كــــذبة بيضـــــــا

[۞ عاشقة الفردوس ۞]

السلام عليكم ورحمة الله

الأخوة الأحباب

يا ترى أيه هى الكذبة البيضا ؟؟

انتشرت اوى الكلمة دى وبنضحك معاها وعليها

لكن ايه هى حقيقة الكدبة البيضا


واحنا بنتكلم مع بعض نقول حاجة كدا ظريفة وبعدها نضحك ونقول دى كدبة بيضا !!

على المنتديات نتكلم عن نفسنا بحاجات مش فيها وبينا وبين نفسنا نقول عادى دى مجرد كدبة بيضا !!

على الماسنجر بنعرف ناس من كل البلاد ونتكلم ونتعرف ونكدب ونكدب ونقول معلش دى كدبة بيضا !!

فى ابريل نتصل باصحابنا ونقولهم خبر مهم ونقفل ونضحك كتييير ونقول دى كدبة ابريل كدبة بيضا !!

بس لغاية امتى هنفضل نلونها بالأبيض ؟!

طيب تعالوا نشوف رأى الاسلام فى الكدبة البيضا ايه :

عن صفوان بن سليم انه قال : قيل لرسول الله صلى الله عليه وسلم : أيكون المؤمن جبانا؟فقال نعم , فقيل له : ايكون المؤمن بخيلا؟ فقال نعم , فقيل له : ايكون المؤمن كذابا , فقال لا ." رواه مالك

اذن فالصدق قرين الايمان والكذب لايكون فى مؤمن ابدا
عن معاوية بن حيدة قال :
سمعت رسول الله صلى الله عليه وسلم يقول :
" ويل للذى يُحدث بالحديث ليُضحك به القوم فيكذب , ويل له , ويل له " رواه الترمذى


الكذب أُس النفاق :
قال صلى الله عليه وسلم ( آية المنافق ثلاث : إذا حدث كذب , وإذا وعد أخلف , وإذا عاهد غدر ) . [ أخرجه الشيخان ] .

- الكذب قرين النفاق
في حديث آخر للشيخين : ( أربع من كن فيه كان منافقاً خالصاً , ومن كانت فيه خصلة منهن كانت فيه خصلة من النفاق حتى يدعها : إذا أؤتمن خان , وإذا حدث كذب , وإذا عاهد غدر , وإذا خاصم فجر ) .

معنى كدا ان الكدب طلع كله اسوووود فى الاسلام؟؟؟

لا فى 3 كدبات بيضا مسموح بيهم فى الاسلام

قال ابن شهاب عما رخص فيه رسول الله صلى الله عليه وسلم من الكذب : لم اسمع يُرخص فى شئ مما يقول الناس كذب الا فلا ثلاث : الحرب ، والاصلاح بين الناس ، وحديث الرجل امرأته ، وحديث المرأة زوجها " رواه مسلم

*********

يا ترى بعد كدا هنقدر نفرق بين الكدبة البيضا والكدبة السودا
أتمنى أسمع أراءكم فى أسباب الكدب وايه علاجه ؟
وهل فعلا انعدمت الثقة بين الناس؟!

********

تحياتى للجميع

[داليا]

موضوع مميز كعاده مواضعيك
وفعلا للاسف الكذب الابيض
انتشر اوى اوى
وزى ما بتقولى كل واحد بيبررها
ونقول وايه يعنى
انا شايفه ان اسباب انتشار الكدب
الخوف اللى مسيطر على كل الناس
ان كل واحد خايف يقول الحقيقه فيضر
فيقول طب ما اكدب ايه اللى هيحصل الدنيا هتخرب
عدم الوعى الدينى ودا بيخلينا نكدب ونقول عادى
مع انه حرام

عاده عند ناس كتير
فى ناس تحب تكدب من باب الهزار
يعنى مش بيقول انا بكدب لا دا انا بهزر

والثقه اكيد موجوده بين الناس
بس للاسف بقت فى حاجه بتسيطر عليها
هى خوفنا على مصلحنا

بجد موضوع رائعه يا عاشقه

[buffy]

عذر اقبح من ذنب
كدبنا وبررنا موقفنا انها بيضا
على اساس مثلا اننا مش هنتحاسب على الكدبه دى
طيب وهو فى كدبه كبرى وكدبه صغرى علشان يبقى فى كدبه بيضه وكدبه الالوان
وزى ما بتقول بنوته الناس بتكدب من باب التهريج
كل حاجه هنتحاسب عليها هزار او غير هزار كبيره او صغيره مفيش فرق

موضوع رائع جدا منك يا عاشقه
فوق الممتاز بجد وفيه توعيه للناس
بتعجبنى جدا المواضيع دى

[Love.For.Ever]

موضوع رائع جدا

بس مافيش حاجه اسمها كذبه بيضه

والكل بقا يمسك فى الكلمه دى يعمل حاجه يقولك كذبه بيضه

مع ان كله كذب

وبقت للأسف مشهوره اووى

اتمنه من الكل انه ما يستخدمش الكذبه البيضه

لانها كلها عند ربنا كذبه

[جوليت]

فقدان القدوة الحسنة..
فقدان الوعى بالامور الدينيه
فقدان الثقه بالنفس
تملك وسيطره الجبن على الشخص
والسلبيه
كل هذه امور تدفع الشخص الى الكدب وبكل بساطه
لا يوجد شىء يسمى كدب ابيض وكدب اسود ولا حتى كروهات كلها مسميات تندرج تحت معنى واحد وهو الكدب
العلاج بسيط جداااااا
وهو اننا يكون عندنا وعى كافى بامور دينا ونتبع قول الله سبحانه وتعالى وقول رسوله (ص) ونعرف ان الكدب نهايته وحشه
فالكذب مطيه لا تنجى صاحبها وان جرت به طويلا
مشكور جداااااااا ياعاشقه الفردوس ياحبيبتى على الموضوع الاكثر من رائع ده
فعلا بيناقش قضيه ملموسه ومنتشره فى مجتمعنا
تقبلى خالص تحياتى وتقديرى

[l-lo0oBy]

أكيد الكدب بصفه عامه محرم

ومفيش حاجه اسمها كدبه بيضه وكدبه سوده ولا ملونه حتى

بس الأكيد بقى ان كلنا بنكدب الكدبه البيضه دى بس أكيد بتختل درجاتها من انسان لأخر

عموما الكدب ممكن يكون عاده عند شخص ما

وخلاص اتعود انه يكدب حتى من غير مايحس

وفيه اللى بيكدب لخوف او عدم ثقه بالنفس

وطبعا مفيش حل ليه غير التقرب من ربنا وبالتالى معرفه امور الدين كويس

وطبعا الدين بيحرم الكدب بكافه أنواعه اللى احنا اخترعناها

موضو أكثر من رائع ياعاشقه الفردوس

تسلم ايدك

[The_free_pen]

فعلا عندك حق
حكاية الكدية البيضة دي منتشرة أوي في مجتمعنا ونادر لما تلاقي فعلا حد صادق ولو على نفسه أو أهله
وفي منهم اللي بيكذبو هزار وده بقوله قول الرسول عليه الصلاة والسلام "أنا زعيم ببيت في ربض الجنة لمن ترك الكذب ولو كان مازحا"
وفي اللي بيكذبوا لخوف أو لغيره ودول بقى اللي نسوا ان الصدق أيا كان هو منجاة لصاحبه وان زي ما انت قلتي ياعاشقة المؤمن لا يكون كاذبا بأي حال من الأحوال
هدانا الله وإياكم لصالح الأعمال