الزمالك اثبت انه عظيم

[داليا]

من الطبيعي أن تثني على الفائز وتنتقد المهزوم بعد كل مباراة، ولكن بعد مباراة الأهلي والزمالك وتحديدا في منتصف الشوط الثاني والزمالك متقدما بهدفين لهدف قررت ألا أفعل ذلك وأن أشيد بأداء الفريقين الفني والخططي والأخلاقي.

الزمالك أدى مباراة رائعة للغاية خاصة في ظل الظروف الصعبة التي مر بها الفريق سواء قبل أو اثناء المبارة ، فالزمالك دخل المباراة وهو يفتقد جهود إثنين من لاعبيه هما محمد أبو العلا ومحمود محمود ، وأبو العلا تحديدا كان أبرز لاعبي الفريق الأبيض في الفترة الأخيرة ، كما أن محمود محمود وإن لم يكن أساسيا في الفترة الأخيرة إلا أنه قد يكون مفيدا بشدة كبديل بعد إصابة وسام العابدي بدلا من مشاركة أحمد حسام في غير مركزه ، وفي ظل النقص العددي في صفوف الزمالك اضطر هنري ميشيل لالدفع بلاعبين عائدين من الاصابة ولم يشاركوا منذ فترة طويلة وهما تامر عبد الحميد وعلاء عبد الغني وهما بعيدين تماما عن حساسية المباريات.

وفي أثناء المباراة تعرض إثنين من لاعبي الزمالك للإصابة وهما تامر عبد الحميد ووسام العابدي وهما يلعبان في نفس المركزين اللذين يعاني فيهما الزمالك من وجود نقص واضطر ميشيل الى الدفع باثنين في غير مراكزهم وهم أحمد حسام في مركز المساك وأسامة حسن في مركز لاعب الوسط المدافع ، وبسبب هاذين التغييرين الاضطراريين خسر الزمالك فرصة اجراء تبديلين هجوميين كانا من الممكن أن يغيريا من سير المباراة ونتيجتها مثل الدفع بالثنائي عبد الحليم علي ومصطفى جعفر.

ورغم الظروف الصعبة التي تعرض لها الزمالك قبل وأثناء المباراة الا أن لاعبيه قدموا مباراة أكثر من رائعة وكانوا ندا قويا للأهلي وهو يلعب بكامل نجومه، بل وتقدموا عليه ثلاث مرات وكان الأهلي هو من يعادل النتيجة في كل مرة ، كما أن الزمالك كان قريبا جدا من تحقيق الفوز في الوقت الأصلي لولا الهدف الذي سجله النجم أبو تريكه قبل نهاية اللقاء بثلاث دقائق ، كما كان الزمالك أيضا قريبا بشدة من تحقيق التعادل في نهاية الشوط الرابع واللجوء لركلات الترجيح ولكن تسديدة عمرو زكي اصطدمت بالعارضة بغرابة شديدة وبسوء حظ كبير.

أداء الزمالك في المباراة اثبت أنه فريق كبير وعظيم وأثبت أنه يمتلك مدربا على أعلى مستوى قدم بهم مباراة رائعة رغم انه يمتلك لاعبين أقل في المستوى الفني من لاعبي الأهلي بالإضافة للظروف الصعبة التي تعرض لها الزمالك والتي ذكرتها من قبل ، والمباراة أثبتت بالدليل القاطع أن الزمالك عائد وبقوة لطريق البطولات وأن مدرسة الفن والهندسة فتحت أبوابها من جديد وسيزداد الفريق قوة وخبرة بعد الصفقات الجديدة التي ضمها مؤخرا والتي سيضمها قريبا.


مقاله لخالد طلعت طبعا مجبتش باقى المقال لانها عن فريق كدا معرفوش وميلزمنيش

[أبو الشود]

ههههههههههههههههههههههههه ههههه

مع اني والله لا شوفت المباراة ولا أكيد هأفكر بيوم اتفرج عليها

بس باين انه الزمالك لعب أحسن من الأهلي وده بأعتراف مشجعي الأهلي ذات نفسهم

خيرها بغيرها يا بنوتة

والبطولات زي المطر واحدة تروح 10 يجو

ههههههههههههههههههههههههه

[داليا]

والله يا ابو الشود احنا
شكلنا معمول لينا عمل
والله يا ابنى حظنا كان وحش ومتفهمش كان فى ايه
وفعلا الزمالك كان الافضل وكان يستحق
وبعدين يا خوفى بطوله تروح والعشره يحصلوها
هههههههههههههههههههه

[zAiNaB 86]

بجد ده اللي حصل بالظبط..
ومع انو دي اول مباراة اتفرج فيها لـ انديه مصريه..
وعمتا من قليلات اللي بتفرج فيهم اصلا ، يعني من الكره..
لأني مبحبش الكره خالص..


