السلام عليكم
انا بجد اسفه كتير على التاخير بس بجد
والله غصب عنى وبجد وحشتونى اوى
اوى اوى للاسف حاجة تكسف الى هقوله
لكم النهاردة بس انا وعدتكم انى دايما هقول
كل شئ حقيقى وبجد هنحاول اننا نتناقش
فى المشاكل الى تستحق اننا نتكلم فيها بجد حاجة تكسف
احب اقول شئ قبل مااتكلم فى اى شئ
ان مش كل الى الى بنقوله فى سلسله الحلقات
دى بنوجه او بيكون علشان الناس الى بنتكلم عنه
احنا بنتكلم وبننتقد الناس الى كده فهمنى عايزين
نتكلم ونتناقش وعلشان لو حد فعلا كده يفوق
من الى هو فيه ده الهدف والهدف كمان اننا نفيد
بعض بارائنا ده الهدف فانا بطلب منكم اننا
نفتح قلوبنا ونتكلم بصراحة فى اى موضوع
واى مشكله وبجد لازم نفيد بعض هو ده هدفنا
بجد او هو ده الهدف من سلسله الحلقات دى
الحلقة العاشرة بعنوان ( حاجة تكسف .... بس الحل ايه )
انا كنت راكبه تاكسى المهم وانا فى الطريق
شاور بنتين للسواق وركبوا معانا البنتين واحده
فيهم كانت منقبه والتانيه كانت بشعرها المهم بعد
شويه واحنا فى الطريق سمعت واحده فيهم بتقول
للتانيه يالاه يامنى اقلعى البتاع ده هتفضحينا يالاه
ووضبى نفسك كده عيب عليكى كده المهم انا مش
اهتميت لكن فجاءة لقيت السواق وقف وفرمل وقال
ايه يابنتى الى انتى بتعمليه ده ببص ورى لقيت البنت
قلعت النقاب بينى وبين نفسى استحقرتها اوى
طيب انتى لبساه ليه بدل هتقلعيه
المهم السواق ده كان راجل كبير قالها يابنتى حرام
عليكى وكده المهم بكل بجاحة البنت قالت له وانت
مالك خاليك فى حالك السواق قالها بس من راى
منكم منكرا فل يغيره وانا بنصحك حرام عليكى
خافى من ربك والى انتى بتعمليه ده غلط قالت
له يعنى اعمل ايه اهلى فرضينه عليا وانا اصلا
مش حباه وبلبسه غصب عنى والدى بيضربنى
لما بقلعه وبعدين اصحابى بيتريقوا علياااااا
وفى ناس كتير بعدت عنى علشان النقاب ده
وكمان النقاب ده احتراما له حاجات كتير اوى
مينفعش انى اعملها يعنى من الاخر حابس
حريتى وللاسف انا مكملتش بقيت حوارها
لانى نزلت قبلهم بس هتقول ايه اكتر من الى اتقال يعنى
تفتكروا مبرر للغلط الى هيا بتعمله انها تعلق
غلطها على اهلها وعلى اصحابها وعلى كل
الى حواليها تفتكروا هو ده الصح وتفتكروا ان
الى هيا فيه ده صح طبعا بكل المقايس ده غلط
مليون فى الميه بس دى حاجة بتحصل كل يوم
وفى اى مكان ومش ده بس الى بيحصل لاء اكتر
من كده للاسف بنغلط ونعلق اخطائنا على ناس تانيه
ومش بنفكر فى اى شئ
ولا بنعمله حساب للاسف انت اخذتم بالكم
من الى هيا قالته اصحابها بعدوا عنها علشان النقاب
يعنى بتدور على حجه ترضى نفسها بيها وتقنع
نفسها انها صح باى طريقه للاسف مش هيا بس
احنا كلنا لما بنكون غلط تلاقونا بندور على اى حاجة
نبرر نفسنا بيها ونقنع نفسنا اننا صح لباقى كلامى
بقيه بس انا عايزة رايكم فى المشكله دى وفى حته اننا
بندور على اى حاجة نبرر بيها غلطنا يالاه عايزة
اشوف ردودكم
الحلقة العاشرة من شباب اليومين دول بعنوان حاجة تكسف
شارك 
العرض العادي
