تعالوا نحب بصوت عالى --->>>

[abou-goda]

اغنيه كنت بسمعها قلت اعمل منها موضوع

بس ياريت تعجبكم

الموضوع عباره وباختصار عن كل واحد فينا يدخل يكتب عن اجمل قصه حب

حصل ليه بس باذن الله هاتكون فيه تطويرات ليه وعايزين نشوف القصص


الغراميه للناس بس ياريت بكل صدق وبدون تعليقات سخيفه

طبعا انا مش عارف اذا كان مقرر ولا لا بس كل اللي وصلت للمشااابه ليه ( تعالوا نفكر بصوت مسموع )

بس اتمني ان يكون فيه تفاعل من الاعضاء وماكنش فيه احراج خالص لاننا عاوزين نعيش قصص حقيقيه

[جوليت]

هههههههههههههههههه
طب ما ايه رايك ياابو الجوده
ولو حضرتك افتتحت لينا الموضوع
بقصه ليك
علشان تشجع الباقين
هههههههههههههه
يله هستناك
تقبل خالص تحياتى وتقديرى

[abou-goda]

بصي بما اني انا اللي عملت الموضوع واتعرضت لطلب زي كده
انا هاقول علي قصه حصلت معايا بس كانت فيها شويه مشاكل كتيره وفي النهايه انفصلنا

