السلام عليكم ورحمة الله وبركاتة:
اولا احب اشكر ادارة المنتدى على الجهد للارتقاء بالمنتدى وربنا يعينهم يارب .
احب اقول انى الموضوع دة جايز وجايز لكن هو انتشر زى اى موضوع جديد بين المصريين وطبعا انتوا عارفيين يعنى اية موضوع جديد بين المصريين يعنى كل واحد يعرف الموضوع يقوم مزود كلمة او (حتة كدة وسط الكلام ) تسخن الكلام والموضوع اكتر لكن المشكلة ان الموضوع حتى لو قولناة بكل اختصار يثير الغضب وفى نفس الوقت يضحك يعنى زى ما بيقولوا (هم يبكى وهم يضحك).
علشان ما اطولش عليكم الموضوع بكل اختصار ان :
السيد الرئيس قرر تأجير قناة السويس للانتفاع بها اكثر من ذلك المشكلة مش تأجير قناة السويس ما كل حاجة دلوقتى بتتباع وتتأجر دى بقيت موضة قديمة ومش بتزعل حد ولا حاجة لكن المشكلة ياترى تفتكروا هى هتتأجر لمين؟؟
بكل اسف هتتأجر لأكتر بلد عدوة لينا لكن هى عدوة بس (مستخبية) وبتصدر بلد تانى لينا او لأى بلد تانى عاوزة تعاديها طبعا عرفتوا ميــــــــــــن؟
عموما انا هقولكم على المستأجر مين بص ياريت محدش يتصدم:
(امريكا) (الولايات المتحدة الامريكية) اكبر عدو لينا ولأى بلد فى حالها فى بمعنى اصح فيها اى مصلحة ليه وطبعا تفتكروا لو الكلام دة حصل احنا هنعمل اية المشكلة ان كل واحد فينا بيقول يلا نفسى عمرة ما بيفكر فى اولادة هيعملوا اية وسط الناس دى ؟
ياجماعة احنا ادينا بنقول الحمد الحمد لله اننا لحد دلوقتى عايشين فى سلام لكن ياترى هنضمن اننا نفضل كدا وكمان نضمن السلام لأولادنا .
ياجماعة مش عاوزين ننسى ان اجدادنا وأبهاتنا تعبوا علشان احنا نرتاح وأدينا ارتحنا لكن ياترى احنا هنقدر نريح اولادنا زى ما هما ريحونا؟
طبعا كل الى هيقرا الموضوع دة هيقول صاحب الموضوع دة شيوعى ولا واد طاي وأهو طيش شباب وخلاص ودة كلام .انا زى ما قولتكم فى أول كلامى جايز يكون كل دة كلام. لكن جايز كمان يكون حقيقى. فى النهاية كان فى سؤال نفسى الاقى لة اجابة:
احنا سكتنا على حاجات كتيــــــــــــرة قوى مثلا الى بيتباع الى هما بيسموها (الخصخصة) مرة يقولو السكة الحديد مرة ورا مرة ورا مرة وبتعدى, لكن ياترى المرة دى هتعدى كدة؟؟ ولغاية امتى احنا هنفضل كدة نسمع وبس ؟؟
اولا مشكوورة بنوتة على المرور.
لكن لية احنا كل حاجة بنجيبها على الشباب كل حاجة فيها الكويس والوحش
والشباب كمان فيهم الى بيهتم بكدة وفيهم الى زى ما بيقولو (بينفض) سورى فى اللفظ.
طيب اما انا اهو شاب زى الباقى لية مش بعمل زيهم يمكن علشان فاهم اية الى بيحصل او يمكن كمان علشان خايف لحسن اتعرض لحاجة زى دى, والله ما انا عارف انا لية بفكر فى كدة والمشكلة الاكبر ان كمان الشباب فيهم الى فاهم وعادى بالنسبة لة عارفين لية ؟
لانة متكل انة اول حاجة هيعملها بعد التخرج طبعا انة اول حاجة هيعملها انة يشوفلة عقد عمل وزى ما بيقولوا يخلع منها وملهوش دعوة وبعدين يبقى يتفرج فى التليفزيون زى ما احنا بنشوف دلوقتى كدة ومش فارقة معاة.
للأسف كل الى فأيدنا اننا نتفرج زى غيرنا او زى ما بنتفرج على غيرنا طيب يا جماعة ما احنا هيجى اليوم الى الناس تتفرج علينا لية نستنى يوم زى دة.