بس بجد الزمالك ابهر الجميع
وفعلا غيرت وجهة نظري بخصوص متابعة المباريات
لأنها كانت من احلى المباريات الي شفتهم،
ايه من احلى؟ دي كانت الأحلـــى... بجد...
لأنها كانت مباراه في قمة الاثارة والروعه...
والزمالك ابدع فيها ولعب ممتاز وايضا لن انسى الأهلي برضو لعب ممتاز ...

بس بجد كل اللي تقال في المقال صح ولولا التغيرات و الاصابات اللي حصلت في صفوف لاعبي الزمالك لما فاز الأهلي لأنو زي ما مكتوب في الموضوع الزمالك كان بيتقدم كل مره والأهلي بيعادل النتيجه...
الا في النهايه، لأنو في النهايه حصل الأسوء لما حصلت التغيرات
وضرد ايضا لاعب من الفريق وكانو عشره ضد 11 لاعب......

فـ حقيقي الزمالك كان مبدع للغايه
وحتى اذا خسر مخسرش خسارة ساحقه...
بل كان الحظ فقط يحالف الأهلي في نهاية المباراة
لا اكثر ..

شكرا حبيبتي على التوبك..

تحيه لكي

[داليا]

تسلمى يا زيزى وفعلا الزمالك كان اروع ما يكون
وفعلا يارب يلازمه بس شويه توفيق
من اللى لازقين للاهلى وان شاء يجيب بطولات
وبجد لولا الاصابات من العين اللى حسدانا
تصدقى وتامنى بالله انا مش شفت عمرو
وهو بيطرد ومعرفتش غير تانى يوم
اصل انا قلبت قبل نهايه الماتش ب 5 دقايق
لانى كنت مضايقه
اسعدنى مرورك يا زملكويه وها مش هنعمل حزبنا عشان
نهزم حزب الاهلويه الاعداء
هههههههههههههههههههه

[l-lo0oBy]

لا يا أبو الشود مين قال ان الزمالك لعب أحسن

والله أبدا ماحصل

الزمالك ملعبش ربع اللى الاهلى لعبه فى الماتش

بس زى ماتقول كده ان الزمالك كان مفقود فيه الأمل انه حتى يجيب جول واحد وربنا كرمه ونفخ فى صورته واداله 3 اجوال من عندى ربنا كده مش أكتر يعنى

لو قعدوا ميت ماتش بعد كده عمر ال3 اجوال ماييجوا يعنى من الاخر مش حتلاقى حظ وتوفيق أكتر من كده

والأهلى طبعا لو فيه نص الحظ والتوفيق بتاع الزمالك دا

كنت حتلاقى النتيجه قول 10 ل3 بتاعهم دول

ومعتقدش ان فيه واحد حتى زملكاوى يقدر يقول ان الأهلى مش يستحق الفوز

بجد والله يابنته انتى عارفه انى مشكنتش عايزو أتكلم بس انتى عرفانى بقى هههههههههههه

أنا كنت لما الأهلى يضيع فرصه ودا كان بيحصل كل دقيقه تقريبا

كنت أقعد أضحك وأقول بنلاعب فريق غلبان والجول جاى جاى

ومحدش يقولى ظروف ومش ظروف

احنا لعينا وناقصين 9 لاعيبه وقولنا مبورك ومنطقناش ولا ايه ؟؟؟؟

وبعدين النقص دا يخصكم انتوا يعنى مش مجرد تلات أربع لاعيبه اللى غايب ولا اتصاب يبقى الفريق مفيش

كان عنده تامر عبد الوهاب محطوش حتى فى الاحتياطى ودى مش مشكلتنا بقى

تامر عبد الحميد كان راجع من اصابه مش مشكلتنا برضه يلاعب احمد عبد الرؤف والاخ أسامه حسن

هما دول مش لاعيبه برضه فى الزمالك وبتدفعولهم ولا ايه؟؟؟؟

ولا يعنى عايزانا نبقى نسلفكم كام لاعب من عندنا

أقولك حاجه

انتوا أصلا اللى مديكم روح فى الملعب هما الخطين الحمر اللى على الفانله

يعنى جربوا مره تلعبوا باللون الأحمر كله وشوفى انتوا حتعملوا ايه ههههههه

ومبروك على العرض اللى الزمالك عمله

تصدقى اننا كنا بنلاعب الحج بركه ههههههههههههه

نورتى الموضوع بتاعى

[داليا]

