الورقة التي جننت البنات
يقولون فيه عجوز على فراش الموت وما عندها إلا ولد واحد ....
قالت لولدها وهي على فراش الموت
خذ يا ولدي هذي الورقة ... وأي بنت تشوفها ( بأي مكان ) أعطها الورقة وخلها تقراها وياويلك (( إذا قريت اللي فيها )) إلا إذا دنت منيتك . وقربت تموت اقراها .
قالها ولدها إبشري .......
ماتت الأم ألله يرحمها
حزن الولد حزن شديد .... وضاق صدره
بعد مده
قال لازم أنفذ وصية أمي
طلع للشارع .... وبالصدفة وهو مار من عند مقهى
قال يالله ... اضرب لي فنجال قهوة أعدل الراس فيه
دخل المقهى وهم بطلب قهوة
حضرت له احدا العاملات بالمقهى ( بنت ) ...
وقدمت له القهوة
وهو يشرب القهوة ... قال ليه ما أوريها الورقة ... فكرة والله
قام أخينا بالله وفتح لهاالورقة وقال للبنت العامله بالمقهى أقرئيها
على طوووووول ... قامت تصارخ عليه
ومن الغضب بدأت تشتمه ... وتقول له يا كذا ... #####
ياقليل الأدب .... يا عديم الذمة يا عديم الضمير .........
الولد طايرتن بوهته مايدري وش السالفة
جاء راعي المقهى وطرده .
المسيكين ضاق صدره. وكسرت خاطرة البنت
قال أكيد البنت هذي مجنونة . أكيد فيها شي
طلع من المقهى ... ومشي في الشارع ... وبالصدفة لقى ملاهي .
قال أبي أدخل العب اتسلاء شوي
دخل الملاهي ... وراح يبحث عن لعبه يلعب فيها
راح إلى لعبة تصادم السيارات . يحبها من يوم كان صغير
ما لقا ولا سيارة فاضيه .... شافته بنت ... قالت له .. تعال إركب معاي
الرجال إنبسط ... فرح ...
ركب معاها خوينا ... وقام يلعب معها وسواليف ... وفله حجاج .. وسعت صدر. وبالأخير .... عزمته على آيسكريم .... إنهبل ... ماصدق خبر
راحوا يشترون آيسكريم ... وقعد يسولف معاها قال أبي أوريها الورقة أكيد تختلف عن البنت اللي في المقهى ... فتح لها الورقة
وقال لها اقرائيها
البنت على طول
ياللي فيك ومافيك ...
ياقليل الأدب .... يا عديم الذمة يا عديم الضمير ... و نفس الشي بهدلته
صطرته كف حامي ولعنته... وهرب منها
برضه الرجال ..... مايدري وش السالفة
ونفسه يقرأ اللي في الورقة ... لكن أمه ... محذرته
راح للبيت ... مر على مطعم ... قال ليه ما أتعشى
طلب عشاء كبسه رز .... أدهر فيها بالبيت ... وشبع
بالليل عوره بطنه ... قام يتوجع ... الظاهر فيه زايدة
طار للمستشفى ... سووا له عملية زايدة
يوم صحى من النوم ... شاف الممرضة أمامه ... قال أكيد هذي تختلف عن الباقيات هي بترحمني ... أنا مريض ... وراح تعطف علي
قام أخينا بالله ... و ورها الورقة
البنت على طوووووول
ياللي فيك ومافيك ... ياقليل الأدب .... يا عديم الذمة يا عديم الضمير ... وقومي وأحذفيه من عند الشباك .
إنهبل الولد ..... جن جنونه .... قال مالي قعود بالبلد هذي ..... أكيد كل الى فيها مجانين . مالي إلا السفر ..... خارج الديرة هذي
قص تذكرة على اول رحلة خارج البلد .... ركب الطيارة
وقعد في الكرسي ... جت المضيفة تخدمــه بنت طبعاً .
جابت له العصير ... وقال بإذن الله راح اوريها الورقة أكيد هذولي البنات طبقتهم فوووووق ... لأن مستواهم عالي ... ومحترمين
فتح الورقة لها .......... والبنت على طوووووول
يا للي فيك وما فيك ... يا قليل الأدب .... يا عديم الذمة يا عديم الضمير ... ................
والله لأنادي لك السوبرفايزر ... واشتكيك عليه
جاء السوبرفايزر ... وسمع القصة من المضيفة
قال ..... أبداً .... أبداً .... مالك قعود بالطيارة هذي ... أبداً
ما فيه إلا حل واحد ........ مافيه غيره .... نرميك من عند باب الطيارة
إنهبل الرجال وإنفقعت مرارته .... وبرضه ما يدري وش السالفة .
قال لهم مصرين على رميي خارج الطيارة
قالوا نعم ... عند الباب ... قال شكواي إلى الله
اللهم إني أنفذ وصية أمي ...
قال لهم الولد طيب ... أنا عندي طلب ممكن ...... قالوا له تفضل
قال لهم ... وأنا واقف عند الباب .... قبل ما تدفعوني على الأرض .... ودي أقراً الورقة .
واخبرهم بسالفة أمه ووصيتها له
وقال لهم إن أمة موصيته إنه مايقرأ الورقة ... إلا إذا جاء يموت
وهو أكيد راح يموت لأنهم بيرمونه من الطيارة
الجماعة ما صدقــو كلامـــــــه
الزبدة ..
وهو واقف على باب الطيارة والباب مفتوح اختل توازن الطيارة نتيجة دخول الهواء... عجزوا عن السيطرة على الطيارة
وبينما هم على وشك إن يدفعـوه للخارج عشان يسقط .
فتح الورقة .. عشان يقراها
أخينا بالله أول ما إنفتح باب الطيارة ...
فتح الوررقة
وش صار له
تبون تعـرفــو وش صار له ؟؟؟
انزلو شوي يالله بس بشويش على ( المفأجأة )
بعد شوي
بعد شوي
طارت الورقة بعد مادفعـوه خارج الطائرة وسقـط الولد على الارض ومات المسكين وهو ما يدري وش في الورقة .
وأنا أيضاً .... ما أدري وش فيها
و آسفين على حرق الأعصاب.
يالله تعيشون وتاكلون غيرها
منقول
العرض العادي
