم ورحمة الله وبركاته

اخى الفاضل ابوالشود

اولا الشكر لله وحده

ثانيا معذرة على تأخرى فى الرد

ثالثا وهو الاهم :

انا بصراحة لما خطرت على بالى الفكرة دى مكنتوش مكونة صورة متكاملة عنها واتمنيت الادارة بخبرتها تقدر تساعدنى فى الوصول لأفضل صورة لتنفيذ الفكرة

لكن ممكن أقول مبدئيا يكون قسم فرعى خاص تبع قسم الشكاوى يأخذ نفس خصائص قسم الشكاوى الا أنه تكون ل 3 أفراد مننا صلاحية خاصة للأطلاع على الخلاف المعروض للنظر فيه ومحاولة التقريب بين طرفى الخلاف

وبكدا هيدخل طرف ويكتب مشكتله مع العضو فلان فبالتالى تتكرم الادارة بمنح العضو ( الطرف التانى فى المشكلة ) صلاحية دخوله للموضوع دا بالاضافة طبعا للثلاث أعضاء المختارين لحل مثل هذة المشاكل والخلافات

دى صورة مبدئية واتمنى الجميع يشاركنى الرأى بوضع اقتراحات أفضل

دمتم ودام لنا الفرسان

[Mr.Medo]

الفكره جميله فعلا
بس عشان نحل مشاكل بعض يلزمنا هنا اساتذه نفسيين يعني خرجيين خدمة اجتماعية وعلم نفس وكده عشان نقدر نشارك بعض ونوصل للحل الصحي حمش التشويش
لكن الفكره فعلا جميله