ههههههههههههههههههههههههه
بقى كدا يا هوبى طب ماشى
دا تذلنى ماشى يا عم مقبوله

بص بقى يا جميل
اولا الزمالك لعب احسن بكتير من الاهلى
وكان هو اللى يستحق الفوز
ولا انت عندك اعتراض
طبعا معندكش هههههههههههههه
انتوا يا ابنى لولا
الحظ كنتوا فى الباى باى
واللى غابوا دول من قر الناس
وعينين ناس كدا
وبعدين خطين ايه اللى انت بتتكلمهم عنهم
ما الاهلى بيلبس شورت ابيض
ومحدش اتكلم

منور يا هوبى الموضوع

[العميل1001]

ايه با بنوته ماتش ايه اللى بتكلمى عليه

الماتش ده مصر كلها عارفه مين اللى هيكسب وطبعا هو الاهلى وفعلا كسب

واذا كنتى بتكلمى على اربع او خمس لاعيبه فاحنا لاعبناكوا فى واحنا غايبين من عندنا 9 لاعيبه ورغم كده الكابتن حسام البدرى قدم مباراه رائعه الزمالك معملش ربعها ومع ذلك متكلمناش انتى تيجى تتتكلمى عشان اربع او خمس لاعيبه وزى ما هوبى قالى عندكوا لاعيبه وبتدفعولها فلوس ولا بتخليوهم ولا انتو بتقعدوا يسخلو الملابس بتاعت الاعبيه ههههههههههههههههههههههههه ههههه

والاهلى قلعه الجبلايه اللى محدش يقدر يهدها ابدا

بنوته يؤسفنى ان اقول لكى ان مانويل جوزيه اكف من هنرى ميشيل الدرب الفرنسى العالمى اللى دخل كاس العالم للمنتخبات اربع او خمس مرات بس مانويل جوزيه برضه دخل كاس العالم مرتين متتاليين بس للانديه هههههههه

اللى ان شاء الله الزمالك مش هيشخه ابدا ول بعد 100 قرن

بنوته انتى بتتكلمى فى ماتش اعملى احصائيه يا حبيبتى عن مباريات الاهلى والزمالك هتلاقى الاهلى اكتر مكسب ام الزمالك اقل مكسب الاهلى نادى عظيم ونادى 101 بطوله وان شاء الله هتبقى 102 قريب ببطوله افريقيا

الزمالك مش عظيم ولا حاجه اعكسى الاهلى هو اللى عظيم هههههههههههه

صحيح نسيت اقلك حاجه هنرى ميشيل بتعكو ميجيش حاجه جنب مانويل جوزيه

شكرا ليكى يا بنوته

تحياتى لكى .....

ااااحمد الاهلاوى بدل المصرى
هههههههههههه

[ملـ الحب ـك...ولكن حزين]

سوري يا بنوته في الكلام الي هقولو

انتي كده بينتيلي انك مش فاهمه كورة صح بتشجعي وخلاص

شوفي الماتش كويس ونسبه الاستحواذ 59% للاهلي 41% للزمالك

والاهلي ضيع من ابو تريكه قدام الجون فوق المرمي اصطاد عصافير ازاي مش عارف وفلافيو ضيع وعماد متعب لم عبد المنصف لمتين يعني مش هتكلم وضيعها

وكوره اسامه حسني الانفراده هو والجون ده الجون شارع ضيعها ازاي ومع ذلك مفقدناش الامل وجبنا جون وكنت متأكد ان الاهلي اللي هيكسب بس كنت خايف الماتش كان حلو قوليلي يا بنوته الزمالك فين الفرص الي ضيعها

اول جون عمرو ذكي غلطه امير ويحاسب عليها شيكابالا جونه حلو اوي

وجون جمال حمزه عجبني اوي

اما لمحمد ابو العلا ميسترو خط الوسط الي سمعناه خاف يلعب الماتش ضد الاهلي قال هشيل كتير واخد طرد وهو كان عاوز كده وباين من طريقه لعبه في نص نهائي الكاس قال ملعبش احسن بدل ما يقولو لعبت وشلت كتير هما هيلعبو

والزمالك نادي كبير المفروض الي علي الدكه زي الي بيلعبو مش ده كلامكو
لما غلبتو الاهلي في الدوري وكان مبيلعبش بحد وفرحتو اوي

اخر مرة غلبتو فيها الاهلي في الكاس امتا من 48 سنه هههههههههه

حرام ده ولا حلال

ومستني ردك بس بجد وضحتي ان فهم الكورة سوري ومتزعليش مني مغيش خالص

وبجد الماتش كان حلو من الطرفين بس الاهلي اللي كان يستحق والكل قال كده

وخيرها في غيرها

وهتلاعبونا في السوبر هتلاقو نفس النتيجه الي هيا الهزيمه ان شاء الله

وشكرا علي الموضوع
تحياتي