احنا فأيدينا حاجات كتيــــر نقدر نعملها بس المشكلة اهم حاجة علشان نقدر نعمل اى حاجة اننا حتى يبقى تفكيرنا واحد او بمعنى اصح هدفنا واحد ولو حصل دة يبقى ولا حكومة ولا اى عدو لينا او بمعنى اصح عدو للبلد دى يقدر يعمل اى حاجة. طبعا كل الى هيشوف كلامى هيقول دة بيحلم اكيد دى اول كلمة هتتقال من اى حد يقرا الرد او الموضوع لكن فيها اية لما نحلم هو كمان الحلم حرام ولا عيب؟
ولا هو كمان ممنوع زى كل حاجة بقت ممنوعة علينا.
احب اشكرك بنوتة لانك فعلا خليتينى اطلع كلام ماطلعتهوش فى الموضوع نفسة.وشكـــــرا للمرة التانية على مرورك.
هى دى النقطه اننا للاسف عمرنا ماعرفنا نتجمع على حاجه عارف ليه لان الحكومه عارفه تشتت الجيل دا صح وللاسف معظمنا مديها الفرصه لدا وكمان مش حكومتنا وبس لا دا كمان الغرب قادرين يفرقونا ويفرقوا افكارنا انها تتجمع والمشكله اننا مش بنبص لبكره لان مشاكل حاضرنا كتيره اوى وربنا يسترها
موضوع تأجير قناه السويس غلط ومش صحيح انا اخويا شغال هناك و بيقلى ان الى هيحصل ولسه بيدرسو انهم عيزين ينزلوها فى البرصه بس لكن تئجير و الكلام ده ابدى
وثم امريكا استحاله تئجرها و تدفع فلوس مهى كده كده تعتبر بتاعتهم الى عيزين يعملو بيعملو ومحدش بيقلهم لا وكل السفن الحربيه بتاعتهم بتعدى رغم انو ممنوع عشان بتشتغل بى الطاقه الزريه و دى ممكن تضيع الثروه السمكيه عندنا فى مصر و السرطانات طبعا و الامراض الى هتنتشر بسببها و برده عدت
و يخصوص الحكومه و الفساد و الحال الى وصلتله البلد انا مؤمنه بنقطه واحده ان ربنا لما بيغضب على شعب بيسلط عليه حكامه من لا يخافه ولا يرحمهم لو احنا بقينا كويسين مش بعيد ربنا مش يجبلنا ناس تنين يتقو الله فينا هتلاقو الحكومه نفسها ربنا غفرلهم و ضمرهم صحى و يبدئو يتقو الله فينا
اهم حاجه نبدء بنفسنا الاول و سعتها و الله الامور كلها هتتحسن و هتتغير بس نبدء
انا ما صدقتش الخبر
ازاى قناه السويس تتاجر هتبقى مصر كده بتاعت اوروبا كلها
هتسهل لهم دخولهم مصر وهتساعد على الاحتلال وهيبقى فى حركه احتكار شديده جدا
وان كان حصل ان فى شركات اتخصخصت للاجانب ف مش هنوصل لمرحله تأجير قناه السويس
الله يعينا على ما بلانا
رئيس متوقع منه اى حاجه
انا متوقعه انه فى مره يجى يبيع بلده وهيقول كله ف مصلحه الشعب
التوقيع - buffy
اذا أردت أن تعيش سعيدا في العالم فلا تحاول تغيير كل العالم بل اعمل التغيير في نفسك ... ومن ثم حاول تغيير العالم ما استطعت
اولا احب اشكر كل الى شاركوا بالردود فى الموضوع دة .
اما بالنسبة لرد بنوتة فهو كلامك طبعا صح وانا متفق معاكى لكن مين الى أداهم الفرصة انهم يعملوا كدة يبقى كدة احنا وصلنا زى ما بيقولوا (لمربط الفرس) لامؤاخزة فى الجملة دة بس للتوضيح لان الحتة دى قالتها العضوة منة ويارب اكون قريت الاسم صح ان المشكلة من الاول للأخر فينا احنا كشباب او كشعب وقالت ان ربنا لما بيغضب على شعب بيسلط علية حكامة (من لايرحم ولا يسترحم) وزى ما بيقولوا برضوا(ربنا بيسلط ابدان على ابدان)سبحان الله يبقى احنا كدة رجعنا للنقطة الاساسية هى ان احنا مش بنتقى ربنا.