انا كنت عرفت واحده عن طريق النت بس عملت البدع علشان اوصلها

بداءت اني اهر كاتير ادامها بس باحترام بقي ولا هزار ولا غيره

وبالصدفه كان اول كلام كان بينا كانت مشكله بتواجهها في النت وصاحب

السيبر كان واحد اعرفه فطلب مني اشوف ايه المشكله ده وكانت

المشكله تخص الياهو وايميلها ماكنش بيفتح وكان السبب انه اتسرق من

عيال كده

المهم عملت فيها هاك مان وبادات اكتب بيانتها وجبتلها الباص فضلت

تشكر فيا جيت تاني يوم كنت حاطط صوره كده في الايميل عن طريق

المحادثه لاقيتها بتطلب مني اعملها اازاي

علمتها وقالت ليا طيب لو كلمتك تظهر قلتلها لا قالتلي نجرب قلتلها ماشي

وكلمتني علي الايميل

وبعد كده بعتت ادد ليا

طبعا انا مصدقت وقبلت الدعوه

بدانا نتعرف عن طريق الايميل في الايام التاليه وجت في مره قالتلي انت

معاك موبايل قلتلها لا معايا خط بس ههههه بس الموبايل ضاع قالت طيب

تليفون بيت قلتلها عندي قالتلي عندك اظهار قلتلها لا ادتني رقمها حاجه

غريبه لكن كان قصدها انها ترن بالموبايل وانا اتصل بيها في البيت مش

مهم المهم انها اخدت مني ميعاد اكون موجود فيه وتتكلم معايا

قاعد زياده عن 3 شهور نفسي اقولها بحبك بس مش قادر حاسس انها

هاتكسفني رغام ان كذا موقف حصل منها يدل علي انا متقبلاني المشكله

هنا ان كان ليا صاحب بس كان بيعمل مواقف وحشه يعني كان دايما

يقولي انا كنت معاها من يومين علي النت وكذا وكذا اسالها تقولي لا لدجه

ان الولد ده كان يقف في الشارع يتكلم كلام وحش في حقها منعتها انها

تدخل النت ده تاني وافقت

منعتها تمشي من الشارع وافقت طلبت منها تغير رقم تليفونها وغيرته

يعني طلبت منها حاجات كتير ووافقت ويجي صاحبي ده يقولي ده كذا

وكذا وانا خايف عليك

جيت فييوم اتشجعت وقلت اقولها ليها وربنا يسهل بكلمها في التليفون

وربنا قدرني وقلتالها (.....انا بحبك ) ردت عليا عادي خالص وقالت ماانا

عارفه قلتلها بقولك بحبك قالتلي وانا عارفه قلتلها يعني ايه قالتلي انا

عارفه من الاول خالص بكده

طلبت منها مرات عديدع اننا نتقابل كانت بترفض لعده اسباب حسيت انها

بتبعد جه ليا صديق تاني بس عن مصدر ثقه قاللي انا سمعت من واحد

صاحبي ان البنت ده مش كويسه

ساعتها انا قطعت معاها العلاقه نهائيا ورقم التليفون اتغير والايميل اتغير

يعني كله جه مع بعضه وفات علي الموضوع حوالي سنتين وقعدت فتره

الوم نفسي اذاي ماوجهتهاش وفهمت منها ايه الكلام ده كله لغاايه ممات

الحوار وادفن في قلبي

جيت بعد كده من فتره قصيره كنت لسه جايب موبايل جديد ورقمها كان

متسجل علي الخط القديم بتاعي

قام صاحبي ده بيلعب في الارقم عجبه رقمها وخدت الايميل هو واد

احساسه مرهف شويه يعني زي احمد عيد كده في افلامه

المهم خد الرقم وراح كلمها وقالها انا مغرم ومش مغرم هدتته راح قاالها انا

تبع محمد فوزي اللي في شارع الشليش بعتت ليا ابن عمها وجه يسال

عني لولا واحد صاحب اقابله ادام البيت وفهم منه الموضوع وهو كان عارف

الموضوع من قبل كده وقاله الموضوع في ايدي والواد ده مكش هايكررها

لكن محمد كان يعرفها عن طريق نت وكذا


المهم انا ساعتها حسيت اني بقيت منظري وحش بالنسبه ليها بدل

ماكانت هي اللي غلطانه وقعات انا كمان في الغلط

بس الموضوع انتهي علي كده واديني ماشي ااحب علي نفسي هههههه

بس هي ده قصتي بس بكل صراحه

.................
.........
اه نسيت كانت بتعشق اغنيه قول هانساك حبتها
ولما انفصلنا اصبحت انا عاشقها


ياريت بقي ماحدتش ليه حجه
وياريت تدخلي جوليت تحكي انتي كمان

[buffy]

ههههههههههههههههههههههههه هه
تصدق موضوع جامد
بس ما ينفعش ادخل اعمل لنفسى اعلان ع المنتدى
لما يحصل نصيب ان شاء الله وبابا يوافق والاحوال تتصلح هاجى اعمل موضوع مش رد بس
وهعمل حفله جامده مووووووووووووووت
يلا دعواتكو ربنا يستجاب منكو

[داليا]

ربنا يوفقك يا بافى
وباباكى ان شاء الله يوافق
ونفرح فيكى قصدى بيكى قريب
هههههههههههههههه
ويا حبيبتى انتى باباكى يوافق
وانا اعملك الموضوع بس يوافق

وانا والله كان بودى اشارك بقصه ولا حاجه
يا ابو جوده
بس انا الحمدلله محبتش لغايه دلوقتى
ولا مريت بقصه حب ولا اى حاجه
وبصراحه مش ناويه امر

شكرا يا ابو جوده
ويلا مستنين قصص حب الفرسان

[abou-goda]

المشاركة الأصلية كتبت بواسطة buffy

ههههههههههههههههههههههههه هه
تصدق موضوع جامد
بس ما ينفعش ادخل اعمل لنفسى اعلان ع المنتدى
لما يحصل نصيب ان شاء الله وبابا يوافق والاحوال تتصلح هاجى اعمل موضوع مش رد بس
وهعمل حفله جامده مووووووووووووووت
يلا دعواتكو ربنا يستجاب منكو

هههههههههه
الله يكرمك
وبعدين اعلان ايه انتي لحقتي تخليها اعلان
صحيح هي فكره الموضوع عايزه جرأه او كنت خليتها اكتب لينا قصص حب
بس يلا اللي حصل بقي
ونورتي بمرورك وربنا يوفقك باذن الله وباباكي يوافق
تسلمي ياجميل علي مرورك

[حمو]

الصراحه يا ابو جوده مش عارف اقول ايه بس اكيد صحبك ده مش كويس انا نفسى اعرف انتا عملت معا ايه والسبب الى هوه كان بيكلمها عشانه يعنى هوه مش بيعاكس هوه اكيد كان يقصد حاجه اكيد انتا سقلته انتا عملت كده ليه ممكن تقلنا هوه عمل كده ليه

[abou-goda]

ماينفعش اعمل معاه حاجه
وبعدين هو عمل كده لانه مريض
عايز يحس ان الناس كلها تعرفه ومهتتمه بيه