لكن ياترى كلنا مش بنتقى ربنا؟
طبعا فينا الى بيتقى ربنا وبيخافة وكمان فى الى ناسى ربنا خالص استغفر الله العظيم يبقى الى بيتقى ربنا دة هيروح فى الرجلين لية بقى الى بيتقى ربنا دة مش يحاول انة يغير حتى لو من اصحابة ولو كل واحد عمل كدة هنلاقى نفسنا بقينا حاجة تانى خالص المهم فى النهاية عاوز اطلب منكم طلب :
انا بصراحة لقيت ناس فهمت كلامى وقصدى كويس قوى تيجى نتفق على حل يمكن ربنا يرفع عننا غضبة:
كل واحد او واحدة مننا تبدأ بنفسها ولما تنتهى وتوصل لدرجة معقولة مش هقولكم احسن حاجة لان طبعا مافيش انسان كامل(الكمال لله وحدة) نقوم نحاول نقنع غيرنا مش يمكن نقدر نعمل حاجة.
اكيد كل الى هيسمع كلامى يقول الواد دة متفائل قوى .
طبعا لازم اكون متفائل يا جماعة مش عاوزين ننسى ان مصر دى فى الاول وفى الاخر بلدنا ودى بلد اسلامية ولازم تفضل كدة حتى لو كان الثمن احنا او غيرنا او حتى كلنا حتى علشان نضمن لأولادنا انهم يعيشوا مسلمين زى ما احنا عشنا قبلهم ياريت اشوف ردود زى كدة او اكتر خلينى بقى ابقى متفائل اكتر.
سورى نسيت ان فى العضوة (الفقيرة الى الله) لانى مش عارف اية الاسم بالظبط بتقول ان ليها اخ بيشتغل هناك فى حاجة بقى ان لو كان الموضوع دة صحيح او حتى فى شئ من الصحة مش ممكن هيتعرف بين الى بيشتغلوا هناك زى اى حاجة وزى ما انا قولت فى الاول خالص فى الموضوع نفسة لو ترجعى انة (جايز اة وجايز لا) وشكـــــرا على مروركم كلكم وياريت حد يكون فهمنى ويكون متفق معايا.
مستنى ردودكم.
سورى نسيت ان فى العضوة (الفقيرة الى الله) لانى مش عارف اية الاسم بالظبط بتقول ان ليها اخ بيشتغل هناك فى حاجة بقى ان لو كان الموضوع دة صحيح او حتى فى شئ من الصحة مش ممكن هيتعرف بين الى بيشتغلوا هناك زى اى حاجة وزى ما انا قولت فى الاول خالص فى الموضوع نفسة لو ترجعى انة (جايز اة وجايز لا) وشكـــــرا على مروركم كلكم وياريت حد يكون فهمنى ويكون متفق معايا.
ههههههههههههههههههه
اسمى بافى يا كوكو
مش انا اللى قولت اخويا بيشتغل ف قناه السويس دى منه
بس فى حاجه مهمه ان مفيش حد من الشعب هيشجع الرئيس لتاجير القناه ولا اى حد من العرب لانها هتعبر خيانه حتى لو هو اعتبرها ف مصلحه الشعب ولو حتى قال ايه ف انا شايفه ان الخساره اكتر من المكسب وبلدنا مش ناقصه
اللى جبنا ورا كده الاحتلال والتدخل الصهيونى
يبقى ليه نسلم جزء مننا للى سبق ودمرونا
التوقيع - buffy
اذا أردت أن تعيش سعيدا في العالم فلا تحاول تغيير كل العالم بل اعمل التغيير في نفسك ... ومن ثم حاول تغيير العالم ما استطعت
بصراحة يا جماعة انا فرحان قوى بجدبجد لانى فعلا لقيت ناس فهمت وجهة نظرى وبسم الله ماشاء الله شباب فعلا زى الورد وربنا يسترها معانا لان كدة احنا وصلنا لطريق مسدود ان مافيش حاجة فى ايدينا غير اننا نتقى ربنا فى حياتنا وربنا يسترها معانا وان شاء الله انتظروا الجديد وانا سعيد جدا بأشتراكى فى المنتدى الجميل دة وكفاية الاعضاء الموجودين.
وسورى خالص يا بافى انا خفت اقول الاسم يطلع غلط وكلامك صح لكن انا كل الى قلتة انهم بتأكيد هيخبوا حاجة زى دى على العاملين والموظفين هناك طبعا لانهم لو عرفوا ممكن يعملوا حاجات كتيـــــــر.
وشكــــــــرا جدا على اهتمامكم بالموضوع.
العرض العادي
